おもろさうし/第十七

←第十六

おもろさうし 第十七 恩納より上のおもろ御さうし

第十八→

恩納より上のおもろ御さうし　第十七

おぎやかへともいが節

17-1175(1)

一おもろ小太郎つが／百歳御み神酒／差しよわば　やぐめさよ／世神酒の数／又金武の世の主に／百歳御神酒

一おもろこたらつか／ひやくさ御みしやく／さしよわは　やくめさよ／うもいきのかす／又きんのよのぬしに／ひやくさみしやく

17-1176(2)

一恩納やきしまよ／安富祖やきしまよ／百度世す　ちよわれ／又朝凪れが　し居れば／夕凪れが　し居れば

一おんなやきしまよ／あふそやきしまよ／もゝとようす　ちよわれ／又あさとれか　しよれは／ようとれか　しよれは

いちのなよりきよが節

17-1177(3)

一恩納やきしまよ／安富祖やきしまよ／だりす　鳴響み　聞かれゝ／又恩納　居てやちよも／安富祖　居てやちよも／又下の鳴響み軍／下の聞かれ軍

一おんなやきしまよ／あふそやきしまよ／たりす　とよみ　きかれゝ／又おんな　おてやちよも／あふそ　おてやちよも／又しものとよみいくさ／しものきかれいくさ

きみがなし節

17-1178(4)

一恩納やきしまよ／安富祖やきしまよ／見れども飽かんてだ／又今日の良かる日に／今日のきや〳〵る日に

一おんなやきしまよ／あふそやきしまよ／みれともあかんてた／又けよのよかるひに／けおのきや〳〵るひに

うちいではとしま嶋そいが節

17-1179(5)

一名護の小照る曲　ゑけ／又見物小照る曲　ゑけ

一なこのこてるは　ゑけ／又みもんこてるわ　ゑけ

みやきぜんきこへてだの節

17-1180(6)

一名護酒／親酒　来よもの／親門　開けて／吾　入れゝ／又掟にしや／物言にしや　来よもの／又真羽地の／たれしけち　来よもの／又阿和　屋部の／せにたまり　来よもの

一なこさかい／おやさかい　きよもの／おやちやう　あけて／わん　いれゝ／又おきてにしや／ものいにしや　きよもの／又まはねしの／たれしけち　きよもの／又あわ　やふの／せにたまり　きよもの

かねぐすくのろのまぶりよわるおとまり節

17-1181(7)

一喜瀬の子や　我が弟者／今　有る　庭　居たる／今日から　屡々　見らに／又きちり　越いて　名護の浦

一きせのしや　わかおとちや／いみや　ある　みや　おたる／けよから　しは〳〵　みらに／又きちり　こいて　なこのうら

17-1182(8)

一伊差川の庭に／又我部祖河庭に

一ゑさしかのみやに／又かふすかみやに

きみがなし節

17-1183(9)

一意地気川上や／奥人やれば／思ひ照る日　寄らちへ／又大国川上や

一いちへきかわかみや／おく人やれは／おもひてるひ　よらちへ／又ちやくにかわかみや

あおりやへ節

17-1184(10)

一聞ゑ打ち高が／げらへたる真羽地／按司添いが／雲子寄せぐすく／又鳴響む打ち高が

一きこゑうちたかか／けらへたるまはねし／あんしおそいか／くむこよせくすく／又とよむうちたかか

きみがなし節

17-1185(11)

一源河成り思ひや／せぢ玉ぐすく／大和の鬼る　かに　ある／又意地気成り思いや

一きんかなりよもひや／せちたまくすく／やまとのおにる　かに　ある／又いちへきなりよもいや

きみがなし節

17-1186(12)

一源河成り思ひが／今帰仁　上て／疾く満つは　げらへて／疾く満つは／御倉の　鳴響み／又意地気成り思いが

一きんかなりよもひか／みやきせん　のほて／とくみつは　けらへて／とくみつは／御くらの　とよみ／又いちへきなりよもいか

あおりやへ節

17-1187(13)

一聞へ伊計ぐすく／見らんすが　亡び／聞ゑ鬼／見ちやすが　勝り／又鳴響む伊計ぐすく

一きこへいけくすく／みらんすか　ほるひ／きこゑおに／みちやすか　まさり／又とよむいけくすく

ちやうかねよらめき節

17-1188(14)

