Hærramek ja bæsstamek Jesus Kristus ođđa Testament/St. Paulus girje Ephesialaǯaidi

From Wikisource
Jump to navigation Jump to search
Hærramek ja bæsstamek Jesus Kristus ođđa Testament  (1850) 
St. Paulus girje Ephesialaǯaidi
[ 602 ]

St. Paulus girje Ephesialaǯaidi.

1. Kapittal.

Paulus, Ibmel dato mield Jesus Kristus apostal, daid basidi, guđek Ephesusist læk, ja oskolaǯaidi Kristus Jesus sist:

2 Arbmo dinguim, ja raffhe Ibmelest min ačestæmek, ja hærrast Jesusest Kristusest!

3 Gittujuvvum lekkus Ibmel ja min hærramek Jesus Kristus ačče, gutte min buristsivnedi buok vuoiŋalaš buristsivnadusain ja almalaš buridesguim KRistus sist;

4 nuftgo son valji min su sist, auddal go mailme vuođđo bigjujuvui, bassen ja mainetæbmen su čalmi audast rakisvuođa sist ællet;

5 jo auddal min oainededin Jesus Kristus boft aldsis barnalaš valljijubmen, su datos buorre oaid­nem mield,

6 su hærvas arbmoi gittosen, man boft son min armeti dam eccujuvvum sist,

7 gæn sist, su varai boft, mist lonastussa læ, suddoidæmek andagassi addujubme, su stuorra armo mield,

8 maid arvvaset son migjidi juoǥadi buok vi­sesvuođa ja jierbmaivuođa sist,

9 go migjidi son dieđeti su dato čieǥosvuo­đa, dam buorre armogas arvvalusa mield, maid jo auddal arvvalam læi ješječas lut,

10 dallodoallam asatet, go aigek dievvam legje, oft oive vuollai Kristus sist buokrakkan ofti [ 603 ]oftstattam varas, sikke dam, mi almin læ, ja dam, mi ædnam ald læ, su sist.

11 Gæsa migis maida oase oaǯǯom læp, mi, guđek auddal oidnujuvvum læimek su oaidnem mield, mi buokrakkan ollašubmai bufta su datos arvvalusa mield,

12 vai mi su hærvasvutti gudnen šaddašei­mek, mi, guđek auddal Kristus ala doaivvomek bijaimek,

13 gæn sist maida digis, go di dam duot­vuođa sane gulaidek, din audogasvuottadek evan­gelium — gæn sist maida digis, go di oskolaǯǯan šaddaidek, nannijuvvum læppet loppadusa basse­vuoiŋain,

14 gutte migjidi duođaštussa læ arbbamek ala, Ibmel olbmui lonastussan, su hærvasvutti gudnen.

15 Manditti maida mon, go din osskodek dam hærra Jesus ala, ja din rakisvuottadek buok basidi gullam læm,

16 de im hæite din audast gittemest, din jurd­dagidam sist anededin muo rokkusi sist,

17 vai min hærramek Jesus Kristus Ibmel, hærvasvuođa ačče, digjidi visesvuođa ja almostusa vuoiŋa addaši su dieđo sist,

18 din jierbmadek čuvggijuvvum čalmid, vai di diettebættet, maggar doaivvo dat læ, man varas son din læ goččom, ja maggar su arbe hærvas stuoresvuotta læ, maid basidi son adda,

19 ja maggar su famo hui stuorra stuores­vuotta min bagjel læ, guđek osskop su væǥalaš famo bargo mield,

[ 604 ]20 maid Kristus sist son čajeti, go jabmi dil­lest su son bajasčuoǯǯaldatti, ja su olgiš gieđa bællai almidi su čokkanatti,

21 saggarakkan aleduvvum buok oaivamuš­vuođa ja valde ja famo ja hærravuođa ja buok nama bagjel, mi bægotuvvumest læ, i dusse fal dam, mutto maida boatte ilmest;

22 ja buokrakkan su julgi vuollai son bijai, ja su oaivven asati buokrakkan bagjel særvvegod­des audast,

23 mi læ su rumaš, su dievasvuotta, gutte buok buokai sist dævdda.

