Biblia/Vetule Testamento/Job/Job 35

From Wikisource
Jump to navigation Jump to search
Le Biblia in Interlingua
Job

Job[edit]

35[edit]

Tertie elocution de Elihu[edit]

1Elihu prosequeva assi su rationamento. Ille diceva: 2“Esque tu reputa que il es rationabile pretender que tu es juste coram Deo? 3Quia tu alsi diceva: ‘Qual beneficio poterea Deo obtener de isto?’ e ‘Qual ganio poterea io haber si io non pecca?’. 4Io respondera a te e etiam a tote tu amicos con te.

5Contempla le celo e reguarda con attention. Considera le nubes, in alto super te. 6Si tu pecca, esque illo affice Deo? Mesmo si tu multiplica tu transgressiones, que pote tu facer contra ille? 7Si tu es juste, quid da tu a Deo? O quid recipe ille de tu mano? 8No, tu impietate affice solmente personas como te. Tu rectitude adjuta de facto solmente altere personas.

9On clama propter multe oppressiones, on clama adjuta propter le fortia del tyrannos, 10ma nemo dice: ‘Ubi es Deo, mi Creator, qui nos da cantos in le nocte? 11Ubi es ille, qui nos faceva plus intelligente que le animales salvage del terra, e rende nos plus sagace que le aves del celo?’. 12On clama, ma ille non responde propter le superbia del gente perverse. 13Il es tamen errate dicer que Deo non audi, dicer que le Omnipotente non se occupa de tal clamores. 14Quanto minus, alora, quando tu dice que tu non le percipe, que tu causa es coram ille: apprende ergo expectar le! 15Le mesmo es quando tu dice que su ira non castiga, ni valde ille se occupa del iniquitate.

16Assi il es clar que Job aperi su bocca frustra e que sin cognoscentia ille multiplica su parolas.