一辺戸のなよ宣り人／浦の鳴り鳴響み　打てば／依り笠が　誇て／又軟れなよ宣り人

一へとのなよせりきよ／うらのなりとよみ　うては／よりかさか　ほこて／又やわれなよせりきよ

せなはともかちが節

17-1189(15)

一辺戸の御宣り人よ／やよら〳〵　歓へ／又軟れ御宣り人が

一へとのみせりきよよ／やよら〳〵　あまへ／又やわれみせりきよか

やよら〳〵が節

17-1190(16)

一辺戸の親のろが／よさにや〳〵　誇ら／又辺戸ののろがよ／又辺戸の大浜に／又辺戸の中浜に

一へとのおやのろか／よさにや〳〵　ほこら／又へとののろかよ／又へとの大はまに／又へとのなかはまに

おもろねやがりがおきなわとよみまもんうちが節

17-1191(17)

一辺戸の安須杜に　押せや／辺戸の切り口に　押せや／押せや　やちよく／又今日の良かる日に／今日のきや〳〵る日に

一へとのあすもりに　おせや／へとのきりくちに　おせや／おせや　やちよく／又けよのよかるひに／けよのきや〳〵るひに

へどのしやればが節

17-1192(18)

一辺戸のたところ／思ひたところ／実に　見ちやる／だに　見ちやる／又恩納やきちまよ／安富祖やきちまよ

一へとのたところ／おもひたところ／けに　みちやる／たに　みちやる／又おんなやきちまよ／あふそやきちまよ

へどのたところが節

17-1193(19)

一辺戸の子やれば／たところやれば／海苔や　良かる物／又我が浦の習い／我が国の習い／又粟神酒　造て／黍神酒　造て

一へとのしやれは／たところやれは／のりや　よかるもの／又わかうらのならい／わかくにのならい／又あわみき　つくて／きみみき　つくて

あおりやへ節

17-1194(20)

一聞ゑ今帰仁に／此れる　国なか按司／百按司　添て　ちよわれ／又鳴響む今帰仁に

一きこゑみやきせんに／これる　くになかあち／もゝあち　おそて　ちよわれ／又とよむみやきせんに

なごさかいが節

17-1195(21)

一今帰仁の聞へてだ／天より下の　王にせてだ／又鳴響む国聞ゑてだ

一みやきせんのきこへてた／天より下の　わうにせてた／又とよむくにきこゑてた

あおりやへ節

17-1196(22)

一聞ゑ今帰仁に／按司　選です　待ち居たれ／掛け栄い　世の栄い　しよわちへ／又鳴響む今帰仁に

一きこゑみやきせんに／あち　ゑらてす　まちよたれ／かけふさい　よのふさい　しよわちへ／又とよむみやきせんに

あおりやへ節

17-1197(23)

一真金子が　おもろ／十日でゑは　遠さ／三日　挟〔め〕／世持ち拍子　みおやせ／又聞ゑ今帰仁に／十日でゑは　遠さ

一まかねこか　おもろ／とかてゑは　とうさ／みきや　はさ〔め〕／よもちひやし　みおやせ／又きこゑみやきせんに／とかてゑは　とうさ

あおりやへが節

17-1198(24)

一聞ゑ今帰仁に／大神酒の満ち上がるぐすく／又鳴響む今帰仁に

一きこゑみやきせんに／大みきのみちあかるくすく／又とよむみやきせんに

あおりやへが節

17-1199(25)

一聞へ今帰仁に／やせの端崎に／居れば　孵でゝ／世神酒の数／又鳴響む今帰仁に

一きこへみやきせんに／やせのはなさきに／よれは　すてゝ／よむいきのかす／又とよむみやきせんに

かつれんのとよみてだが節

17-1200(26)

一ちと殿が捧げ／揃て　親拍子　歓へ／又具志堅の貢

一ちととのかさゝけ／そるて　おやひやし　あまへ／又くしけんのかない

うちいではしよりちよわちへからが節

17-1201(27)