2. Kapittal.

1 Maida din son ællen daǥai, go mæddadusaidi ja suddoidi di jabmam læidek,

2 mai sist di auddal vagjoleidek dam mailme viero mield, dam hærra mield, gæst fabmo læ aimost, dat vuoiŋ, gutte dal barggolaš læ æppe­osko manai sist;

3 gæi særvest maida mi buokak vagjolei­mek oaǯǯamek anestumidi vuluǯan, oaǯǯamek ja jurddagidamek dato daǥadedin, ja luonddomek mield moare manak læimek, nuftgo maida dak ærrak.

4 Mutto Ibmel, gutte rigges læ vaimolađes­vuođast, dam su stuorra rakisvuođas boft, main min son rakisen ani,

5 de maida mingis son ællen daǥai oftanaǥa Kristusin, go suddoidassamek mi jabmam læi­mek, — armost di læppet besstujuvvum! —

[ 605 ]6 ja min bajasčuoǯǯaldatti oftanaǥa suin, ja almalaš valddegoddasis oftanaǥa suin son min bijai Kristus Jesus sist,

7 boatte aigidi su armos cælkkemættom stuo­resvuođa čajetet buorrevuođas sist min vuosstai Kristus Jesus sist.

8 Dastgo armost di besstujuvvum læppet osko boft, ja dat i dist aldadek; dat Ibmel addal­dak læ;

9 æppet daǥoidædek boft, amas guttege ra­madallašgoattet.

10 Dastgo su dakko mi læp, Kristus Jesus sist sivneduvvum buorre daǥoi varas, mai varas Ibmel auddal min rakadam læ, atte dai sist vagjolet mi galggap.

11 De muittet damditti, atte di, guđek auddal bakkenak læidek oaǯe mield, ja auddalikken goč­čujuvuidek dam nuft goččujuvvum birračuopatu­sast, dat oaǯe sist, mi gieđain dakkujuvvu,

12 atte di dom aige Kristustaǥa læidek, Is­rael barnalaš valljijume særvest erit čulddujuvvum, ja loppadusa littoidi amasak, doaivotaǥa ja Ibmel­taǥa di læidek mailmest;

13 mutto Kristus Jesus sist de læppet di dal, guđek auddal gukken erit læidek, dal lakka boat­tam Kristus varai čađa.

14 Dastgo son min raffhamek læ, gutte daid gugtuid oftan daǥai, ja čulddujume gasksæine son erit daǥai,

15 go oaǯes boft son erit javkkadi vaššalašvuo­đa, bakkomi laǥa goččomidesguim, vai su ječas sist [ 606 ]daid guoft olbmuid oft ođđa olmučen son sivnedet mataši ja rafhe dakkat,

16 ja vai gugtuid oft rubmaš sist Ibmelin son mataši soavatet ruosa boft, go dam boft vašša­lašvuođa son jamas goddi.

17 Ja son bođi ja evangelium sist rafhe di­gjidi sarnedi, di, guđek gukken læidek, ja sigjidi, guđek lakkasist legje.

18 Dastgo su boft dæidno modnust guabbačin læ oft vuoiŋa sist ače lusa.

19 De æppet di dal šat æmbo læk veris ja amas olbmuk, mutto dai basi særvveguoimek ja Ibmel bærralaǯak,

20 apostali ja prophetai vuođo ala bajasraka­duvvum, atte Jesus Kristus ješ oaivvečiek­gæđgge læ,

21 gæn ala obba viesso ofti bigjujuvvum læ, ja basse tempalen bajasšaddamen læ hærra sist;

22 gæn ala digis maida Ibmel orromsagjen vuoiŋa sist bajasrakaduvvubættet.

3. Kapittal.

1 Dam ašše ditti mon Paulus, Kristus Jesus čadnujuvvum olmuš din audast, di bakkenak:

2 — jos makka gullam læppet dam Ibmel armo dallodoallam, mi munji læ addujuvvum din varas,

3 atte almostusa čađa son dam čieǥosvuođa munji dieđetam læ, man birra jo oanekaǯǯat læm čallam;

4 mast di oaǯǯobættet, go dam lokkabættet, muo dieđo dovddat Kristus čieǥosvuođa harrai;

[ 607 ]5 mi dain vassam aigin dieđetuvvum i læm olbmui manaidi, nuftgo dal vuoiŋa sist dat su basse apostalidi ja prophetaidi almostuvvum læ:

6 atte bakkenak arbbeguoimek læk, ja oft ru­maš minguim, ja su loppadusa særvveguoimek Kristus sist, evangelium boft,

7 gæn balvvalægje mon læm šaddam Ibmel armo addaldaǥa mield, mi su væǥalaš famo daǥo boft munji addujuvvum læ.

