Biblia/Vetule Testamento/Psalmos/Psalmos 121

Psalmos

121. Io leva mi oculos al montes

Le psalmista, incoragia le ver credentes a confider fiduciosemente in le adjuta de Deo e doce les confider in su protection. In prime loco ille affirma que il es impossibile trovar alterubi le salvation. In secunde loco, ille exalta con terminos altissime le paterne cura de Deo in defender su fideles..

¹Cantico del pelegrinos que ascende a Jerusalem. Io leva mi oculos al montes: esque mi adjuta va venir de ibi? ²Mi auxilio veni del Senior, le Creator del celo e del terra! ³Que ille non permitte que tu pede face passos false. Que tu Protector non dormi. ⁴Reguarda! Le Protector de Israel, non dormi ni somnole. ⁵Le Senior es tu Protector, le Senior es sicut tu umbra a tu dextera. ⁶Le sol non te percutera durante le die, o le luna de nocte. ⁷Le Senior te custodiara de omne mal; le Senior protegera tu vita^[1]. ⁸Le Senior te custodiara quando tu entra e quando tu exi, nunc e pro semper.

Notas

1. O “anima”.