Biblia/Vetule Testamento/Psalmos/Psalmos 101
Psalmos[edit]
101. Io cantara de tu misericordia e de tu justitia[edit]
- Le rege promitte promover le justitia in su pais e eliminar omne malfactores ab su corte regal.
1Un psalmo de David. Io cantara de tu misericordia e de tu justitia, Senior. A te, oh Senior, io cantara laudes. 2Io essera diligente in viver un vita irreprochabile - quando venira tu a adjuvar me? In mi proprie domo io gerera mi commercios con integritate. 3Io non mesmo considerara facer lo que es dishoneste. Io odia facer le mal. Io habera nihil a facer con commerciantes dishoneste. 4Io habera nihil a facer con personas perverse. Io non tolerera le mal. 5Io non supportara quicunque calumnia su vicino in secreto. Io non suffrera quicunque se comporta orgoliosemente e arrogantemente. 6Io favorara le gente honeste del pais: necun altere essera permittite viver apud me. Me servira solmente illes qui es irreprochabile. 7Gente fraudulente non habitara in mi palatio. Mentitores non essera benvenite in mi presentia. 8Mi deber quotidian essera discoperir con recercas minutiose qui in le pais es perverse e dishoneste. Io removera omne malfactores ab le citate del Senior.