Biblia/Vetule Testamento/Nehemia/Nehemia 12

←Nehemia 11

Le Biblia in Interlingua Nehemia

Nehemia 13→

Nehemia

12

Le sacerdotes e le Levitas qui habeva retornate a Jerusalem

¹Istes es le sacerdotes e le Levitas qui habeva retornate con Zerubbabel, filio de Shealtiel e Jeshua, le summe sacerdote: Seraia, Jeremia, Ezra, ²Amariah, Malluch, Hattush, ³, Rehum, Meremoth, ⁴Iddo, Ginnethon, Abijah, ⁵Mijamin, Moadia, Bilgah, ⁶Shemaia, Joiarib, Jedaia, ⁷Sallu, Amok, Hilkia, e Jedaia. Istes esseva le principales del sacerdotes e lor collegas in le dies de Jeshua.

⁸Le Levitas qui retornava con illes esseva: Jeshua, Binnui, Kadmiel, Sherebia, Juda, e Mattania, qui, insimul a lor collegas esseva incargate del canticos de rendimento de gratias.⁹Lor collegas Bakbukia e Unni, stava coram illes durante le servicio divin.

¹⁰Jeshua esseva le patre de Joiakim, Joiakim esseva le patre de Eliahib, Eliashib esseva le patre de Joiada, ¹¹Joiada esseva le patre de Jonathan, e Jonathan esseva le patre de Jaddua.

¹²In le dies de Joiakim, istes esseva le sacerdotes qui esseva capites de familias: Meraiah esseva capite de familia de Seraiah. Hanania esseva capite del familia de Jeremiah. ¹³ Meshullam esseva capite del familia de Ezra. Jehohanan esseva capite del familia de Amariah. ¹⁴Jonathan esseva capite del familia de Malluch. Joseph esseva capite del familia de Shecaniah. ¹⁵Adna esseva capite del familia de Harim. Helkai esseva capite del familia de Meremoth. ¹⁶Zechariah esseva capite del familia de Iddo. Meshullam esseva capite del familia de Ginnethon. ¹⁷Zicri esseva capite del familia de Abijah. Il habeva alsi le capite del familia de Miniamin. Piltai esseva capite del familia de Moadiah. ¹⁸Shammua esseva capite del familia de Bilgah. Jehonathan esseva capite del familia de Shemaia. ¹⁹Mattenai esseva capite del familia de Joiarib. Uzzi esseva capite del familia de Jedaia. ²⁰Kallai esseva capite del familia de Sallu. Eber esseva capite del familia de Amok. ²¹Hashabia esseva capite del familia de Hilkia. Nethanel esseva capite del familia de Jedaia.

²²Pro lo que reguarda le Levitas, in le dies de Eliashib, Joiada, Johanan e Jaddua, le capites de familas esseva registrate tanto quanto le sacerdotes durante le regno de Dario le Persiano. ²³Le descendentes de Levi esseva registrate in le Libro del Chronicas como capites de familias usque le dies de Johanan filio de Eliashib. ²⁴Istes esseva le capites del Levitas: Hashabia, Sherebia, Jeshua, Binnui, Kadmiel, e altere collegas, qui stava coram illes durante le cerimonias de laude e de rendimento de gratias, un section qui respondeva al altere, secondo lo que habeva commandate David, homine de Deo.

²⁵Mattania, Bakbukia, Obadia, Meshullam, Talmon, e Akkub esseva le porteros qui guardava le cellarios juxta le portas. ²⁶ Tote istes serviva in le dies de Joiakim filio de Jeshua, le filio de Jozadak, e in le dies de Nehemia, le governator e de Ezra, le scriba sacerdotal.