8 Munji, gutte uccemuš læm buok basi ga­skast, dat arbmo addujuvvum læ evangelium sist Kristus guorratallamættom riggesvuođa bakkenidi sarnedet,

9 ja dam čieǥosvuođa dallodoallam buok olb­muidi čilggit, mi mailme algost Ibmel sist čikku­juvvum orrom læ, gutte buok sivnadusaides Jesus Kristus boft sivnedi;

10 vai Ibmel ædnag visesvuotta alme esse­valdidi ja famoidi šaddaši almostuvvut særvve­goddes čađa,

11 aǥalaš dato mield, maid son ollašubmai daǥai Kristus Jesus min hærramek boft,

12 gæn sist roakadvuotta mist læ ja gæidno ja dorvvo osko boft su ala.

13 Damditti rokkadallam, atte æppet di hær­dotuvu muo gillamušainam, maid din audast gillam, mak din gudne læk.

14 Dam ašše ditti de čibbidam mon gobmar­dallam hærramek Jesus Kristus ače ouddi,

15 gæst buok aččenabma boatta, mi almin ja ædnamest læ,

[ 608 ]16 atte hærvasvuođas riggesvuođa mield di­gjidi son adda su vuoiŋa boft famolaǯǯat nanos­mattujuvvut siskaldas olbmu dafhost.

17 atte Kristus osko boft din vaimoidædek sist oǯuši orrot,

18 ja atte, rakisvuođast ruotastuvvum ja vuđ­đuduvvum, buok basse olbmuiguim di mattebættet arvedet dam Ibmel rakisvuođa govdo ja guko ja čiegŋalvuođa ja allagvuođa,

19 ja dam Kristus rakisvuođa diettet, mi buok olbmui dieđo bagjel manna; vai buok Ibmel die­vasvutti di dievvabættet.

20 Mutto sunji, gæn gieđast læ saggarakkan æmbo dakkat, go min rokkadallamest daihe arve­dæmest læ, dam famo mield, mi barggamen læ sistamek,

21 sunji gudne særvvegodde sist Kristus Je­sus boft buok soǥai mietta buok aǥalašvuođaidi! Amen.

4. Kapittal.

1 Mon, dat hærra sist čadnujuvvum olmuš, ravvim din damditti dam goččomi dokkalaǯǯan vagjolet, main di goččujuvvum læppet,

2 buok vuollegašvuođain ja lojesvuođain, gier­davašvuođain, atte rakisvuođa sist gutteg guimid­ædek di gillabættet,

3 ja barggabættett vuoiŋa oftvuođa bisovaǯǯan adnet rafhe baddi sist,

4 auft rumaš ja oft vuoiŋ, nuftgo di maida oft doaivvoi goččujuvvum læppet din goččom sist;

[ 609 ]5 nuftgo oft hærra læ, oft ossko, oft gast,

6 oft Ibmel ja buokai ačče, gutte buokai bagjel læ, ja buokai boft, ja din buokai sist!

7 Mutto juokkači mist addujuvvum læ arbmo, dademield go Kristus addaldagaides addam læ.

8 Damditti cælkka čal: allagassi son bajas­manai, guđek gidda dillest legje, son erit doalvoi, ja olbmuidi addaldaǥaid addi.

