Hærramek ja bæsstamek Jesus Kristus ođđa Testament/St. Paulus girje Galatalaǯaidi

←St. Paulus 2ŋeb girje Korinthialaǯaidi

Hærramek ja bæsstamek Jesus Kristus ođđa Testament  (1850)  St. Paulus girje Galatalaǯaidi

St. Paulus girje Ephesialaǯaidi→

[ 587 ]

St. Paulus girje Galatalaǯaidi.

1. Kapittal.

Paulus, apostal, — goččujuvvum i olbmuin, ige oftage olbmu boft, mutto Jesusest Kristusest, ja Ibmelest ačest, gutte jabmi dillest su bajasčuoǯ­ǯaldatti; —

² ja buok veljak, guđek muo lut læk, Galatia særvvegoddidi:

³ arbmo digjidi ja raffhe Ibmelest ačest, ja min hærrastæmek Jesusest Kristusest,

⁴ gutte ješječas dokko addi min suddoidæmek ditti, vai dam dalaš bahha mailmest erit son min bæstaši, min Ibmelæmek ja aččamek dato mield,

⁵ gæsa gudne buok aǥalašvutti! Amen!

⁶ Vavasen galle munji orro, go di nuft gærg­gad læppet nubbe evangelium bællai ječaidædek addet dolvvujuvvut su lut erit, gutte Kristus armo boft din gočoi;

⁷ josjoge ærra evangelium i læk; baic mutto­mak læk, guđek boassto gæino digjidi oapatek, ja viggamen læk Kristus avangelium nubbastuttet.

⁸ Mutto jos vela mi, daihe alme engel nubbe evangelium digjidi sarnedišgoatta go dam, maid mi digjidi jo læp sarnedam, garrotusa son lekkus!

⁹ Nuftgo celkkim, nuft ain dal cælkam: jos guttege ærra evangelium digjidi sarnedišgoatta go dam, maid di jo vuosstaivalddam læppet, garrotusa son lekkus!

¹⁰ Sarnomgo dal olbmui miela mield, daihe [ 588 ]Ibmel miela mield? daihe bargamgo olbmuidi dokkit? jos vela ain olbmui miela mield legjim, de Kristus balvvalægje im læm.

¹¹ Mutto digjidi dieđetam, veljačak! atte dat evangelium, mi must læ sarneduvvum, i olbmui oappo læk,

¹² dastgo im guđege olbmust dam vuosstai­valddam, imge dasa oapatuvvum, mutto Jesus Kristus almostusa čađa.

¹³ Dastgo muo audeb ællemvuođa judalaš­vuođa sist di læppet gullam, go Ibmel særvve­godde buok mære bagjel mon vaššotim, ja barg­gamen legjim dam duššadet.

¹⁴ Ja judalašvutti viddasabbuid mon mannim go ædnagak, guđek oft boares muin legje muo olbmuidam gaskast, go saggarakkan anger legjim muo vanhemi oapo bællai.

¹⁵ Mutto go Ibmel dam buorren ani, gutte ædne hæggast muo jo dasa oaidnam læi, ja gutte armostes muo gočoi,

¹⁶ su barnes munji almostet, vai evangelium čađa bakkenidi mon su sarnedet galggim, de dalle oǯinam ja varaidamguim im riebmam arvvališ­goattet,

¹⁷ imge Jerusalemi bajas mannam, sin lusa, guđek apostalak legje muo auddal, mutto Arabiai vulggim, ja Damaskussi fast ruoftot bottim.

¹⁸ Dastmaŋŋel, golm jaǥe gæčest, Jerusalemi bajas mannim Petrus oaidnet, ja vit nubbe lokkai bæive su lut orrum.

¹⁹ Mutto guđege ærra apostalin im oaidnam, [ 589 ]æreb Jakob, hærra velj.

²⁰ Maid digjidi čalam, gæč, Ibmel čalmi au­dast duođaštam, atte im giellastalla.

²¹ Dastmaŋŋel Syria ja Silisia ædnamidi vulg­gim.

²² Mutto muo muođok amasak legje Judæa kristalaš særvvegoddidi;

²³ si legje dušše gullam: dat, gutte auddal min vaššotægje læi, maid auddal son barggamen læi duššadet;

²⁴ ja Ibmel si gitte muo audast.

2. Kapittal.

¹ Dastmaŋŋelest, njællja nubbe lokkai jaǥe gæčest, fastain Jerusalemi bajas mannim Barna­basain, ja Titus maida guoibmen valddim.

