Guardaval
| ←Nel god | Fluors alpinas (1883) by Guardaval |
Di 14 October 1882→ |
[ 27 ]
Guardaval.
D'rapina vegl chasté
Asil d'ün nosch dragun;
Smacho t'ho suot il pe
Ün brav, valent grischun.
D'ün brav Engiadinais
L'infaunt volaivast tü,
La flur da nos pajais
Contaminer? Mê pü!
Ma Adam il chalger
La nozz' at preparet
Da saung; at fand cruder
Suot sieu tagliaint stilet.
Rimbomba tres la val
Da liberted chanzun;
Sül spelm da Guardaval
Ho liberted sieu trun.