[ 52 ]
Bü liebel ädeilom,
Ciles omik äkonsälom:
»Dusöpolsöd vinabeli,
»Täno us otuvols divi!»
»Kiplad?» säkoms nu sons valik,
»Te söpolsöd ko kud patik!»
Ädeilom. E sons suno
Vinabeli leziliko
Segun konsäl falta omsik
Ädusükoms, in spel gudik
Pladi nonik äfögetoms,
Gluni sägo äisiboms,
E ston alik pälelogom,
Va völadi ba älabom.
Divi nonik yed ätuvoms,
Valiks cüti äblesenoms.
[ 53 ]
Ven yel suköl nu äpubom,
Alim ko stun älogedom
Das äpälom lieb alik
Vinabela flukis kilik.
Nu sons fati äsuemoms,
A yel ko zil äisöpoms.