おもろさうし/第十八
首里天ぎやすへあんじおそいがなし しま中おもろ御さうし 天啓三年癸亥三月七日 第十八
さんことよたしが節[edit]
18-1249(1)
一宮城金子／良かる金子／金子に こいや／又稲福に 上て／てだが前 上て／又鉄冑 こいや／鉄鎧 こいや／又吾が弟者の 三人／吾が弟者の 四人
一みやくすくこかねし／ゆかるこかねし／こかねしに こいや／又ゑなふくに のほて／てたかまへ のほて／又かなかふと こいや／かなよろい こいや／又あかおとちやの 三人／あかおとちやの 四人
みやぐすくこがねしが節[edit]
18-1250(2)
一さんこ鳴響た子／良かる鳴響た子／てだ清ら勝るてだ／又大たうの前に おとち／こいつめや てだ清ら／又稲福の端／寄り立ちの端
一さんことゆたし／ゆかるとよたし／てたきよらまさるてた／又大たうのまへに おとち／こいつめや てたきよら／又ゑなふくのはんた／よりたちのはんた
あさとおきておやみかまの節[edit]
18-1251(3)
一稲福の世勝り／げらへて ちよわちへ／見揚がり 誇りよわちへ／又国の根の世勝り
一ゑなふくの世まさり／けらへて ちよわちへ／みやかり ほこりよわちへ／又くにのねの世まさり
うらおそいおもろの節[edit]
18-1252(4)
一高川の水は／寄越す物やてや／ぬき上げ水／掻い撫で水 為まし／又親川の水は／寄越す
一たかかわのみつは／よこす物やてや／ぬきやけみつ／かいなてみつ せまし／又おやかわのみつは／よこす
きこへきみがなしおそてそろへわちへが節[edit]
18-1253(5)
一大城 おわる／世掛けにせ按司の／御駄連れが 見物／又国の根に おわる／又糸数の 使い／根国の 使い
一大くすく おわる／世かけにせあちの／みちやつれか み物／又くにのねに おわる／又いとかすの つかい／ねくにの つかい
あおりやへが節[edit]
18-1254(6)
一大城親軍／大国鳴響み軍／見ちへど 見あぐも／又国の根の親軍
一大くすくおやいくさ／ちやくにとよみいくさ／みちへと みあくも／又くにのねのおやいくさ
あおりやへが節[edit]
18-1255(7)
一聞へ大城／見揚がる門 建てゝ／しけち 持ち寄せて／又鳴響む大城
一きこへ大くすく／みあかるちやう たてゝ／しけち もちよせて／又とよむ大くすく
わなのおもやこが節[edit]
18-1256(8)
一おた子なつらしや／あさと 撓て かなて／按司に 思われゝ／又わなの新貢／又百名初貢／あさと 撓て かなて
一おたこなつらしや／あさと しなて かなて／あんしに おもわれゝ／又わなのあらかない／又ひやくなはつかない／あさと しなて かなて
いつかなつたゝしよが節[edit]
18-1257(9)
一百名わ 浦南風 吹けば／煽りやへ 成さ 守りよわちへ／又我が浦は 浦南風 吹けば／又おれづむ 煙やが 立てば
一ひやくなわ うらはゑ ふけは／あおりやへ なさ まふりよわちへ／又わかうらは うらはへ ふけは／又おれつむ けもりやか たては
うらしろたちよい節[edit]
18-1258(10)
一百名 浦白 吹けば／うら〳〵と 若君 使い／又我が浦は 浦白 吹けば／又手数は 蒲葵花 咲き居ら／又掻ひ遣るは 波花 咲き居ら
一ひやくな うらしろ ふけは／うら〳〵と わかきみ つかい／又わかうらは うらしろ ふけは／又てかすは こははな さきよら／又かひやるは なみはな さきよら
中ぐすくおもろの節[edit]
18-1259(11)