一なかひやにや　おわる／あれにしやよ／今ど　降れて　なよる／又せとひやにや　おわる／あれ

一なかひやにや　おわる／あれにしやよ／いみやと　おれて　なよる／又せとひやにや　おわる／あれ

よゝせきみの節

17-1202(28)

一内間掟／鬼さんこ／ゑ　け　誇ら／又辺り山／垣内山／又桑木　植ゑて／なです　植ゑて／又鼓　造て／鳴り呼ぶ　造て

一うちまおきて／おにさんこ／ゑ　け　ほこら／又あたりやま／かくちやま／又くわけ　うゑて／なてす　うゑて／又つゝみ　つくて／なりよふ　つくて

よきげらへが節

17-1203(29)

一しませんこ／あけしのゝのろの／百度拍子／打ち揚がる成さい人／又なかひやにやの／せとひやにやの親のろ

一しませんこ／あけしのゝのろの／もゝとひやし／うちあかるなさいきよ／又なかひやにやの／せとひやにやのおやのろ

ちやうやうへましが節

17-1204(30)

一勢理客ののろの／あけしのゝのろの／おり上げたる　清らや／又石へつは　こので／金へつは　こので

一せりかくののろの／あけしのゝのろの／おりあけたる　きよらや／又いしへつは　このて／かなへつは　このて

きみがなし節

17-1205(31)

一聞ゑ打ち高が／おわたて　ちよわちへ／鼓声／聞ゝ欲しや　しよわちへ／又鳴響む打ち高が／嘉津宇嶽　ちよわちへ

一きこゑうちたかか／おわたて　ちよわちへ／つゝみこへ／きゝほしや　しよわちへ／又とよむうちたかか／かつおたけ　ちよわちへ

17-1206(32)

一聞ゑ押笠が／やちよく達に　知らせ／笑ひ人／さしふ　押し憑かて／又鳴響む押笠が

一きこゑおしかさか／やちよくたに　しらせ／わらひきよ／さしふ　おしかせて／又とよむおしかさか

きみがなし節

17-1207(33)

一伊是名しうこ思い／大国しうこ思い／若松が　とくらし／ひやにや中ぐすく／中ぐすく　上て／又頂　中ぐすく／中ぐすく　上て

一いちへなしうこもい／ちやくにしうこもい／わかまつか　とくらし／ひやにや中くすく／中くすく　のほて／又つちや　中くすく／中くすく　上て

うちいではねいしまいしが節

17-1208(34)

一聞ゑ今帰仁に／差羽よらふさよ／又鳴響む今帰仁に

一きこゑみやきせんに／さはねよらふさよ／又とよむみやきせんに

きたたんのよのぬしが節

17-1209(35)

一照る日が　拍子／手　打ちちゑ／踊りぎや　清らや／又思ひぎや　拍子

一てるひか　ひやし／て　うちちゑ／よりきや　きよらや／又おもひきや　ひやし

きたたんのよのぬしが節

17-1210(36)

一照る日ぎや　拍子／此れど　親思ひ拍子／又思ひぎや　拍子

一てるひきや　ひやし／これと　おやおもひひやし／又おもひきや　ひやし

きたたんのよのぬしが節

17-1211(37)

一照る思ひ加那志／吾が女やてや／打ちちへ　輝居らまし／又思い〳〵加那志

一てるよもひかなし／あかおなこやてや／うちちへ　かかおらまし／又おもい〳〵かなし

うちいでやらいふさきが節

17-1212(38)

一一のなより人が／差羽よらふさよ／仲地げらへの　鳴響み／又聞ゑ今帰仁に／差羽よらふさよ／又鳴響む今帰仁

一いちのなよりきよか／さはねよらふさよ／なかちけらへの　とよみ／又きこゑみやきせんに／さはねよらふさよ／又とよむみやきせん

17-1213(39)

一照る日思い加那志／御み顔の　珍らしやてだ／又思ひ〳〵加那志

一てるひよもいかなし／おみかうの　めつらしやてた／又おもひ〳〵かなし

あおりやへ節

17-1214(40)

一伊是名親のろよ／押笠に　知られゝ／やへり庭／雲子　積で　みおやせ／又伊平屋の親のろよ／又離れ親のろよ

一いちへなおやのろよ／おしかさに　しられゝ／やへりみや／くもこ　つて　みおやせ／又ゑひやのおやのろよ／又はなれおやのろよ

あおりやへ節

17-1215(41)

