Molaotheo wa Repabliki ya Afrika Borwa

Molaotheo wa Repabliki ya Afrika Borwa  (1996)

Molaotheo wa Repabliki ya Afrika Borwa

Ketapele

Kgaolo ya 1: Mabakatheo

Kgaolo ya 2: Molao wa Ditokelo

Kgaolo ya 3: Mmušo wa Mohlakanelwa

Kgaolo ya 4: Palamente

Kgaolo ya 5: Mopresidente le Khuduthamaga ya Setšhaba

Kgaolo ya 6: Diprofense

Kgaolo ya 7: Pušoselegae

Kgaolo ya 8: Dikgorotsheko le Tshepedišo ya Toka

Kgaolo ya 9: Dihlongwa tša Mmušo tše di Thekgago Temokrasi ya Molaotheo

Kgaolo ya 10: Taolo ya Merero ya Setšhaba

Kgaolo ya 11: Ditirelo tša Tšhireletšo

Kgaolo ya 12: Baetapele ba Setšo

Kgaolo ya 13: Ditšhelete

Kgaolo ya 14: Ditlhagišokakaretšo

Šetulo ya 1: Folaga ya Setšhaba

Šetulo ya 1A: Mafelo ao Diprofense di Hwetšagalago go Wona

Šetulo ya 2: Dikano le Maitlamo a Mmakgonthe

Šetulo ya 3: Ditshepedišo tša Dikgetho

Šetulo ya 4: Makalatirišwa ao a Amago Sammaletee Bolaodi bja Mebušo ya Diprofense le wa Setšhaba

Šetulo ya 5: Makalatirišwa ao a Amago Fela Bolaodi bja Lekgotlapeamelao la Profense

Šetulo ya 6: Dithulaganyo tša Phetelo

Šetulo ya 7: Melao ye e Phumotšwego

Ketapele

Rena, batho ba Afrika Borwa,

Re lemoga ditlhokatoka tša rena tša bogologolo;

Re tlotla bao ba ilego ba hlokofaletšwa toka le tokologo nageng ya gaborena;

Re hlompha bao ba ilego ba katanela go aga le go hlabolla naga ya gaborena; mme

Re dumela gore Afrika-Borwa ke ya batho bohle ba ba dulago go yona, re le ngata e tee e nago le pharologano.

Ka gona, ka baemedi ba rena bao ba kgethilwego ka tokologo, re amogela molaotheo wo bjalo ka molaomogolo wa Repabliki gore re tlo-

• Fediša diphapano tša kgale mme re bope setšhaba seo se theilwego godimo ga dikelo tša temokrasi, toka setšhabeng le ditokelomotheo tša batho;
• Aga metheo ya setšhaba se se lokologilego sa temokrasi moo mmušo o theilwego godimo ga thato ya batho mme moo moagi yo mongwe le yo mongwe a šireleditšwego ke molao ka go lekana;
• Kaonafatša maemo a bophelo bja baagi ka moka le go lokolla mabokgoni a motho o mongwe le o mongwe; le go
• Aga Afrika-Borwa ye e kopanego ya temokrasi yeo e ka kgonago go tšea maemo a yona a maswanedi bjalo ka setšhaba se se ikemetšego ka noši ditšhabeng tša lefase ka bophara.

Eke Morena a ka boloka setšhaba sa gešo.
Nkosi Sikelel’ iAfrika.
Morena boloka setjhaba sa heso.
God seën Suid-Afrika.
God bless South Africa.
Mudzimu fhatutshedza Afurika.
Hosi katekisa Afrika.