² Mutto almostusa mield mon bajas mannim, ja sigjidi, mutto erinoamačet sigjidi, guđek stuor­ramus gudnest legje, dam evangelium mon čilg­gijim, maid bakkenidi mon sarnedam, amam duššas šaddat barggat daihe barggam læt.

³ Mutto i vela Titus, gutte muin læi, josjoge grækalaš olmai læi, šaddam naggijuvvum birra­čuppujuvvut.

⁴ Mutto dat dakkujuvui værre veljai ditti, gu­đek sisačagŋam legje, guđek gavvelvuođa ditti sisa boattam legje min isedvuottamek iskadet, mi mist læ Kristus Jesus sist, garra balvvalusa dille vuollai min oǯudet;

⁵ gæidi mi æp oftage čalbmeravkalam boddost [ 590 ]gullolašvuođa sist vuollanam, vai evangelium duot­vuotta bisovaǯǯan din lut oruši.

⁶ Mutto guđek erinoamaš gudnest adnujuv­vujegje, — maggar olbmuk si legje, dat i munji guoska; Ibmel olbmui person bællai i gæča; — dak, guđek ænemusat doattaluvvum legje, æi lassetam maidegen muo oappoi.

⁷ Mutto, go si oidne, munji oskalduvvum læi evangelium birračuopakættaidi, nuftgo Petrus bir­račuppujuvvumidi,

⁸ — dastgo son, gutte Petrusi apostal amat famo addi birračuppujuvvumidi, addi munji maida dam amat famo bakkeni varas; —

⁹ ja go si dam munji addujuvvum armo dovdde, de si, nabmalassi Jakob ja Kephas ja Johannes, guđek særvvegodde doarjan lokkujuvvujegje, sær­volašvuođa olgiš gieđaid munji ja Barnabassi addelegje, vai moi bakkenidi galgaime sarnedet, mutto si birračuppujuvvum olbmuidi;

¹⁰ dušše atte vaivašid moi galgaime muittet, maid mon maida barggam læm dakkat.

¹¹ Mutto go Petrus Antiokiai bođi, de su vuosstaičuǯǯum su čalmi audast, go viǥest læi.

¹² Dastgo auddal go soames olbmuk Jakob lut botte, de bakkeni sækka son borai; mutto go dak botte, de čuldi son ječas, go balost son læi dai birračuppujuvvumi ditti.

¹³ Ja suin maida dak ærra Judalaǯak guofte­lašvuođa dakkagotte, atte vela Barnabas sin guof­telašvutti rottišuvui.

¹⁴ Mutto go oidnim, atte njulgis gæino si æi [ 591 ]mannamen læm evangelium duotvuođa mield, de buokai gulo sist mon Petrusi celkkim: jos don, gutte judalaš olmuš læk, bakkeni ællem lakkai ælak, ja judalaš ællem lakkai ik, manne naggik don dalle bakkenid judalaš ællem lakkai ællet?

¹⁵ Mi, josjoge rieǥadæme mield Judalaǯak, ja æp suddogasak bakkeni sokkagoddin,

¹⁶ go mi diettep, atte olmuš i laǥa daǥoines vanhurskesen dakkujuvvu, mutto Jesus Kristus oskost, de mi maida osskom læp Jesus Kristus ala, vai vanhurskesen mi šaddap dakkujuvvut Kri­stus oskost, ja laǥa daǥoinæmek æp; dastgo i mikkege oǯid vanhurskesen mate dakkujuvvut laǥa daǥoines.

¹⁷ Mutto jos mi, bivdededin Kristus sist van­hurskesen dakkujuvvut, maida ješ gavdnujuvvujep suddolaǯǯan, alma dalle Kristus suddo balvva­lægje læ. Lekkus dat gukken!

¹⁸ Dastgo jos ješ fastain bajasdaǥam, maid vuolas gaikkum, de suddogassan ječčam mon čajetam.

¹⁹ Dastgo laǥa boft laǥa vuold erit jabmam læm, vai Ibmel audast ælam.

²⁰ Kristusin mon russinavllijuvvum læm; al­maken ælam, daddeke im mon šat æmbo, mutto Kristus muo sist ælla; mutto maid dal oaǯe sist ælam, gutte rakisvuo­đastes muo ani, ja ješječas dokko addi muo audast.

²¹ Im læk Ibmel armo uccašægje; dastgo jos vanhurskesvuotta fidnimest læ laǥa boft, de læ dalle Kristus duššeditti jabmam.