一かにきや親のろよ／聞ゑまねこせ／百度　手摩られゝ／又聞ゑまねこせ／吾が崇べ親のろ／又阿嘉の子よ　済まちやる／饒波の子よ　済まちやる

一かにきやおやのろよ／きこゑまねこせ／もゝと　てつられゝ／又きこゑまねこせ／あかたかへおやのろ／又あかのこよ　すまちやる／ねはのこよ　すまちやる

あおりやへ節

17-1216(42)

一阿嘉の子が／伊是名　居て　見れば／今帰仁は／御酒ど　盛り居る／又饒波の子が／伊平屋に　居て　見れば／今帰仁は

一あかのこか／いちへな　おて　みれは／みやきせんは／御さけと　もりよる／又ねはのこか／ゑひやに　おて　みれは／みやきせんは

きなわ大みやにてだきよらつかいが節

17-1217(43)

一ちやうや　上間子／果報時　取り遣り／百歳ぎやめ／お誇りしよわちへ／又伊平屋の二離れ／果報時　取り遣り／又伊平屋の報廻り

一ちやうや　おへまし／かほうとき　とりやり／ひやくさきやめ／おほこりしよわちへ／又ゑひやの二はなれ／かほう時　とりやり／又ゑひやのふうまわり

あおりやへ節

17-1218(44)

一伊江の東方に／世のつほに／御神酒　御真貢／又離れ東方に／又離れ　おわる　吾は／又とわけ　おわる　吾は

一いゑのあかるいに／よのつほに／みしやく　おまかない／又はなれあ〔か〕るいに／又はなれ　おわる　あんは／又とわけ　おわる　あんは

島中おもろのさうし（しま中おもろのさうし）

ねうしの時が節

17-1219(45)

一宮城金子／良かる金子／金子に　こいや／又稲福に　上て／てだが前　上て／又鉄冑　こいや／鉄鎧や／又吾が弟者　三人／吾が弟者　四人

一みやくすくこかねし／よかるこかねし／こかねしに　こいや／又いなふくに　のほて／てたかまへ　のほて／又かなかふと　こいや／かなよろいや／又あかおとちや　三人／あかおとちや　四人

みやぐすくこがねしが節

17-1220(46)

一さんこ鳴響た子／良かる鳴響た子／てだ清ら守るてだ／又大たうの前に　おとち／こひつこや　てだ清ら／又稲福の端／寄り立ちの端

一さんことよたし／よかるとよたし／てたきよらまふるてた／又大たうのまへに　おとち／こひつこや　てたきよら／又いなふくのはんた／よりたちのはんた

あさとおきておやみかまが節

17-1221(47)

一稲福の世勝り／げらゑて　ちよわちへ／見揚がり　誇りよわちへ／又国の根の世勝り

一ゑなふくのよ〔ま〕さり／けらゑて　ちよわちへ／みやかり　ほこりよわちへ／又くにのねのよ〔ま〕さり

うらそい節

17-1222(48)

一高川の水の／寄越す物やてや／のき上げ水／掻い撫で水　為まし／又親川の水は

一たかかわのみつの／〔よ〕こすものやてや／のきあけみつ／かいなてみつ　せまし／又おやかわのみつは

きこへきみがなしおかててよろいわとくが節

17-1223(49)

一大城　おわる／世掛けにせ按司の／御駄連れが　見物／又国根　おわる／又糸数　使い／根国の　使い

一大くすく　おわる／よかけにせあちの／みちやつれか　みもの／又くにね　おわる／又いとかす　つかい／ねくにの　つかい

あおりやへ節

17-1224(50)

一大城親軍／大国鳴響み軍／見ちへど　見あぐむ／又国の根の親軍

一大くすくおやいくさ／ちやくにとよみいくさ／みちへと　みやあくむ／又くにのねのおやいくさ

あおりやへ節

17-1225(51)

一聞ゑ大城／見揚がる門　建てゝ／しけち　持ち寄せれ／又鳴響む大城

一きこゑ大くすく／みあかるちやう　たてゝ／しけち　もちよせれ／又とよむ大くすく

わなのおもやこが節

17-1226(52)

