Biblia/Vetule Testamento/Malachia/Malachia 1

From Wikisource
Jump to navigation Jump to search
Le Biblia in Interlingua
Malachia

Malachia[edit]

I[edit]

Le amor del Senior pro Israel[edit]

1Le Parola del Senior adressate a Israel per Malachia. 2“Io vos ha amate”, dice le Senior, totevia vos demanda: “Como ha tu nos amate?” An Esau non era le fratre de Jacob?”, dice le Senior. “Jacob io le amava, 3ma Esau io le odiava. Io cambiava su montes in un deserto e dava su hereditage al chacales del deserto”.

4Benque Edom dice: ‘Nos esseva devastate, ma nos revenira e reconstruera le ruinas”. Le Senior del Armeas dice isto: “Illos potera ben edificar, ma io lo destruera. Illes essera appellate le pais de impietate e le populo que le senior ha maledicite per semper. 1ostre oculos lo videra, e vos mesme dicera: ‘Le Senior es grande, mesmo ultra le confinios de Israel”.

Disobedientia del sacerdotes[edit]

6“Un filio honora su patre, e un servitor su senior. Si dunque io es patre, ubi es le honor que me es debite? Si io es Senior, ubi es le timor que es debite a me? dice le Senior del Armeas a vos, sacerdotes, qui minusprecia mi nomine”. E tamen vos demanda: ‘In que nos ha minuspreciate tu nomine?’ 7Vos offere nutrimento impur super mi altar”. E vos pete: “In que nos te ha contaminate?’ In le facto que vos diceva: ‘Le tabula del Senior es contemptibile”.

8“Quando vos offere como sacrificios animales cec, an isto non es mal? E quando vos offere animales stropiate o malade, an isto non es mal? Proba portar los a vostre governator! An vos le placera, e ille vos acceptara?” dice le Senior del Armeas. 9Pete nunc a Deo que ille habe pietate de nos. Se isto veni de vostre manos, esque ille vos recipera?” dice le Senior del Armeas. 10“Io volerea que un de vos claude le portas, assi que vos non accende le foco in mi altar in van. Io non trova placer in vos”, dice le Senior del Armeas, “e de vostre manos io non acceptara donos”.

11Proque del oriente al occidente, mi nomine sera grande inter le nationes, e in cata loco incensos e ofertas pur se offerera in mi nomine, proque grande essera mi nomine inter le nationes”, dice le Senior del Armeas.

12Ma vos lo ha profanate quando vos diceva: ‘le tabula del Senior es contaminate e le alimentos que es super illo contemptibile’. 13 E vos dice: ‘Qual pena!” E me tracta con disprecio, dice le Senior del Armeas. Vos apportava animales furate, stropiate o malade e lo presenta como un oferta sacre. An io lo deberea acceptar de vostre manos?” dice le Senior.

14Maledicte es le deceptor qui ha un animal acceptabile in su grege, e promitte de offerer lo, ma, in su placia, vos sacrifica al Senior un animal defectuose. Proque io es un grande Rege, dice le Senior del Armeas e mi nomine es timite inter le nationes.