9 Mutto dat: son bajasmanai, mi læ dat, æreb go atte vuost vuolasmanai ædnam vuoleb guovloidi?

10 Gutte vuolasmanai datanaǥa læ, gutte maida bajasmanai saggarakkan buok almi bagjel, vai buok son dævdaši.

11 Ja muttomid son apostalen asati, muttomid prophettan, muttomid evangelistalaǯǯan, muttomid baimetægjen ja oapatægjen,

12 basse oskolaǯai olles rakadume, fidno doai­matusa, Kristus rubmaš bajasdakkujume ditti;

13 dassači go mi buokak osko oftvuođa juf­sam læp, ja Ibmel barne dieđo, ja olbma olles šaddo, ja Kristus dievasvuođa olles dievas aǥe;

14 amamek šat gukeb mannak orrot, ja ama­mek nuftgo barok staipotuvvut, ja juokke oapo biegast dolvvujuvvut olbmui hilbbadvuođa boft, gavvelvuođa ja bættolaš huŧki boft;

15 mutto vai, duotvutti oskoldasak rakisvuođa sist, juokke harrai mi su ragjai bajašaddap, Kri­stus ragjai, gutte oaivve læ,

16 gæst obba rumaš, čoakkai bigjujuvvum ja ofti oftstattujuvvum buok dain čoakestdoallemin, maid oftasaš vække adda, dam juokke lattoi [ 610 ]mærreduvvum bargo mield, nuft bajasšaddamen læ rubmaš šaddo bajasrakadussanes rakisvuođa sist.

17 Dam cælkam dalle ja hærra sist duođaštam, atte æppet di šat gukeb vagjolet galga, nuftgo ærra bakkenak, guđek sin ječaidæsek arvvalusai dušševuođa sist vagjolæmen læk,

18 jiermesek sist sevdnjudattujuvvum, Ibmel ællemi amasen dakkujuvvum dam daiddemættom­vuođa boft, mi sin sist ain orromen læ, sin vai­moidæsek buošševuođa ditti,

19 guđek, aibas gudnetæmek, nuosskevuođa gitti ječaidæsek bigjam læk, buok nuosskevuođaid dakkat vuoito fidnim ditti.

20 Mutto æppet di nuft oappam læk Kri­stus,

21 jos di su birra gullam læppet, ja su sist nuft oapatuvvum læppet, nuftgo duotvuotta læ Jesus sist:

22 atte eritid nuollat di galggabættet dam oudiš ællem boares olbmu, gutte billašuvvu bættolaš anestumi boft;

23 mutto šaddat ođđa olmučen jurddagidadek vuoiŋa sist,

24 ja garvotækket dam ođđa olbmu, gutte sivneduvvum læ Ibmel mield duotvuođa vanhur­skesvutti ja bassevutti.

25 De eritid bigjat damditti giellasid, ja sard­not duotvuođa ješgutteg guimines, dastgo guim guimidæmek lattok mi læp.

26 Jos moarrai di šaddabættet, de allet sud­dod; ellus bæivaš illušekku din moare bagjel;

[ 611 ]27 alletge saje adde bærgalakki.

28 Gutte suoladi, ellus šat æmbo suoladekku, mutto buorebun adnus son duogjot, ja dakkus son buorre dujid gieđaidesguim, vai anaši sigjidi juoǥadet, guđek darbašest læk.

29 Ellusek guocca saǥak din njalmest erit vulggu, mutto daggar saǥak, mak darbašlaš bajas­rakadussan dokkijek, atte armo sigjidi dak addek, guđek gullek;

30 ja allet Ibmel dam basse vuoiŋ moraštatte, gæin di nanosvuottan oaǯǯom læppet lonastus­sadek bæivvai.

31 Lekkus buok bačavuotta ja hoappovuotta ja suttovuotta ja bišškom ja bilkedæbme gukken din lut erit oftanaǥa buok bahhavuođain.

32 Mutto lækket buorredattolaǯak gutteg gui­midædek vuosstai, vaimolađđasak, atte andagassi di addebættet gutteg guimidassadek, nuftgo maida Ibmel digjidi andagassi addam læ Kristus sist.

5. Kapittal.

1 Doarredækket damditti Ibmel luodaid, nuftgo rakis manak,

2 ja vagjolækket rakisvuođa sist, nuftgo maida Kristus rakisvuođastes min ani, ja ješječas dokko min audast addi addaldakkan, ja njuovvamoafferen, Ibmeli njalgga hagjan.

