Tara sa pagcacan duman sa lamesa
an novia nagtaram na si Doña Lambra
ta'dao nagtucao man Infantes de Lara
magña akion pa makiharampang na.
An de Laratig gñohod aking icapito
iyong sominimbag gnaran si Gonzalo
lamesa nin Hade minatucao aco
gurano pa baga lamnesang iniho.
Agom ca pa sana ni Señor Villarin
baco pa man Reina, marhay ca na saguin
dimo cami sucat sopogon nin siring
sa dacul na tauo matang naghihiling.
Sa angot ni Lambra sa ki D. Gonzalo
pinalagan tolos nin dugo an vaso
olay sa oripon lacao ulaan mo.
an gubing sa hauac Gonzalong letrado.
Ta ugaleng dati can enot na aldao
bububuan dugo an na aangotan
tanda gnaning sayod can saiyang buhay
na iyong mapatod canayon madamay.
Nagsonod man tolos oripon na hayag
gubing ni Gonzalo sa dugo tinogmac
saca dumalagan an tulin di hamac
na sa cagurangnan dumuloc nangad.
Angot ni Gonzalo dai nin casama
oripon linamag, lapnot an espada
an guinibo lalang an iseñorang Lambra
tulos sinocloban can saiyang saya.
Sa lugar man sana can saiyang tinabon
guinadan man tolos, nagtagong oripon
dagnan paghiling co sa sacong amaon
na ining Don Rubio damay na canayon.
Sa bagay na idto, sabihon pa baga
pagtagnis sa agom caidtong si Lambra
sa simong sobrino guinibong venganza
icagagadan co na daing pagsala
Con di mo [bogtacan] nin bolong na tapal
sa simong sobrino na capagnasahan
maghohogot acong rogaring magadan,
di magnagnanogon sa capot con buhay.
An simbag nin Conde sa agom na ragna.
baga man aram co na icang may sala,
pagcamoot simo orog sa sainda
ama nia, aki iyong magdudusa.