[ 592 ]

3. Kapittal.

¹ Voi! di jalla Galatalaǯak! gi noaiddevuođas čađa din fillim læ, go duotvutti æppet di læk gullolaš? di, gæi čalmi ouddi Jesus Kristus nuft čielggaset bigjujuvvum læi, dego son russinavlli­juvvum læi din gaskast.

² Dušše dam dist diettet aigom: læigo dat laǥa daǥoidædek boft, di vuoiŋa vuosstaivaldidek, daihe osko sarnedæme boft?

³ Læppetgo di nuft jiermetæmek? Aiggo­bættet di, guđek vuoiŋa sist algidek, dal oaǯǯai loapatet?

⁴ Læppetgo di dalle gillam nuft ollo aive dušše­ditti? jos dušše fal duššeditti.

⁵ Jogo dalle son, gutte vuoiŋa digjidi adda, ja væǥa daǥoid sistadek dakka, dakka dam laǥa daǥoi boft, daihe osko sarnedæme boft?

⁶ Nuftgo Abraham Ibmel oskoi, ja dat sunji vanhurskesvuottan lokkujuvui.

⁷ De dovddat nabbo dalle, atte si, guđek osko olbmuk læk, dak Abraham manak læk.

⁸ Mutto go čal auddal oini, atte Ibmel van­hurskesen dakkamen læi bakkenid osko čađa, de Abrahami dat auddal loppedi: du sist buok sok­kagoddek buristsivneduvvut galggek.

⁹ Atte si, guđek osko olbmuk læk, oskolaš Abrahamin buristsivneduvvujek.

¹⁰ Dastgo nuft ædnagak, guđek laǥa daǥoi ala dorvastek, garrotusa vuold læk; dastgo čal­lujuvvum læ: garrotuvvum læ juokkaš, gutte i bissomen læk buok dai bakkomi sist, mak laǥa [ 593 ]girjai čallujuvvum læk, atte son daid dakka.

¹¹ Mutto atte i oftage laǥa čađa vanhurskesen dakkujuvvu Ibmel audast dieđolaš læ; dastgo, gutte oskos ditti vanhurskes læ, son ælla.

¹² Mutto lakka i oro oskost, mutto dat cælk­ka: dat, gutte laǥa bakkomid dakka, dai boft ælla.

¹³ Kristus oasstam læ min besujussi laǥa gar­rotusa vuold, go garrotussan son šaddai min au­dast; — dastgo čallujuvvum læ: garrotuvvum juokkaš, gutte murri harcastuvvu; —

¹⁴ vai Abraham buristsivnadussa bakkeni ba­gjel boađaši Kristusest Jesusest, vai vuoiŋa lop­padusa mi oǯušeimek osko boft.

¹⁵ Veljačak, olbmui lakkai mon sardnot aigom: I oftage duššen daǥa olbmu testament, mi nanni­juvvum læ, daihe lasse dasa bigja.

¹⁶ Mutto loppadusak Abrahami celkkujuvvum læk ja su siebmani; i celkkujuvu: “ja siebmanidi“, nuftgo moadde birra, mutto nuftgo ovt birra: “ja du siebmani“, mi læ Kristus.

¹⁷ Mutto dam mon cælkam: dat litto, mi jo auddal Ibmelest nannijuvvum læ Kristus birra, dam i mate lakka duššadet, mi njællja čuođe jaǥe dast­maŋŋel addujuvui, atte dat loppadusa duššen gal­gai dakkat.

¹⁸ Dastgo jos arbbe læ laǥa boft, de dat i læk šat loppadusa boft; mutto Ibmel addi Abra­hami arbe loppadusa boft.

¹⁹ Maid galgga dalle lakka? dat addujuvvum læ suddoi ditti, — dassači go dat siebman bođi, gæn varas loppadussa læi, — ja engelin [ 594 ]doaimatuvvum gaskolbma gieđa boft.

²⁰ Gaskolmai i daddeke læk ovt varas, mutto Ibmel læ oft.

²¹ Lægo dalle lakka Ibmel loppadusai vuos­stai? i læk! dastgo jos daggar lakka addujuvvum læi, man duokken læi ællen dakkat de vanhurskes­vuotta duođairakkan fidnimest læi laǥa boft.

²² Mutto čal bigjam læ buokaid suddo vuol­lai, vai loppadussa oskost Jesus Kristus ala sigjidi addujuvvuši, guđek osskomen læk.

