Biblia/Vetule Testamento/Psalmos/Psalmos 13

←Psalmos 12

Le Biblia in Interlingua Psalmos

Psalmos 14→

Psalmos

13. Quanto longemente continuara tu a ignorar me?

Le psalmista, qui es proxime a morir, invoca desperatemente Deo e affirma su fide in le fidelitate de Deo

¹Pro le magistro del choro. Psalmo de David. Quanto longemente, oh Senior, continuara tu a ignorar^[1] me? Quanto longemente tu avertera tu facie ab me? ¹Quanto longemente io debera continuar esser inquiete e suffrer in mi corde cata die? ³Respice e exaudi me, Senior mi Deo. da lumine a mi oculos, alteremente io va cader in le somno del morte. ⁴Alteremente mi inimicos dicera: “Nos prevaleva adverso ille!”. Alora qui me tribula, exultara quia io esseva abattite^[2]. ⁵Ma io confide in tu fidelitate. Mi corde exultara quia tu me liberava. ⁶Io cantara laudes al Senior, quia ille es mi vindice.

Notas

1. O “oblidar”.
2. O “succutite”.