8. Вай мэйт вардійт кихчмен? Вай олмо, тэвнахтанч суппис асгій-гуэйм? Kок аннеб суппис асгійт, ливтьеб царэ шур пэртійн.
9. Вай мэйт вардійт кихчмен? Вай пророк? Да, сарнам тійе, и шурямп пророккед.
10. Тэн мильт што сон ли тэт, кон варас ли кирьханч: кич, Мун вулкхэлэм иччан іеηкал Тонэ васв эвте, ку валмашт тонэ варэ тонэ эвте.
11. Вуйкест сарнам тійе: нызан-олмыйн шэнтъійн ій чуэнчланч ни кіе шурямп Эвван рыстъеттед; а уцьмус альм царствест ли шурямп соннед.
12. А Эвван рыстее пійвійн тан райя альм царства валтай самай-гуэйм, и кок аннеб самайдис, ротьеб сонэ.
13. Тэн гуэйк што пук пророк и закон сарнун эвтель Эвван райя.
14. И готь тій татниіппед вальтед, сон ли Илле, коз бидій пуэттед.
15. Кіест ліеб піелле куллэд, ань кул!
16. А кіейн мун пиям тан пулвдэг эвт налла? Сон ли эвт налла парнай гуэйм, кок орреб іэтксест и ковсеб иджес товружій горра,
17. И сарнеб: мій тійе нюргайм нюркем-мурыйн, и тій іеппед сирманч: мій лавлэм тійе няцлушшем лавлайт, и тій іеппед рякманч.
18. Тэн мильт што пудій Эвван, ій порэ да ни югэ ій; и сарнет: сонэ сисн ли цуэрьхт.
19. Пудій олмо нарьн; пор и юк; и сарнет: кич тат олмунч, ку пор и юк вине, мыттарій и ряклай томдас олмунч. И миллэввут ли вуйкьянч иджес парнай-гуэйм.
20. Танна сон альгій сіевтед лэннійт, койн ляй сонэ саммед іенамп вузеханч, тэн гуэйк, што сій іеб кайдэтманч.