Dat grote Höög- und Häwel-Book/Awendsegen för lütje Kinnderkens

(Ook naa dem Engelschen van Watts.)

Un wedder is en Dag vergahn,
   Herr God, hev Dank un Prys!
Groot hett Dyn' Allmacht an my dahn,
   Vullup wurd' ick et wys.

O, wo de Tyd my gauw vertehg!
   Myn Kwaaddohn was woll groot!
Herr God, vergiv my, wat geschehg,
   Un help uut aller Nood.

Wenn my de Slaap up't Lager breed't,
   Schick my Dyn'n Engel so,
Datt hee syn lichdwitt Kleed uutspreed't
   Un waakt un deckt my too.

Mit Fraamheid will ick slapen gahn,
   Du, Herr, waakst jümmers, Du!
Laat morgen my vöör Dy bestahn
   In Rechddohn, Leev un Truw!