一思子なつらしや／あさと　撓て　かなて／按司に　思われゝ／又わなの新貢

一おもこなつらしや／あさと　しなて　かなて／あちに　おもわれゝ／又わなのあらかない

いつかなつたゝしゆが節

17-1227(53)

一百名　浦南風　吹けば／煽りやへ　按司添い　守ら／又我が浦は　浦南風　吹けば／又おれづむ　煙やが　立てば

一ひやくな　うらはへ　ふけは／あおりやへ　あんしおそい　まふら／又わかうらは　うらはへ　ふけは／又おれつむ　けもりやか　たては

17-1228(54)

一百名　浦白　吹けば／うら〳〵と　若君　使い／又我が浦は　浦白　吹けば／又手数は　蒲葵の花　咲き居ら／又掻い遣るは　波花　咲き居ら

一ひやくな　うらしろ　ふけは／うら〳〵と　わかきみ　つかい／又わかうらは　うらしろ　ふけは／又てかすは　こはのはな　さきよら／又かいやるは　なみはな　〔さ〕きよら

中ぐすくおもろの節

17-1229(55)

一わなの思や子が／見遣り欲しや／百名の寄せ杜加那志／又わなのまちやり子が／又嘉津宇嶽　上て

一わなのおもやこか／みやりほしや／ひやくなのよせもりかなし／又わなのまちやりこか／又かつおたけ　のほて

ひやくなからのぼてが節

17-1230(56)

一百名から　上て／根国から　上て／島　揃て／十百末　みおやせ／又首里杜　ちよわる／おぎやか思い加那志

一ひやくなから　のほて／ねくにから　のほて／しま　そるて／ともゝすへ　みおやせ／又しよりもり　ちよわる／おきやかもいかなし

ひやくなからのぼてが節

17-1231(57)

一百名から　かねて／連れる　連れ／果報首里親国／又崎枝から　かねて

一ひやくなから　かねて／つれる　つれ／かほうおしよりおやくに／又さきよたから　かねて

たくしたらなづけが節

17-1232(58)

一玉城　おわる／島の主てだよ／百島の報廻り　しよわちへ／又国根　おわる／又今日の良かる日に

一たまくすく　おわる／しまのぬしてたよ／もゝしまのふうまわり　しよわちへ／又くにね　おわる／又けおのよかるひに

こいしのがさしふとのばらが節

17-1233(59)

一玉城杜ぐすく／今こより／百度す　ちよわれ／又貴み人　浮雲に

一たまくすくもりくすく／〔い〕みやこより／もゝとす　ちよわれ／又たゝみきよ　おきくむに

しまのうらが節

17-1234(60)

一天頂は　雨たもす　漏らね／天頂は　あいつまは　いきやかせ／又天頂は　くれたもす　漏らね

一あまつゝは　あめたもす　もらね／あまつゝは　あいつまは　いきやかせ／又あまつゝは　くれたもす　もらね

たくしたらなづけの節

17-1235(61)

一玉城　おわる／意地気清らてだよ／此の世　掛け詰めて　ちよわれ／又国根に　おわる／意地気清らてだよ

一たまくすく　おわる／いちへききよらてたよ／この〔よ〕　かけつめて　ちよわれ／又くにねに　おわる／いちへききよらてたよ

こいしのがさしふとのばらが節

17-1236(62)

一雲子玉ぐすく／真玉杜ぐすく／大君に　知られゝ／又御宣り人が　さしふ／神にしや　もつき

一くむこたまくすく／またまもりくすく／大きみに　しられゝ／又みちへりきよか　さしふ／かみにしや　もつき

あおりやへ節

17-1237(63)

一おぎやか子が　おもろ／筑紫ちやら　おぼいて／玉珈玻㼈／報国寄せぐすく／又おぎやか子が　宣るむ

一おきやかしか　おもろ／つくしちやら　おほいて／たまかはら／ふうくによせくすく／又おきやかしか　せるむ

こいしの節

17-1238(64)

