— 53 —
Ven yel suköl nu äpubom,
Alim ko stun älogedom
Das äpälom lieb alik
Vinabela flukis kilik.
Nu sons fati äsuemoms,
A yel ko zil äisöpoms.
MAN PLAGIK.
Nelijel, kel ätävom in Deutän, ägolom ko kap omik tu fagiko se litamil de lelodavab e sukü atos äpölüdom häti omik. Nen zogön timil, äjedom hätaboki omik se litamil. Tävels votik äsmiloms klänöfiko, e bal de oms äsäkom ome, va äniludom ba, das bok ägeblinomöv häti. No, ägepükom nelijel, ab su hät no patuvom nem, su bok patuvom nem e ladet kuladik oba; otuvon nu boki lä hät e somo ogegetob ba bofikis.
PEPELÖL.
Sanel sembal, kel ilabom vöno nelesumöfis ko bisiedel cödena, pävokom as noel in pözet dem venodam. Bisiedel, kel ävilom kofudön saneli, äsäkom ome, senin limödik äsätomöv al funön flitafi, Kanob sagön ole atosi, ägepükom sanel ko fef mödikün mögık, ab täno omütol lenunön obe büo:
1.º bäledi de flitaf;
2.º ladälodi nimila;
3.º va binom pematel u nepematel.
If dälob dagetön de ol danotis nilikum tefü dabals at, binob vilöfik begepükön säki olik.
SPUN BOADIK.
Vöno spun boadik äsibinom, kel äbinom lejönik. Namab äbinom pedeköl ko flols e tuigs valnik. Boad äbinom lefeinik; veins ledik äflamoms bevü