3 Mutto furušæbme ja buok buttesmættom­vuotta daihe hanesvuot ellusek dak vela din gasski bægotuvvu, nuftgo basse olbmuidi hæivolaš læ,

4 æi gudnetes mænok, æi arvotes saǥak daihe [ 612 ]vaciš læikastæbme, mak heivvimættom læk, mutto gittolusak.

5 Dastgo dam di diettebættet, atte i oftage, gutte læ furušægje, daihe buttesmættom, daihe hanes, gutte æppeibmelbalvvalægje læ, ane arbe Kristus ja Ibmel valddegoddai.

6 Ellus oftage din fillijekku duššalaš sanidi; dastgo damditti Ibmel moarre æppeosko manai bagjeli boatta.

7 Allet damditti mana særvvat sin særvvai.

8 Dastgo auddal galle di sævdnjadassa læidek, mutto dal di čuovgas læppet hærra sist; vagjo­lækket nuftgo čuovgas manak,

9 — dastgo čuovgas šaddo buok buorrevuođa ja vanhurskesvuođa ja duotvuođa sist læ, —

10 atte guoratallabættet, mi dokkalaš læ hærrai.

11 Ja allet mana sævdnjadasa šaddotes daǥoidi særvvat, mutto barggat daid væratet.

12 Dastgo mi čiekosist sist dakkujuvvu, vela hæppad læ bægotet.

13 Mutto buok, man ditti olmuš væratuvvu, dat čuovgas boft šadda almostuvvut; dastgo čuov­gas læ, mi buok almostægje læ.

14 Damditti cælkka čal: gocca don, gutte oađak, ja bagjan jabmi dillest, ja Kristus du čuovggemen læ.

15 Barggat damditti gæččat, moft varogas­san læ vagjolet, æppet nuftgo visesmættom, mutto nuftgo vises olbmuk,

16 ja oasstet dam vuoǥas aige, dastgo bæi­vek læk bahha.

[ 613 ]17 De allet jierbmetæbmen šadda, mutto arve­dækket, mi hærra datto læ.

18 Ja allet juǥa ječaidædek jukkamuǯǯan vi­nest, man sist gudnetes ællem læ, mutto dievvat vuoiŋast:

19 ja sardnot gutteg guimidassadek salmai ja gittolavllagi ja vuoiŋalaš virsaiguim; ja lavllot hær­rai gudne ja gittolusa lavllagid vaimoidædek sist;

20 ja cælkket alelessi Ibmeli ja aččai gitos buok audast hærra Jesus Kristus nabmi;

21 ja vuollanækket gutteg guimidassadek Ibmel balo sist.

22 Di nissonak, lækket din ječaidædek boad­njaidi vuollebuǯak, nuftgo hærrai;

23 dastgo olmai læ nisson oaivve, nuftgo maida Kristus særvvegodde oaivve læ; ja son rubmašes audogassan dakke læ.

24 Mutto nuftgo særvvegodde Kristusi vuolle­buš læ, nuft galggek maida nissonak sin boad­njaidassasek vuollebuǯak læt juokke dafhost.

25 Di boadnjak, adnet din akkaidædek rakis­vuođast, nuftgo maida Kristus særvvegoddes rakis­vuođastes ani, ja ješječas dokko addi dam audast,

26 dam basotam ditti, čaccelavgo boft sane sist dam butestedin,

27 šiega gudnalaš særvvegodde aldsis raka­dam varas, mast duolvva i læk, ige cække, ige mikkege daggaraǯaid, mutto vai bassen ja laitte­mættosen dat dakkujuvvuši.

28 Nuft læk boadnjak gædnegasak sin akkaid­æsek rakisvuođast adnet nuftgo sin ječaidæsek [ 614 ]rubmašid; gutte akkas rakisvuođastes adna, ješ­ječas rakisen adna.

29 Dastgo i goassegen læk oftage olmuš ad­nam su ječas oaǯe vaššestes, mutto dam biebma ja diervvasmatta, nuftgo maida hærra særvvegoddes.

{{verse|5|30} Dastgo mi su rubmaš lattok læp, su oaǯest ja su davtin.

31 De damditti guođđet galgga boadnja ačes ja ædnes, ja bisovaǯǯan akkas lut orrot, ja dak guoftas oft oaǯǯe galggaba læt.