一雲子杜／真玉杜ぐすく／金加那志／君誇り　げらへて／〔又百名内に／選で〕おちやる　真人／〔又崎枝内に　そゝておちやる　真人〕

一くもこもり／またまもりくすく／かねかなし／きみほこり　けらへて／〔又ひやくなうちに／ゑらて〕おちやる　ま人／〔又さきよたうちに／そゝておちやる　ま人〕

あおりやへ節

17-1239(65)

一雲子杜ぐすく／おわもりは　手摩て／世勝る拍子／打ちちへ　みおやせ／又真玉杜くすく

一くもこもりくすく／おわもりは　てつて／よまさるひやし／うちちへ　みおやせ／又またまもりくすく

あおりやへ節

17-1240(66)

一聞ゑおわもりぎや／雲子杜　降れわちへ／銀　金／もちよる　清らや／又鳴響むおわもりぎや

一きこゑおわもりきや／くもこもり　おれわちへ／なむちや　こかね／もちよる　きよらや／又とよむおわもりきや

あおりやへ節

17-1241(67)

一聞ゑ綾天ぎや／精の拍子／珍ら拍子　みおやせ／又鳴響む綾天ぎや

一きこゑあやてにきや／すへのひやし／めつらひやし　みおやせ／又とよむあやてにきや

あおりやへ節

17-1242(68)

一聞ゑ綾の天ぎや／精雲子杜　降れわちへ／精の拍子／珍ら拍子　みおやせ／又鳴響む綾天ぎや

一きこゑあやのてにきや／すへくもこもり　おれわちへ／すへのひやし／めつらひやし　みおやせ／又とよむあやてにきや

あおりやへ節

17-1243(69)

一よたい人が　おもろ／筑紫ちやら　おぼへて／げらへて　十百度　ちよわれ／又おぎやか子が　おもろ

一よたいきよか　おもろ／つくしちやら　おほへて／けらへて　ともゝと　ちよわれ／又おきやかしか　おもろ

17-1244(70)

一屋嘉部のろ／けはやのろ／精渡久地／立ちよ〔わ〕る　鳴響み

一やかふのろ／けはやのろ／すへとこち／たちよ〔わ〕る　とよみ

中ぐすくおもろの節

17-1245(71)

一糸数に　おわる　てだ／伊祖のてだ　見ちゑ／道　廻て／又屋嘉部かち　歩も　てだ

一いとかすに　おわる　てた／ゑそのてた　みちゑ／みち　まわて／又やかふかち　あよも　てた

うちいぢへは大ざとのてだの節

17-1246(72)

一糸数てだ／按司添い／歓へて　輝ちよわれ／又今日の良かる日に／今日のきや〳〵る日に／又浦崎に　使い／我那覇に　使い

一いとかすてた／あちおそい／あまへて　かかちよわれ／又けよのよかるひに／けおのきや〳〵るひに／又うらさきに　つかい／かなはに　つかい

大ざとのてだの節

17-1247(73)

一糸数てだ／按司添いてだ／世添わる拍子／打ちちゑ　みおやせ／又今日の良かる日に／今日のきや〳〵る日に／又くらま　持たちゑ／みとろは　持たちゑ／又渡さば　渡せ／下さば　下せ

一いとかすてた／あちおいてた／よそわるひやし／うちちゑ　みおやせ／又けおのよかるひに／けおのきや〳〵るひに／又くらま　もたちゑ／みとろは　もたちゑ／又わたさは　わたせ／くたさは　くたせ

うちいぢへはあがるへとの節

17-1248(74)

一知念　おわる　若人／やぐめさ／ふなこし　こましや／又崎に　おわる　若人／若い人　やぐめさ／ふなこし　こましや／又崎に　うわる　若い人

一ちねん　おわる　わかきよ／やくめさ／ふなこし　こましや／又さきに　おわる　わかきよ／わかいきよ　やくめさ／ふなこし　こましや／又さきに　うわる　わかいきよ

雪月朔日巳之刻に

番外

一阿嘉犬子が　上下　鳴響む／親思いみ御殿　げらへ／又饒波犬子が　上下／てだ　珍らしや／山城てだ

一あかいんこか　かみしも　とよむ／おやもいみおとの　けらへ／又ねはいんこか　かみしも／てた　めつらしや／やまくすくてた