Biblia/Vetule Testamento/Psalmos/Psalmos 95
Psalmos[edit]
95. Veni, vamos cantar de gaudio al Senior[edit]
- Le Psalmista advoca Israel a laudar Deo qua le Creator del mundo e le Protectos del nation, ma ille rememora al populo de non rebellarse a Deo..
1Veni, vamos cantar de gaudio al Senior; vamos clamar laudes a nostre Protector[1] que libera nos. 2Vamos acceder a su presentia con actiones de gratia; vamos cantar psalmos pro laudar le. 3Quia Deo es un Senior eminente, un grande Rege superior a omne deos. 4Quia in su manos es le profunditates del terra, e le altitudes del montes le pertine alsi. 5Sue es le mar, quia ille lo faceva. Su manos formava le terra sic.
6Veni, vamos adorar e prosterner nos ante ille, vamos flecter nostre genus ante le Senior, nostre factor, 7quia ille es nostre Deo, e nos es le populo que ille pastura, le oves que su mano conduce. Si solmente hodie vos le obediva! 8Ille dice: “Non indura vostre cordes, 9sicut Israel faceva in Meriba, sicut illes faceva a Massa in le deserto, ubi vostre patres me poneva a proba nonobstante tote le obras que io faceva pro illes. 10Per quaranta annos ille generation me disgustava, e io diceva: ‘Iste populo desira discamminar se; illes non obedi a mi commandamentos’. 11Assi, in mi ira io faceva un juramento: ‘Illes nunquan entrera in le loco de reposo que io preparava pro illes’”.
Notas[edit]
- ↑ Hebr. “al roccose summitate de nostre liberation”.