Biblia/Vetule Testamento/Psalmos/Psalmos 2

←Psalmos 1

Le Biblia in Interlingua Psalmos

Psalmos 3→

Psalmos

2. Quare le gentes freme

In iste psalmo royal le author assere le stato special del rege davidic elegite per Deo, e preveni le nationes e lor governantes a submitter se al autoritate de Deo e de su vice-regente electe.

¹Quare le gentes freme, e populos medita facer planos frustranee? ²Le reges del terra forma un fronte de battalia unite; le governantes se ha congregate pro conspirar contra le Senior e contra le rege que ille ha consacrate^[1]. ³Illes dice: “Vamos infringer le catenas que illes nos ha imponite; vamos liberar nos de lor jugo!”. ⁴Ille qui habita in celo, tamen, les irride; le Senior les provoca sarcasticamente. ⁵Tunc, in su ira, ille les parla e in su ragie les terrifica dicente: ⁶“Io ipse appunctava mi rege super Sion, mi sancte monte. ⁷Le rege dice: “Io proclamara le decreto del Senior. Ille me diceva: ‘Tu se mi filio! In iste die ipse io deveniva tu patre^[2]. ⁸Roga me, e io te dara le gentes qua tu hereditate e le terminos del terra qua tu personal possession. ⁹Lor reges tu les percutera con tu sceptro de ferro, tu les fracassara como le vasos de argilla de un ollero. ¹⁰E nunc, reges, age con sagessa; vos, governantes del terra, submitte vos al correction. ¹¹Servi le Senior con timor, e repenti vos con terror. ¹²Rende le homage sincer, alteremente ille va irascer, e vos morira proter vostre comportamento, quando su ira cito va ignir. Quanto beate es illes qui face de ille lor refugio!

Notas

1. O “contra su Christo”, “contra su Uncto”.
2. O “io te generava”.