By ar łotaor śtejn

by Józef Gara

←Der kukuk an der yzuł

By ar łotaor śtejn by Józef Gara „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

Ym śtytła→

[ 70 ]

By ar łotaor śtejn

Ufum tretüaor
by am grusa tür
śtejt a siejny łotaor
an śtejt zy nö dos jür.

Wu wir düt cyzoma gejn,
byr łotaor myta büwa śtejn
myt dir maj siejn makia
myt dir maj siejn makia.

Dejch ken ych fu wajt
dajna siejna gaong.
Wir weła do es zu błajt
dos yns ny ej cy baong.

Wu wir düt cyzoma gejn,
byr łotaor myta büwa śtejn
myt dir maj siejn makia
myt dir maj siejn makia.

Oły junga denkia
fun ferja siun byśtymt,
ider wył dos makia
łiwa wens dö kymt.

Wu wir düt cyzoma gejn,
byr łotaor myta büwa śtejn
myt dir maj siejn makia
myt dir maj siejn makia.