Chësta ota ne vai pa a me confessè iö da Pasca

From Wikisource
Jump to navigation Jump to search
Chësta ota ne vai pa a me confessè iö da Pasca  (1833)  by Micurà de Rü
Ladin Micurà de Rü
grafia moderna
Chësta ota ne vai pa a me confessè iö da Pasca

"Oh, chësta ota ne vài pa a me confessè iö da Pasca", dijô n pice müt a so pere.

"Co pa no", dij le pere.

"Sce ne venëis chëla biescia foscia, ne pòi jì, porćì ch' ëla me fej dagnora blastemè, e le blastemè é pićé ël. Sc' an và dunca a se confessè, mëssen impermëte de ne le fà plü, e ći ch' an impermët, déssen inće mantegnì, scenò fêjen mì de ne jì nët nia."

Oh, sce vignun pensass sura la confesciun sco chëst pice, jìssen manco a se confessè e menass alincuntra na miù vita!