32 Dat čieǥosvuotta stuores læ; sarnom Kri­stus ja særvvegodde birra.

33 Nuft galggabættet maida digis, ješgutteg akkas rakisvuođastes adnet, nuftgo son ješječas adna, mutto balost galgga nisson adnet boadnjas.

6. Kapittal.

1 Di manak! jægadækket din vanhemidadek hærra sist, dastgo dat læ rieft.

2 Gudniette aččad ja ædnad! — mi vuostemuš bakkom læ loppadusain, —

3 vai dunji burist gævva, ja vai gukka ædnam ald don oaǯok ællet.

4 Ja di aček! æppet di galga hattit din manaid­ædek moarrai, mutto bajasgæssat sin bagadusa ja hærra gavvagi sist.

5 Di balvvalægjek! jægadækket din aigalaš isedidadek baloin ja doargestemin, din vaimodek oftgærdasašvuođast, nuftgo Kristus;

6 æppet guoftelašvuođain, nuftgo si, guđek olbmuidi viggek dokkit, mutto nuftgo Kristus [ 615 ]balvvalægjek, atte Ibmel dato di vaimostædek barggabættet dakkat,

7 buorre mielast hærra balvvaledin ja æppet olbmuid;

8 dieđededin, maid burid juokkaš dakka, hær­rast dat sunji fast mafsujuvvu, daihe son balvva­lægje læ, daihe ised.

9 Ja di isedak! dakkat di maida damanaǥa sin vuosstai, ja hæittet aittemest, dieđededin hærra­dek læ almin, ja olbmui allagvuođa bællai i son gæča.

10 Juokke dafhost, muo veljačak! de barggat gievrran šaddat hærra sist, ja su væǥa famo sist!

11 Garvotækket Ibmel olles værjoid, vai dist vægjo læ bærgalaǥa gavvelis fallitæme vuosstai­čuoǯǯot.

12 Dastgo mist i læk oaǯe ja varai vuosstai soattat, mutto valdi ja famoi vuosstai, mailme hærrai vuosstai, guđek dam aige sævdnjadasa sist valddastallamen læk, bahhavuođa vuoiŋalaš væǥai vuosstai alme vuold.

13 De valddet damditti Ibmel olles værjoid bagjelassadek, vai di dam bahha bæive mattebæt­tet vuosstaičuoǯǯot, ja vai diervvan di bissobæt­tet, go buok di vuoittam læppet.

14 De čuoǯǯot dalle boakkanastujuvvum duot­vuođain alemidadek birra, ja vanhurskesvuođa værjoiguim garvotuvvum;

15 juolgek rafhe evangelium gærgadvuođain gamaduvvum,

16 atte buok bagjel di osko galbba [ 616 ]valddebættet, main dam bahha vuoiŋa buok buolle njuo­lak din časkadæmest læk.

17 Ja valddet audogasvuođa oaivveværjoid, ja vuoiŋa mieke, mi læ Ibmel sadne,

18 juokke aige rokkadalladedin vuoiŋa sist buok rokkusin ja adnomin, ja dam varas gocede­din buok bisovašvuođain ja rokkusin buok basse olbmui audast,

19 maida muo audast, atte njalbme must ra­vastuvvuši, vai sadne munji addujuvvuši, roakkad­laǯǯan evangelium čieǥosvuođa sarnedet;

20 man ditti sane sarnedægje læm lakkidi čadnujuvvum; vai roakkadlašvuođain mon sarne­dam, nuftgo muo bagjelist orro sarnedet.

21 Mutto vai maida di oaǯǯobættet muo dille diettet, moft munji gævva, de adda Tykikus, dat æcalaš vellja, ja hærra oskaldas balvvalægje, di­gjidi buok dieđo;

22 gæn din lusa vuolgatim, aido dam ditti, vai di min dillamek oaǯǯobættet diettet, ja vai din vaimoid son šadda jeđđit.

23 Raffhe veljaidi, ja rakisvuotta ja ossko Ibmelest ačest ja hærrast Jesusest Kristusest!

24 Arbmo buok daiguim, guđek hærramek Jesus Kristus rakisvuođast adnek nokkamættom­vuođast.

[Ephesialaǯaidi Romast čallujuvui Tykikusin.]