²³ Mutto auddal go ossko bođi, de mi gatti­juvuimek, laǥa vuollai bigjujuvvum, dam osko varas, mi almostuvvumen læi;

²⁴ atte lakka šaddam læ min bagadægjamek Kristus lusa, vai oskost vanhurskesen mi dakku­juvvušeimek.

²⁵ Mutto dal ossko boattam læ, de æp mi šat æmbo bagadægje vuold læk.

²⁶ Alma di buokak Ibmel manak læppet osko boft Kristus Jesus sist.

²⁷ Dastgo di, nuft ædnagak, guđek gasta­šuvvum læppet Kristusi, de Kristus garvotam læppet.

²⁸ Dast i læk Judalaš daihe Grækalaš; dast i læk balvvalægje daihe ised; dast i læk olmai dahe nisson; dastgo di buokak oft læppet Kristus Je­sus sist.

²⁹ Mutto jos di Kristus læppet, de læppet di dalle Abraham siebman, ja arbbijægjek loppa­dusa mield.

[ 595 ]

4. Kapittal.

¹ Mutto mon cælkam: nuft gukka go arbbijæ­gje ain manna læ, de i læk mikkege ærotusaid sust ja balvvalægjest, josjoge buok æloi ised son læ;

² mutto audastolbmui ja dallodoalle olbmui vuold son læ dam ačest mærreduvvum aige ragjai.

³ Nuft maida migis, nuft gukka go manak læimek, de nuftgo balvvalægjek mi læimek mailme mannabagadusa vuold.

⁴ Mutto go aige dievasvuotta bođı, de vuol­gati Ibmel barnes, nissonest rieǥadam, laǥa vu­luǯǯan rieǥadam,

⁵ vai sin son besujussi oastaši, guđek laǥa vuluǯak legje, vai barnalaš valljijume mi oǯušeimek.

⁶ Mutto dademield go di dalle barnek læppet, de Ibmel vuolgatam læ barnes vuoiŋa vaimoidas­sadek, gutte čuorvvomen læ: Abba ačačæmek!

⁷ Atte ik don šat gukeb læk balvvalægje, mutto bardne; mutto jos bardne læk, de maida Ibmel arbbijægje læk Kristus boft.

⁸ Duot galle læ, dalle go Ibmel æppet di diet­tam, de di sin balvvaleidek, guđek luondosek mield Ibmelak æi læk.

⁹ Mutto dal, go Ibmel di diettebættet, ja vela sust dittujuvvum læppet, moft jorggalæppet di dalle fastain ruoftod dam laives ja vaivaš mannabaga­dussi, man balvvalægjen di fastain ođđasist aiggo­bættet ječaidædek dakkat!

¹⁰ Ærotusa di dakkabættet beivin ja manodin ja aigin ja jaǥin.

¹¹ Balost læm din ditti, atte daidam duššeditti [ 596 ]din ala barggam læt.

¹² Šaddat nuftgo mon, dastgo mon læm nuft­go di. Veljačak! dist rokkadallam; æppet di læk munji maidegen verid dakkam.

¹³ Mutto di diettebættet, atte oaǯe hægjo­vuođa vuold mon audeb have evangelium digjidi sarnedim;

¹⁴ ja dam muo gæččalusa oaǯestam æppet di bagjelgæččam, æppetge bilkedam, mutto muo di vuosstaivaldidek nuftgo Ibmel engel, nuftgo Kri­stus Jesus.

¹⁵ Man audogassan di dalle mainoidek ječaid­ædek? Dastgo dam duođaštusa digjidi addam, jos væjolaš lifči læm, de čalmidædek di lifčidek erit roggam, ja munji addam.

¹⁶ Læmgo dal din vaššalaǯǯan šaddam, dam­ditti go digjidi duotvuođa cælkam?

¹⁷ Angerak dok læk din bællai, mutto æi buorebussi; dastgo si aigguk din muo særvest erit, vai di angerak šaddabættet sin bællai.

¹⁸ Mutto buorre læ alelessi anger læt dam buoreb guvllui, ja æppet dušše fal, go mon din lut læm.

¹⁹ Muo manačidam! gæid ođđasist bafčasin mon rieǥadattam, dassači go Kristus govva sista­dek ollašuvvu!

²⁰ Datušim, atte dal din lut lifčim, ja muo jena nubbastuttet matašim, dastgo im dieđe maid din harrai jurdašet.

²¹ Cælkket munji di, guđek laǥa vuollai aig­gobættet, æppetgo laǥa di gula?

