Biblia/Vetule Testamento/Psalmos/Psalmos 93

Psalmos

93. Le Senior regna. Le majestate es su vestimento

Le psalmista affirma que le Senior es le rege del universo, le qual preserva le ordine e supprime in le mundo le fortias destructive.

¹Le Senior regna. Le majestate es su vestimento. Vero, le Senior es vestite de majestate e su cinctura es le fortitude. Le mundo sta firme e non pote esser succutite. ²Tu throno, oh Senior ha essite secur desde le tempores antique; tu semper esseva rege. ³Le undas rugi, oh Senior, le undas rugi, le undas rugi e crepa. ⁴Super le ruito del aquas ragiante e le undas potente del mar, le Senior es assidite majestose sur su throno. ²⁵Tu leges regal non pote esser mutate. Le sanctitate aptemente adorna tu domo, oh Senior, pro semper.