Immen/Opstunt?!

Immer de ole jesank! mulflitig de eine, te mulful
   Wedder en ander! et blifft immer de nemlige zank;
Hunne verdraget un katten sik bäter ar hüte de minschen;
   Umme jewinn un jelt slaht se noch hüte sik dot;
Un um denken un glöben da rit se seik ruter de haare,
   Buet se galgen un rad, sprütjet et blaut um en kop!
Mott denn immer et graf, mot frieden denn immer de friedhof
   Bringen  teerst, wenn still bruder an brauder sik leggt? —
 Bräuder, verdraget üch doch!  Denkt alle  verschieden un  glöwet
   Alle  verschieden, et makt immer de liewe ja  glik!
 Liewe — dat prächtige wort is lichte ja doch te begripen!
   Puter un ant' un gaus — alle begripet se dat;
 Liewe begrippet en kint, se begrippet de vader, de mutter;
   Awer de minschen — ja dei ruppet sik nahe wie vor.