[ 597 ]²² Alma čallujuvvum læ, Abrahamest guoft barnek læiga, nubbe balvvalægjenissonest, ja nubbe æmednissonest.

²³ Mutto balvvalægjenisson bardne rieǥadam læi oaǯe mield; mutto æmednisson bardne loppa­dusa mield.

²⁴ Mutto dat værdadusa laǥe mield læ celk­kujuvvum; dastgo dak nissonak dak guoft littok læva, nubbe Sinai varest, mi garra balvvalusa dil­lai rieǥadatta; dat læ Hagar.

²⁵ Dastgo Hagar Sinai varre læ Arabiast, mutto Jerusalemi soappa, mi dal læ; dastgo dat garra balvvalusa dillest læ manaidesguim.

²⁶ Mutot dat Jerusalem bagjen æmednisson læ, gutte min buokai ædne læ.

²⁷ Dastgo čallujuvvum læ: læǥe ilost, don šaddotæbme, don, gutte ik rieǥadattam! jenadiš­goađe ja čuorvo don, gæst rieǥadattam bavčas i læm! dastgo oarbba nisson manak sagga æmbo læk go su, gæst boadnja læ.

²⁸ Mutto mi, veljačak! loppadusa manak læp, nuftog Isak læi.

²⁹ Mutto nuftgo dom aige son, gutte oaǯe mield rieǥadam læi, dam vaššest ani, gutte vuoiŋa mield rieǥadam læi, nuft maida dalgis.

³⁰ Mutto maid sardno čal? Hilgo balvvalæ­gjenisson ja su barne; dastgo balvvalægjenisson bardne i ollingerakkan galga læt æmednisson barne arbbim guoibme.

³¹ De læp mi dalle, veljačak! æp balvvalæ­gjenisson manak, mutto æmednisson.

[ 598 ]

5. Kapittal.

¹ De bissot damditti nanosen dam isedvuođast, main Kristus min bæsstam læ, ja allet fastain ječaidædek luoite garra balvvalusa gæssa vuollai naggijuvvut.

² Gæč, mon Paulus digjidi cælkam, atte, jos di addebættet ječaidædek birračuppujuvvut, de i boađe Kristus digjidi avkken.

³ Mutto fastain juokke olbmui mon duođa­štam, gutte adda ječas birračuppujuvvut, atte gædnegas son læ obba laǥa doallat.

⁴ Di hæittam læppet Kristusest erit, di, guđek laǥa čađa aiggobættet vanhurskesen dakkujuvvut; armost erit di læppet jorralam.

⁵ Dastgo vuoiŋast mi vuorddemen læp dam osko boft doivvujuvvum vanhurskesvuođa.

⁶ Dastgo Kristus Jesus sist i birračuopatus mavsa maidegen, ige auddalikke, mutto ossko, mi barggolaš læ rakisvuođa boft.

⁷ Rieftes gæino mield di mannamen læidek, gi čuoǯastatti din, go duotvuođast æppet di šat sarnotuvvut aigo?

⁸ Dat sarnotæbme i læk su, gutte din gočoi.

⁹ Ucca suredaigaš obba daige suresen dakka.

¹⁰ Dat dorvvo must læ digjidi hærra sist, atte ærra jurddagid æppet di aigo adnet; mutto gutte din čajedatta, duomo vuollai galgga, lekkus, gutte nu læǯǯa.

¹¹ Mutto mon, veljačak! jos mon birračuopatusa sarnedægje ain læm, man ditti dalle ain vaššotuvum? alma dalle ruosa værranattem javkkaduvvum læi.

[ 599 ]¹² Vare si vela erit čuppujuvvuši, guđek din čajedattek!

¹³ Alma di isedvutti goččujuvvum læppet, veljačak! mutto allet isedvuođa ane gæidnon oaǯ­ǯai; mutto lækket rakisvuođa sist guim guimid­ædek balvvalægjek.

¹⁴ Dastgo obba lakka oft bakkomest ollašuvvu, nabmalassi dast: rakisvuođastad don adnet gal­gak guoibmad nuftgo ješječčad.

¹⁵ Mutto jos di gasskegoattabættet ja borra­goattebættet guim guimidædek, de varotækket ječaidædek, amadek di hævatuvvut guim guimin­ædek.

¹⁶ Mutto cælkam: vagjolækket vuoiŋa sist, de æppet di daǥa oaǯe anestumid.

¹⁷ Dastgo oaǯǯe anestuvva vuoiŋa vuosstai, mutto vuoiŋ oaǯe vuosstai; mutto dak guoftas guabba guoimes vuosstai bigjujuvvum læva, atte æppet di oaǯo dakkat, maid di aiggobættet.

