Isaia

62

Le Senior se complace in Sion

¹Propter io ama Sion, io non va tacer. Propter mi desiro ardente pro Jerusalem, io non remanera silente. Io non quitara precar pro illa, donec su justitia resplende como le alba, e su salvation flagra como un torcha ardente. ²Le gentes videra tu justitia e le reges del mundo essera cecate per tu gloria. Le ore ipse del Senior te dara un nove nomine. ³Tu essera como un corona majestose in le mano del Senior, como un turban regal in le mano de tu Deo.

⁴Tu essera nunquam plus appellate “le Derelicta”. Tu terra non essera plus appellate “le Desolata”. Tu nove nomine essera: “Le Citate del Delecto de Deo”, e “Le Sponsa de Deo”, quia le Senior se complace in te e te reclamara como su sponsa. ⁵Tu filios se committera a te, oh Jerusalem, tanto como un juvene homine se committe a su sponsa. Alora Deo se allegrara de te sicut un sponso se allegra de su sponsa.

⁶Oh Jerusalem, io poneva vigilatores super tu muralias; ille precara die e nocte, continuemente. Non reposa, oh tote vos qui preca le Senior. ⁷Da nulle reposo al Senior donec ille compli su obra, donec ille rende Jerusalem le orgolio^[1] del terra. ⁸Le Senior prestava un juramento levante su forte mano dextere: “Io nunquam plus dara tu tritico a tu inimicos pro esser lor nutrimento. Nunquam plus venira guerreros estranie a biber tu vino, pro le qual tu laborava durmente.

⁹Tu laborava pro producer ille frumento e tu lo mangiara, laudante le Senior. Tu faceva le vindemia e tu bibera le vino in le cortes de mi sanctuario. ¹⁰Transi, transi per le portas! Prepara le via ut mi populo retorna! Nivella, nivella le semitas; remove le lapides que poterea facer les trappar. Eleva un stendardo, ut tote le populos lo vide! ¹¹Le Senior ha mandate iste message usque le extremitate del terra: “Dice al populo de Sion: Ecce, tu salvation adveni. Vide, ille porta con se merces e un premio. ¹²Illes essera appellate “le Populo sancte”, “le Redemptos del Senior”; tu essera appellate “Le Desiderate”, “Citate non Derelicte”.

Notas

↑ O “laude”.

[1] O “laude”.

[1]