Jv/Kakawin Arjunawiwāha/Pupuh 11

From Wikisource
Jump to navigation Jump to search
Kakawin Arjunawiwāha by Mpu Kanwa
Pupuh 11

Pupuh 11 - Toṭaka 100%.png

1.

  • a. śaśiwimba hanêng ghaṭa mesi bañu
  • b. ndan asing śuci nirmala mesi wulan
  • c. iwa mangkana rakwa kitêng kadadin
  • d. ring angambĕki yoga kitêng sakala

2.

  • a. katĕmunta marêka si tan katĕmu
  • b. kahiḍĕpta marêka si tan kahiḍĕp
  • c. kawĕnangta marêka si tan kawĕnang
  • d. Paramārthaśiwâstunirāwaraṇa