Nel god
| ←Ura beeda | Fluors alpinas (1883) by Nel god |
Guardaval→ |
[ 26 ]
Nel god.
O god, tü taimpel verd sco spraunza,
Te vzand esult' il cour bain zuond;
In te voless avair ma staunza,
Asil da pêsch, dalöntsch dal muond.
Voless compuoner simpla rima
E la vestir da simpel chaunt;
Voless loder l'Essenza prüma,
Con cour sincer sco ün infaunt.
O god, tü taimpel verd, conceda
A me asil bain cher, prüvo;
Fo'm rechatter la pêsch mangleda,
Cha eau nel muond nun he chatto!
26 Gün 1881.