Lamentationes

3

Le propheta parla

¹Io es le homine qui videva le afflictiones que proveni ab le virga del indignation del Senior. ²Ille me conduceva in le tenebras extinguente omne lumines. ³Repetitemente ille verteva su mano contra me per tote le die. ⁴Ille consumeva mi pelle e mi carne; ille infringeva mi ossos. ⁵Ille me assediava e circumfereva con angustia e afflictiones. ⁶Ille me faceva resider in locos tenebrose como illes qui esseva morte desde longe tempore.

⁷Ille edificava un muro circum me que non me permitte sortir. Ille ligava pedicas pesante a mi pedes e io non pote mover me. ⁸E quanquam io clama e crita, ille refusa audir me^[1]. ⁹Ille blocava mi vias con un alte muro de lapides; ille rendeva omne semitas impervie. ¹⁰Ille se occultava como un urso o un leon que attende attaccar me. ¹¹Ille me trainava foras del sentiero e me divelleva a pecias, lassante me sin adjuta e devastate.

¹²Ille tendeva su arco e me rendeva le scopo de su sagittas. ¹³Ille tirava su flechas a in mi corde. 3:14 Io deveniva un objecto de irrision pro tote mi populo; per tote le die illes me burla in lor cantos. ¹⁵Ille me dava a biber infusiones de herbas amar e me inebriava de absinthio.

¹⁶Ille me faceva masticar arena; ille me calcava in le pulvere. ¹⁷Mi anima ha essite deprivate del pace; io oblidava lo que es le felicitate. ¹⁸Assi io diceva: “Mi capacitate de supportar tote isto se exhauriva. Io perdeva mi sperantia que le Senior me adjuta”.

¹⁹Recorda mi paupertate e mi peregrinationes, que es un veneno amar. ²⁰Io pensa continuemente a isto e grande es mi depression. ²¹Ma io me rememora de isto: pro iste ration io ha sperantia: ²²le misericordia del Senior tamen, nunquam cessa; su compassiones nunquam termina. ²³Illos se renova omne matinos; tu fidelitate es grande! ²⁴io diceva a me ipse: “Le Senior es mi hereditage; propter isto io pone in ille mi sperantia”.

²⁵Le Senior es bon verso illes qui spera in ille, a les qui le quere. ²⁶Il es bon expectar patientemente que le Senior nos libera. ²⁷Il es bon pro un homine portar le jugo ab le tempore de su adolescentia. ²⁸Que ille sede sol in silentio quando le Senior le impone actiones disciplinari. ²⁹Que ille jace con le facie in le pulvere: forsan il ha sperantia. ³⁰Que ille offere su gena a les qui le percute e accepta le insultos de su inimicos. ³¹Quia le Senior non nos repellera pro semper. ³²Quia ille nos afflige, ma postea ille habera compassion de nos, secundo le multitude de su misericordias. ³³Nunquam ille ama humiliar o affliger le homines.

³⁴Si on fulla sub le pedes tote le prisioneros del Terra; ³⁵si on priva le alteres de lor derectos in presentia del Altissime, ³⁶si on perverte le justitia in le cortes - esque non le Senior vide tote iste cosas?

³⁷Qui poterea commandar que alco sia facite sin que le Senior lo ha decretate? ³⁸Esque non il es ex le ore del Altissimo que sorti sia le mal sia le bon? ³⁹Alora, quare nos deberea , simple humanos, querelar quando nos es punite propter nostre peccatos? ⁴⁰Vamos, al contrario, examinar diligentemente nostre vias e que nos retorna al Senior. ⁴¹Que nos leva nostre cordes e manos a Deo in Celo: ⁴²Nos esseva inique e rebelle: propter isto tu esseva inexorabile con nos. ⁴³Tu te inveloppava in le furor e percuteva nos; tu occideva nos sin misericordia. ⁴⁴Tu te inveloppava con un nube tanto que nostre precarias non lo poteva penetrar. ⁴⁵Tu abandonava nos como immunditia inter le nationes. ⁴⁶Omne nostre inimicos parlava contra nos. ⁴⁷Nos es plen de pavor, proque nos esseva trappate, devastate e ruinate.

⁴⁸Torrentes de lacrimas flue de mi oculos, proque mi populo esseva destruite. ⁴⁹Lacrimas flue de mi oculos e illos non se stoppara. Il non habera reposo ⁵⁰donec le Senior respice e vide del celos lo que occurreva. ⁵¹Lo que mi oculos vide me afflige propter omne le suffrentias del feminas in Jerusalem.

⁵³Pro nulle ration mi inimicos me chassava como un ave. ⁵⁴Illes me recludeva in un puteo e jectava lapides super me. Le aquas se levava sur mi capite e io pensava esser sur le puncto de morir. ⁵⁵io tamen, invocava tu nomine ex le puteo le plus profunde. ⁵⁶Tu me audiva quando io critava: “Ascolta mi supplicationes! Audi mi crito de adjuta!”. ⁵⁷Alora, quando io te invocava tu te approximava a me e diceva: “Non time!”. ⁵⁸Oh Senior! Tu veniva in mi defensa; tu redimeva mi vita. 3⁵⁹Tu videva mi afflictiones, Senior; pronuncia un judicio in mi favor! ⁶¹Tu videva tote lor spirito vindicative e lor conjura contra me.

⁶¹Tu audiva, oh Senior, lor observationes sarcastic. Tu cognosce toto re le planos que illes cogitava contra me. ⁶²Mi assalitores me injuria e conspira adverso me per tote le die. ⁶³Reguarda les! Sia que illes sede sia que illes sta, io es le objecto de lor cantos de derision. ⁶⁴Da les lo que illes merita juxta le operas de lor manos. ⁶⁵Da les un corde dur e obstinate, e que tu malediction cade super illes! 3:66 Perseque les in tu furor e eradica les sub le celos del Senior.

Notas

↑ Litt. “Ille excludeva mi orationes”.

[1] Litt. “Ille excludeva mi orationes”.

[1]