¹⁸ Mutto jos vuoiŋast di dolvvujuvvubættet, de æppet di laǥa vuluǯak læk.

¹⁹ Mutto oaǯe daǥok almos læk, nuftgo: fu­rušæbme, vacišvuotta, buttesmættomvuotta, nuos­skevuotta,

²⁰ æppeibmelbalvvalus, noaidastallam, vašša­lašvuođak, bælkok, gađašvuotta, moarre, ridok, soappamættomvuotta, sierrasærvek,

²¹ okkarvuotta, sorbmim, juǥišvuotta, borriš­vuotta, ja daggarlagaš mænok; man dafhost dal digjidi cælkam, nuftgo maida jo auddal læm cælk­kam, atte guđek daggarvuođaid dakkek, Ibmel [ 600 ]valddegodde arbbemen æi læk.

²² Mutto vuoiŋa šaddo læ rakisvuotta, illo, raffhe, gierdavašvuotta, lađesvuotta, buorrevuotta, ossko, lojesvuotta, butesvuotta.

²³ Daggar daǥoi vuosstai lakka i læk.

²⁴ Mutto guđek Kristus olbmuk læk, oaǯe si russinavllim læk himoides ja anestumidesguim.

²⁵ Jos vuoiŋa sist mi ællep, de vagjolækkop mi maida vuoiŋa mield.

²⁶ Allop mi vainot duššalaš gudne, atte guim guimidæmek hasstalep, ja gađašvuođa adnep guim guimidassamek.

6. Kapittal.

¹ Veljačak! jos maida olmuš hoapostes šadda mæddaduvvut, de vækketækket daggar, di vuoi­ŋalaǯak! lojesvuođa vuoiŋain, ja barga ješječčad varotet, amad dongis šaddat gæččaluvvut.

² Guoddet guim guimidædek nođid, ja nuft dævddet Kristus laǥa.

³ Dastgo jos guttege ječas mannenge lokka, almaken son i mikkege læk, ješječas son bætta.

⁴ Guoratallus juokke olmuš su ječas daǥo, ja de ramadus son oaǯǯo adnet ješječaš lut, ja i ærra olbmui lut;

⁵ dastgo juokke olmuš noađes galgga guoddet.

⁶ Mutto gutte sadnai oapatuvvu, buok burid oapategjines juoǥadet galgga.

⁷ Allet čajadadda! Ibmel i adde ječas bilke­duvvut; dastgo maid olmuš gilvva, son maida lagji.

⁸ Dastgo gutte oaǯǯasis gilvva, hævo oaǯestes [ 601 ]lagji; mutto gutte vuigŋi gilvva, aǥalaš ællem lagji vuoiŋast.

⁹ Mutto go burid dakkap, de allop vaiba, dastgo migis lajemen læp aiggasæmek, jos æp vaiba.

¹⁰ De damditti, dademield go mist dille læ, de dakkop mi burid buokai vuosstai, mutto æne­musat osko guimidæmek vuosstai.

¹¹ Gæččat, man gukkis girje mon digjidi čal­lam læm muo ječčam gieđain!

¹² Nuft ædnagak, guđek doattaluvvut aigguk oaǯe mield, si naggijek din birračuppujuvvut aive damditti, amasek Kristus ruosa ditti si vašše vuol­lai šaddat.

¹³ Dastgo æi vela si, guđek birračuppujuv­vum læk, laǥa dollek; mutto si aigguk din birra­čuppujuvvut, vai din oaǯest si oǯǯuk ramadallat.

¹⁴ Mutto orrus dat gukken must erit viggat ramdallat, ærebgo min hærramek Jesus Kristus ruosast, gæn boft mailbme munji russinavllijuv­vum læ, ja mon mailbmai.

¹⁵ Dastgo Kristus Jesus sist i birračuopatussa mavsa maidege, ige auddalikke, mutto ođđa siv­nadussa.

¹⁶ Ja nuft ædnagak, guđek dam oaivadusa mield vagjolek, sin bagjel raffhe ja vaimolađes­vuotta, ja Ibmel Israel bagjel!

¹⁷ Ellus oftage munji vaive dakku; dastgo hærra Jesus mærka mon rubmašestam anam.

¹⁸ Min hærramek Jesus Kristus arbmo din vuoiŋain, veljačak! Amen.

[Galatalaǯaidi čallujuvui Romast.]