Haggai

I

Introduction

¹In le prime die del sexte mense del secunde anno del rege Dario, le Senior mandava iste message per le medio del propheta Haggai a Zorobabel, filio de Shealtiel, governator de Juda, e al Summe Sacerdote Josue, filio de Jehozadak:

Le indifferentia del populo

²“Le Senior del universo dice isto: ‘Le tempore pro le reconstruction del templo del Senior non veniva ancora’”. ³Assi, le Senior parlava per le medio del propheta Haggai dicente: ⁴Es il juste pro vos de viver in domos riccamente pannellate, durante que mi templo jace in ruinas? ⁵Ecce, alora, lo que le Senior del universo dice: ‘Reflecte attentivemente super lo que vos face. ⁶Vos semina multo, ma vos recolta pauco. Vos mangia, ma vos non es satis satiate. Vos bibe, ma ancora vos ha sete. Vos vesti vos, ma vos non es satis calefacte. Illes qui gania gages, los conserva in bursas cavate”.

Le instruction del populo

⁷“Preterea, le Senior del universo dice: ‘Presta ben attention anque a iste cosas-ci: ⁸Ascende al montes e apporta ligno pro edificar le templo. Alora isto me placera e me glorificara’, dice le Senior. ⁹‘Vos expectava un grande recolta ma, al contrario, vos recoltava pauco, e quando vos lo portava a casa, illo tosto dispareva. Qual es le causa de tote isto?’, pete le Senior del universo. ‘Quia mi templo remane in ruinas, gratias al facto que cata un de vos pensa solmente a su proprie casa! ¹⁰Ecce proque le celo reteneva su rore e le terra su production. ¹¹Item, io ha vocate le siccitate super le terra, super le montes, super le tritico, super le vino, super le oleo e super toto lo que cresce del terreno; illo damnificara alsi le gente, le animales e tote lo que illos produce’”.

Le responsa del populo

¹²Alora Zorobabel, filio de Shealtiel e le Summe Sacerdote Josue, insimul a tote le resto del populo, obediva al Senior lor Deo. Illes respondeva favorabilemente al message del propheta Haggai, que habeva parlate justo como le Senior le habeva instruite dicer, e le populo comenciava respectar^[1] le Senior. ¹³Alora Haggai, le messagero del Senior, secundo le mandato del Senior, diceva al populo: “Io es con vos”, dice le Senior. ¹⁴Assi le Senior suscitava le spirito de Zorobabel, filio de Shealtiel, governator de Judah, e le spirito de Josue, filio de Jehozadak, le Summe Sacerdote, e le spirito del integre resto del populo. Illes veniva e comenciava laborar al templo de lor Deo, le Senior del universo. ¹⁵Tote isto eveniva in le vinti quatresime die del sexte mense del secunde anno del rege Dario.

Notas

↑ O “timer”.

[1] O “timer”.

[1]