Avëise vöia de bëire con me üna taza de ciocolada

From Wikisource
Jump to navigation Jump to search
Avëise vöia de bëire con me üna taza de ciocolada  (1833)  by Micurà de Rü
Ladin Micurà de Rü
grafia moderna

Avëise vöia de bëire con me üna taza de ciocolada

Avëise vöia de bëire con me üna taza de ciocolada?
Iö ves ringrazie; ëla me scialda massa.
Me darëis dunca l' onor de bëire na copa (chichera) de cafè?
M' oblighëis tant che...
Sënza ceremonies! Iö sà, che bevëis gën le cafè.
Ël é vëi, iö le bëi gën, mascimamënter inte vosta compagnia deletora.
Oh lascede i complimënć.
Le comanëise col lat?
Scé, col lat, sc' ël ves plej.
Bevëise gonot cafè vos?
Vigne dé dües tazes.
Can pa? Da doman?
Perdonede, da doman le bëiri da inré, mo dagnora do marëna.
E ći bevëise pa da doman?
Iö bëi le tê, o na taza d' ega.
A ći ora jëise pa a marëna?
A la üna.
A ći ora cenëise pa?
A les nü.
N' é pa chëst tröp tert?
Oh no, perćì che ne jun mai dant les ündesc, o les dodesc a dormì.
Chëst foss pa tröp tert por me. Dunca stesse bëin!