おもろさうし/第十六
首里天ぎやすへあんじおそいがなし 勝連具志川おもろの御さうし 天啓三年癸亥三月七日 第十六
おとゝきみまさりが節[edit]
16-1127(1)
一煽りやへが庭の 鳴響み／按司誇る親庭の 鳴響み／又精高子が庭の 鳴響み／又勝連の庭の 鳴響み
一あおりやへかみやの とよみ／あんしほこるおやみやの とよみ／又せたかこかみやの とよみ／又かつれんのみやの とよみ
のちあがりが節[edit]
16-1128(2)
一おもろ殿原よ／精の口正しや／勝連 選び遣り ちよわれ／又宣るも殿原よ／又聞ゑ阿麻和利や／国の弟者 成しよわちへ
一おもろとのはらよ／すゑのくちまさしや／かつれん ゑらひやり ちよわれ／又せるもとのはらよ／又きこゑあまわりや／くにのおとちや なしよわちへ
さはちきよが節[edit]
16-1129(3)
一勝連の阿麻和利／十百歳 ちよわれ／又肝高の阿麻和利／又勝連と 似せて／又肝高と 似せて
一かつれんのあまわり／とひやくさ ちよわれ／又きもたかのあまわり／又かつれんと にせて／又きもたかと にせて
さはちきよが節[edit]
16-1130(4)
一聞ゑおわもりぎや／降れて 遊びよわれば／上下の そかなする 見物／又鳴響むおわもりぎや／又今日の良かる日に
一きこゑおわもりきや／おれて あすひよわれは／かみしもの そかなする み物／又とよむおわもりきや／又けおのよかるひに
さはちきよが節[edit]
16-1131(5)
一精高おわもりぎや／降れて 群れ舞へば／島 通て 来る様に／又君のおわもりぎや／又真物寄せ ちよわちへ／伊計離れ ちよわちへ／又さすが添い ちよわちへ／浜 平安山 見遣れば
一せたかおわもりきや／おれて ふれまへは／しま かよて くるやに／又きみのおわもりきや／又ま物よせ ちよわちへ／いけはなれ ちよわちへ／又さすかおそい ちよわちへ／はま ひやもさ みやれは
さはちきよが節[edit]
16-1132(6)
一揚がる望月ぎや／君の望月ぎや／清ら家の玉の御内 見ちやる／又高江洲のこらが／迎いたる 誇らしや／又吾が成さい人こらが
一あかるもちつききや／きみのもちつききや／きよらやのたまのみうち みちやる／又たかへすのこらか／むかいたる ほこらしや／又あかなさいきよこらか
こゑしのが節[edit]
16-1133(7)
一勝連わ てだ 向て／門 開けて／真玉 金 寄り合う／玉の御内／又肝高の 月 向て／又勝連わ／けさむ 今も／按司 選ぶ
一かつれんわ てた むかて／ちやう あけて／またま こかね よりやう／たまのみうち／又きむたかの 月 むかて／又かつれんわ／けさむ みやも／あんし ゑらふ
あおりやへが節[edit]
16-1134(8)
一勝連の阿麻和利／玉御柄杓 有り居な／京 鎌倉／此れど 言ちへ 鳴響ま／又肝高の阿麻和利／又島治りの御孵での按司／又国治りの御孵按司／又首里 おわる てだこす／玉御柄杓 有りよわれ
一かつれんのあまわり／たまみしやく ありよな／きや かまくら／これと いちへ とよま／又きむたかのあまわり／又しまちりのみそてのあんし／又くにしりのみそあんし／又しより おわる てたこす／たまみしやく ありよわれ
さはちきよが節[edit]
16-1135(9)
一勝連の貴み人／真物寄せ 見遣らに／又肝高の貴み人／又綾手持ち 佩きよわちへ
一かつれんのたゝみきよ／ま物よせ みやらに／又きむたかのたゝみきよ／又あやてもち はきよわちへ
うちいぢへはふるけものろ節[edit]
16-1136(10)
一つるこ達しよ 寄り居れ／見る眼の 愛しやす／真人は 寄り居れ／又勝連のてだ
一つるこたしよ よりよれ／みるめの かなしやす／ま人は よりよれ／又かつれんのてた
うちいぢへはふるけものろ節[edit]
16-1137(11)
一望月ぎや／神にしやが 降れ立ち／島の浦に 鳴響ませ／又勝連の貴み人／知られゝ／又肝高の貴み人／又浜川の波打ち口／降れわちへ
一もちつききや／かみにしやか おれたち／しまのうらに とよませ／又かつれんのたゝみきよ／しられゝ／又きむたかのたゝみきよ／又はまかわのなみうちくち／おれわちへ
うちいぢへはふるけものろ節[edit]
16-1138(12)
一つるこにくけしや／良かるにくけしや／ゑけ 人 添て 見よわれ／又馬加那志 召しよわれ／又赤ら傘 差しよわ〔ちへ〕
一つるこにくけしや／よかるにくけしや／ゑけ 人 おそて みよわれ／又うまかなし めしよわれ／又あからかさ さしよわ〔ちへ〕
やまぐすくげらへきよらもりが節[edit]
16-1139(13)
一望月や／けさからの 主君／遊べ〳〵 やちよく達／又望月や／又望月や／浜川に 降れわちへ／又望月ぎや／波打ち口 降れわちへ／又望月／夜々は あからしに あわしする／又よない し遣り／赤口に 見いるな