Le dedication del muralia de Jerusalem

²⁷Pro le dedication del nove muralia de Jerusalem, il esseva requirite que le Levitas, ubicunque illes habitava, veniva a Jerusalem pro assister in le ceremonias. Illes debeva prender parte al joiose occasion con lor cantos de regratiamento e con le musica de cymbalos, harpas e lyras. ²⁸Le cantores esseva facite congregar ab le region circum Jerusalem e ab le villages del Netophathitas. ²⁹Illes proveniva alsi ab Beth-gilgal e ab le areas rural juxta Geba e Azmaveth, quia le cantores se habeva establite^[1] circum Jerusalem. ³⁰Le sacerdotes e le Levitas primo se purificava, pois illes purificava le populo, le portass e le muros.

³¹Io faceva ergo ascender le principales de Juda super le muralia e organisava duo grande choros pro dar expression a nostre gratitude. Uno del choros procedeva supra le muro verso sud usque al Porta del Stercore. ³²Hoshaiah e le medietate del principales de Juda les sequeva, ³³insimul a Azariah, Ezra, Meshullam, ³⁴Judah, Benjamin, Shemaia, e Jeremia. ³⁵Pois veniva alcun sacerdotes que sonava trompas, includite Zacharia, filio de Jonathan, filio de Shemaia, filio de Mattania, filio de Micaia, filio de Zaccur, un descendente de Asaph. ³⁶Le collegas dee Zacharia esseva Shemaiah, Azarel, Milalai, Gilalai, Maai, Nethanel, Judah, e Hanani. Illes empleava le instrumentos musical prescribite de David, le homine de Deo. Ezra le scriba conduceva iste procession. ³⁷Al Porta del Fontes illes percurreva le scalon sur le ascensa del muralia del citate usque le Citate de David. Illes transiva apud le domo de David e pois procedeva verso le Porta del Aquas, a est.

³⁸Le secunde choro procedeva verso nord in le opposite direction. Io les sequeva, insimul al altere medietate del populo, sur le muralia ultra le Turre del Furnos verso le Muro Large, ³⁹preter le Porta de Ephraim verso le Porta Antique, super le Porta del Pisces e le Turre de Hananel, e pois al Turre del Cento, e procedeva al Porta del Greges. Illes se haltava al Porta del Custodes.

⁴⁰Deinde le duo choros que exprimeva nostre recognoscentia al Senior procedeva verso le Templo de Deo, ubi illes prendeva lor placias. Le mesmo io faceva, insimul al gruppo del principales que esseva con me. ⁴¹Nos procedeva insimul al sacerdotes sonatores de trompa - Eliakim, Maaseiah, Miniamin, Micaia, Elioenai, Zecharia, and Hanania — ⁴²e le cantores — Maaseia, Shemaia, Eleazar, Uzzi, Jehohanan, Malkija, Elam, and Ezer. Illes sonava e cantava in alte voce sub le direction de Jezrania, le director de choro.

⁴³In ille die gaudiose se offereva multe sacrificios, quia Deo habeva date al populo un causa de grande gaudio. Le feminas e le infantes participava alsi al celebration e le gaudio del populo de Israel esseva audite procul.

Provisiones pro le culto in le Templo

⁴⁴In ille die homines esseva appunctate pro gerer le cellarios a contener le offertas, le primitias del recolta e le decimas. Illes esseva responsabile de colliger del agros foras del citates le portiones requirite del Lege pro le sacerdotes e le Levitas. Quia tote le populo de Juda se allegrava in le sacerdotes, in le Levitas e lor labor. ⁴⁵Illes executava le servicio de lor Deo e le servicio de purification, juxta habeva commandate David e su filio Salomon, e le mesmo faceva le cantores e le porteros. ⁴⁶Le costume de haber directores del choro pro conducer le choros in cantos de laude e de regratiamento a Deo habeva comenciate de longe tempore in le dies de David e Asaph. ⁴⁷Assi nunc, in le dies de Zerubbabel e de Nehemia, omne Israel habeva portate un provision de nutrimento quotidian pro le cantores, le porteros e le Levitas. Le Levitas, a lor vice, dava un portion de lo que illes recipeva al sacerdotes, le descendentes de Aaron.

Notas

1. O “habeva edificate (lor proprie domo, o villages) circum Jerusalem.