— 52 —
KONIL LEFÜDÄNIK
Vom yunik, kel äspatof in süt, äloegof das man sembal äsukom ofi. Äsakof ome: «Kikod sukol obi?» — «Bi löfob oli», ägepükom. «Vo-li? Jiblod obik kel kömof pos ob binof mödo jönikum ka ob; golol-öd al of e löfol-öd ofi».
Man ägolom e äkoskömom vomi vemo hetlik. Pecitöl ägetävom denu al vom balid e äsagom: «Kelosi enünol obe binos nevelatik; sikod ecütol obi».
Y no esagol velati», ägepükof vom, «ibo if ilöfol-la obi no initedol-öv oli plo vom votik».
Noted at äbinom diseinik; man äjemom vemo e ämospidom.
DIVASÜKELS.
Bü liebel ädeilom,
Ciles omik äkonsälom:
»Dusöpolsöd vinabeli,
»Täno us otuvols divi!»
»Kiplad?» säkoms nu sons valik,
»Te söpolsöd ko kud patik!»
Ädeilom. E sons suno
Vinabeli leziliko
Segun konsäl falta omsik
Ädusükoms, in spel gudik
Pladi nonik äfögetoms,
Gluni sägo äisiboms,
E ston alik pälelogom,
Va völadi ba älabom.
Divi nonik yed ätuvoms,
Valiks cüti äblesenoms.
