Iyo nang guinibo lolong na Velasquez
an pagpacaraot na dai ma isip
nagduloc sa Hade olay na sinambit
kita sa Turquia homagad nin paces.
Huli ta may surat sa sacong nagdatong
sarong amigo co iyong nag osipon
na nag-aandam na boot guguhaton
ining satong banua magña Turkong dacol.
Quita daing marhay digding pagcamogtac
balakid na Reino madigding magubat
[humagad] nin paces iyong igong [sucat]
gnaning macahandi kita man maggayac.
Hade ominoho sa catigayonan
magna pasaluib daing pacaaram
madara nin sorat na paniualaan
hapot ki Velasquez siisay dao an marhay.
Simbag ni Velasquez dai gnayang iba
an igong paduman sa surat magdara
sucat tang sarigan si Busto de Lara
mapaniualaan nin simong corona.
Lacao, an sa Hade simong despachohon
ining sacong carta tolos paaboton
ki Busto de Lara saimong sabihon.
sa Reinong Turquia, saiyang darahon.
Guinibo nin bayao lolong masiuaua
an surat nin Hade rinibayan nia
an ipinalaman sa surat iba na
piling Emperador sa Reinong Turkia.
Sa sacong paglaom ica pagsirbihan
sa oras na ini di man canigoan
baga man di igo sa dugong malinao
sacuyang ginibo na servicio bilang.
Na ining nagdara portador na gayo
bacong iba condi tunay na bayao co
hagad co saimo papotlan nin payo
sa di macariboc nin bilog na Reino.
Caya gnonian tolos o Hadeng dacula
gnaning di magdagos guerrang pigmomocna
ipagadan tolos isonod sa ama
an [pitong] infantes de Larang bareta.
Asin aco naman an nagpapalacao
aki niang pito sa icagagadan
cotcot na hararom ipaguibo mo man
na sa pagpasalla gnaning mahologan.