Immen/Hinz dört et — awer Kunz nich

Wenn 't Hinz deiht, is 't recht, doch wenn dat sülftige Kunz deit,
   Unrecht; immer noch jilt jillen un kasten sau veel;
Dei kann dragen en bart, hett ok ne de müse terplükket,
   Hett ok pinsel un drekk erst ne heruterelokkt;
Dei kann 't nich, wenn ok de natur mit prächtigen lokken
   Kränsse ne munt un kinn; lüe, wu blifft de vernunft?
Will je begriepen et nich, dat keimal wiwer en bart hett;
   Zeiget en bärtjeken sik, finne je datte wol hübsch?
Harre doch Kristus en bart, nu willt ne verdammen de Kristen?
   Is et en papst nich ewest, dei mal de bäre verbott?
Dat is en slecht — slecht maler, dei nich ok male de bäre,
   Wolle mit schönheit kraft paaren un männligen sinn;
Wene de mutter natur ar smukk son bärtjeken anbot,
   Drage ne flux! hei steiht sicher ne passig un gut;
Wu kein bart mehr wässt, da wasset de mänder ok  nich mehr
   Un bajaderen regiert; awer de redlige — dei —