一わなの思や子が／見遣り欲しや／百名の寄せ杜加那志／又わなのまちやり子が／又嘉津宇嶽 上て／見遣り欲しや
一わなのおもやこか／みやりほしや／ひやくなのよせもいかなし／又わなのまちやりこか／又かつおたけ のほて／みやりほしや
ひやくなからのぼてが節[edit]
18-1260(12)
一百名から 上て／根国から 上て／島 揃て／十百末 みおやせ／又首里杜 ちよわる／おぎやか思い加那志
一ひやくなから のほて／ねくにから のほて／しま そろて／ともゝすゑ みおやせ／又しよりもり ちよわる／おきやかもいかなし
ひやくなからのぼてが節[edit]
18-1261(13)
一百名から かねて／連れる 連れ 連れて／果報首里親国／又崎枝から かねて
一ひやくなから かねて／つれる つれ つれて／かほうおしよりおやくに／又さきよたから かねて
たくしたらなづけが節[edit]
18-1262(14)
一玉城 おわる／島の主てだ／十百度の報廻り しよわちへ／又国の根に おわる／又今日の良かる日に
一たまくすく おわる／しまのぬしてた／ともゝとのふまわり しよわちへ／又くにのねに おわる／又けおの世かるひに
こいしのがさしふとのばらの節[edit]
18-1263(15)
一玉城杜ぐすく／今こより／百度世す ちよわれ／又貴み人に 浮雲に
一たまくすくもりくすく／いみやこより／もゝと世す ちよわれ／又たゝみきよに おきよくむに
かつれんはいきやるかつれんが節[edit]
18-1264(16)
一天頂は 雨たもす 漏らね／天頂は あいつまは いきやかせ／又天頂は くれたもす 漏らね
一あまつゝは あめたもす むらね／あまつゝは あいつまは いきやかせ／又あまつゝは くれたもす むらね
たくしたらなづけが節[edit]
18-1265(17)
一玉城 おわる／意地気清らてだよ／此世 掛け詰めて ちよわれ／又国の根に おわる／意地気清らてだ
一たまくすく おわる／いちへききよらてたよ／此世 かけつめて ちよわれ／又くにのねに おわる／いちへききよらてた
こいしのがさしふとのばらが節[edit]
18-1266(18)
一雲子杜／真玉杜ぐすく／大君に 知られゝ／又御宣り人が さしふ／神にしやが むつき／又あかべとり せゝと／まむがとり せゝと
一くむこもり／またまもりくすく／大きみに しられゝ／又みちゑりきよか さしふ／かみにしやか むつき／又あかへとり せゝと／まむかとり せゝと
あおりやへが節[edit]
18-1267(19)
一おぎやか子ぎや おもろ／筑紫ちやら おぼゑて／玉珈玻㼈／報国寄せぐすく／又おぎやか子ぎや 宣るむ
一おきやかしきや おもろ／つくしちやら おほゑて／玉かはら／ふうくによせくすく／又おきやかしきや せるむ
こいしのが節[edit]
18-1268(20)
一雲子杜／真玉杜ぐすく／金加那志／君誇り げらへて／又百名内に／選でおちやる 真人／又崎枝内に／そゝておちやる 真人
一くむこもり／またまもりくすく／かねかなし／きみほこり けらへて／又ひやくなうちに／ゑらておちやる ま人／又さきよたうちに／そゝておちやる ま人
あおりやへが節[edit]
18-1269(21)
一雲子杜ぐすく／おわもりは 手摩て／世勝る拍子／打ちちへ みおやせ／又真玉杜ぐすく／又聞へ吾が成さ人
一くむこもりくすく／おわもりは てつて／世まさるひやし／うちちへ みおやせ／又またまもりくすく／又きこへあかなさきよ
あおりやへが節[edit]
18-1270(22)
一聞へおわもりぎや／雲子杜 降れわちへ／銀 金／もちろきゆる 清らや／又鳴響むおわもりぎや／又綾のてだは さだけて
