Biblia/Vetule Testamento/Psalmos/Psalmos 23

Psalmos

23. Le Senior es mi pastor

In iste psalmo Deo es figurate qua un pastor qui provide a tote lo que su grege necessita e lo custodia de omne periculo. Le Psalmista parla como si ille esseva un ove e pois extende e developpa le metaphora a un grande banchetto ubi ille es le hospite de honor e le receptor del divin favor. Plus ancora: ille gaude de illimitate accesso al palatio e al presentia de Deo.

¹Un psalmo de David. Le Senior es mi pastor, e nihil me manca. ²Ille me porta a in pasturas verdeante; ille me conduce a aquas quiete. ³Ille restabli^[1] mi fortias; ille me conduce per semitas juste que da honor a su nomine. ⁴Mesmo quando io debe percurrer le valleas le plus obscur^[2], io non time periculos, quia tu es con me; tu virga e tu baston me reassecura.

⁵Tu me prepara un banchetto justo in presentia de mi inimicos. Tu me honora per unguer mi capite con oleo^[3] e mi cuppa disborda de benedictiones. ⁶Certo benignitate e misericordia me subsequera^[4] tote le dies de mi vita, e io habitara in le domo del Senior pro le resto de mi vita.

Notas

1. O “renova”.
2. Traditionalmente traducite: “le vallea del umbra del morte”.
3. Un acto de hospitalitate que antiquemente esseva reservate al hospites.
4. O “persequera”.