Dy junga fu Wymysoj

From Wikisource
Jump to navigation Jump to search
[ 26 ]

Dy junga fu Wymysoj

Wir zajn dy junga fu Wymysoj
an zajn ynzum śtytła zir traoj.
Wir weła zyngia ana taonca,
dy śüh müsa yns siejn glaonca.

Zajt gybaota yns ufcynaoma
dower zyngia an taonca cyzoma.
Wir weła ynzer kładyn wajza,
an dy łidła ejwerwajza.

Wełt ir ynzer łidła hiüchia,
zyty zajn zir wajt cy lichia.
Wir łiwa oły di myt zyngia,
dos ej świer fürcybrengia.

Cy ynzyn łidyn ny hot frejwuł,
wir zyngia undym öema gejwuł,
wir łiwa oły di ufpaosa,
wir müsa aoj abysła śpaosa.

Zobacz też[edit]


CC SomeRightsReserved.png
Cc-by white.svgCc-sa white.svg