一きこへおわもりきや／くむこもり おれわちへ／なむちや こかね／もちろきゆる きよらや／又とよむおわもりきや／又あやのてたは さたけて
あおりやへが節[edit]
18-1271(23)
一聞ゑ綾の天ぎや／精の拍子／珍ら拍子 みおやせ／又鳴響む綾の天ぎや／又雲子杜 降れわちへ
一きこゑあやのてにきや／すへのひやし／めつらひやし みおやせ／又とよむあやのてにきや／又くむこもり おれわちへ
あおりやへが節[edit]
18-1272(24)
一聞へ綾の天ぎや／雲子杜 降れわちへ／精の拍子／珍ら拍子 みおやせ／又鳴響む綾の天が／又成さ人思いが み御前
一きこへあやの天きや／くむこもり おれわちへ／すへのひやし／めつらひやし みおやせ／又とよむあやの天が／又なさきよもいか み御まへ
あおりやへが節[edit]
18-1273(25)
一よたい人が おもろ／筑紫ちやら おぼへて／げらへて 十百度 ちよわちへ／又おぎやか子ぎや おもろ／又聞ゑ玉城
一よたいきよか おもろ／つくしちやら おほへて／けらへて ともゝと ちよわちへ／又おきやかしきや おもろ／又きこゑたまくすく
[edit]
18-1274(26)
一屋嘉部のろ／けはやのろ／せくたち／立ちよわる 鳴響み／又たけこらが／神にしやが せくたち
一やかふのろ／けはやのろ／せくたち／たちよわる とよみ／又たけこらか／かみにしやか せくたち
中ぐすくおもろの節[edit]
18-1275(27)
一糸数に おわる てだ／伊祖のてだ 見ちゑ／道 廻て／又屋嘉部かち 歩む てだ
一いとかすに おわる てた／ゑそのてた みちゑ／みち まわて／又やかふかち あよむ てた
うちいでは大ざとのてだの節[edit]
18-1276(28)
一糸数てだよ／按司添いてだよ／歓へて 輝ちよわれ／又今日の良かる日に／又今日のきやかる日に／又浦崎に 使い／我那覇に 使い
一いとかすてたよ／あんしおそいてたよ／あまへて かかちよわれ／又けおの世かるひに／又けおのきやかるひに／又うらさきに つかい／かなはに つかい
うちいでは大ざとのてだの節[edit]
18-1277(29)
一糸数てだ／按司添いてだよ／世添わる拍子／打ちちへ みおやせ／又今日の良かる日に／今日のきやかる日に／又くらまる 持たちへ／みとろは 持たちへ／又渡さば 渡せ／下さば 下せ
一いとかすてた／あんしおそいてたよ／世そわるひやし／うちちへ みおやせ／又けおの世かるひに／けおのきやかるひに／又くらまる もたちへ／みとろは もたちへ／又わたさは わたせ／くたさは くたせ
うちいではあがるゑとの節[edit]
18-1278(30)
一知念 おわる 若人／やぐめさよ／ふなこし こまらや／又崎に おわる 若人
一ちゑねん おわる わかきよ／やくめさよ／ふなこし こまらや／又さきに おわる わかきよ
おもろねやがりがひやくさが節[edit]
18-1279(31)
一せしきよ金ぐすく／良かる金ぐすく／思揚げのぐすく／てだが 誇りよわちへ／又糸数の根国／玉城真国
一せしきよかなくすく／ゆかるかなくすく／おもやけのくすく／てたか ほこりよわちへ／又いとかすのねくに／たまくすくまくに
おもやけのぐすくの節[edit]
18-1280(32)
一せしきよ金ぐすく／良かる金ぐすく／玉寄せぐすく／てだす 世わ ちよわれ／又糸数の根国／玉城真国
一せしきよかなくすく／世かるかなくすく／玉よせくすく／てたす 世わ ちよわれ／又いとかすのねくに／たまくすくまくに