一もちつきや／けさからの ぬしきみ／あすへ〳〵 やちよくた／又もちつきや／又もちつきや／はまかわに おれわちへ／又もちつききや／なみうちくち おれわちへ／又もちつき／よゝは あからしに あわしする／又よない しやり／あかくちやに みいるな
やまぐすくげらへきよらもりが節[edit]
16-1140(14)
一勝連の鳴響みてだ／百浦鳴響みてだ／又肝高の鳴響みてだ／又勝連の板口／又肝高の金口／又上からは 照る真浜／又下からは 浜川に
一かつれんのとよみてた／もゝうらとよみてた／又きむたかのとよみてた／又かつれんのいちやくち／又きむたかのかなやくち／又かみからは てるまはま／又下からは はまかはに
おらおそい節[edit]
16-1141(15)
一勝連の阿麻和利／聞ゑ阿麻和利や／大国の 鳴響み／又肝高の阿麻和利
一かつれんのあまわり／きこゑあまわりや／ちやくにの とよみ／又きむたかのあまわり
あおりやへが節[edit]
16-1142(16)
一精高おわもりや／君のあまわりや／せぢ高按司添い／親と 撓よわれ／又勝連は げらへて／げらへ愛しけや／又肝高は げらへて
一せたかおわもりや／きみのあまわりや／せちたかあんしおそい／おやと しなよわれ／又かつれんは けらへて／けらへかなしけや／又きむたかは けらへて
ぐしかわのぢやうぐちが節[edit]
16-1143(17)
一妹君君勝り／按司の頂／弟者より 勝り／又姉の君々 撓い
一おとゝきみきみまさり／あんしのつんし／おとちやより まさり／又あねのきみ〳〵 しない
あかのこがよくもまたもが節[edit]
16-1144(18)
一勝連わ 何にぎや 譬ゑる／大和の 鎌倉に 譬ゑる／又肝高わ 何にぎや
一かつれんわ なににきや たとゑる／やまとの かまくらに たとゑる／又きむたかわ なおにきや
ふねたてばが節[edit]
16-1145(19)
一勝連しよさく思い加那志／おなり ゑけり ちよわい／愛しけさ／又肝高のしよさ
一かつれんしよさくもいかなし／おなり ゑけり ちよわい／かなしけさ／又きむたかのしよさ
あがるいいとの節[edit]
16-1146(20)
一東方の大主ぎや／前から 金 持ちちへ／肝 揃て 祝い事 みおやせ／又てだが穴の大主
一あかるいの大ぬしきや／まへから こかね もちちへ／あよ そ〔ろ〕て よわい事 みおやせ／又てたかあなの大ぬし
やまぐすくげらいきよらの節[edit]
16-1147(21)
一勝連は 如何る勝連が／島の浦に 鳴響ませ／又肝高は 如何る肝高が
一かつれんは いきやるかつれんか／しまのうらに とよませ／又きむたかは いきやるきむたかか
うらおそい節[edit]
16-1148(22)
一平安座金杜に／意地気神 知らたる／しつらいす／事直し神やれ／又根立て金杜に
一ひやむさかなもりに／いちへきかみ しらたる／しつらいす／ことなおしかみやれ／又ねたてかなもりに
うらおそい節[edit]
16-1149(23)
一丈清らの親のろ／東方に 通て／世のつほに／おぎやか思いに みおやせ／又けさ殿親のろ
一たけきよらのおやのろ／あかるいに かよて／世のつほに／おきやかもいに みおやせ／又けさとのおやのろ
うらおそい節[edit]
16-1150(24)
一伊計ぐすく親のろ／綾子橋 掛けわちへ／島 かねて／おぎやか思いに みおやせ／又まちらすの親のろ
一いけくすくおやのろ／あやこはし かけわちへ／しま かねて／おきやかもいに みおやせ／又まちらすのおやのろ
うらおそい節[edit]
16-1151(25)
一聞ゑ宮城／選び出ぢへの真金／島踊りや 勝り／又鳴響む宮城
一きこゑみやくすく／ゑらひいちへのまかね／しまよりや まさり／又とよむみやくすく
うらおそい節[edit]
16-1152(26)
一宮城杜に／実に 見物 降れたる／神選びぎや／京の踊り しよわてゝ／又今日の良かる日に
一みやくすくもりに／けに み物 おれたる／かみゑらひきや／けおのより しよわてゝ／又けおのよかるひに
うらおそい節[edit]
16-1153(27)
一聞ゑ宮城／しつらいののろの／京の踊り しよわれば／厳子達 し遣り 誇て／又鳴響む宮城
一きこゑみやくすく／しつらいののろの／けおのより しよわれは／いつこた しやり ほこて／又とよむみやくすく
うらおそい節[edit]
16-1154(28)
一平安座濯ぎ川／手持ち 濯ぎ出ぢへて／国手持ち／おぎやか思いに みおやせ
一ひやむさよさきかわ／てもち よすきいちへて／くにてもち／おきやかもいに みおやせ
おとゝきみまさりが節[edit]
16-1155(29)
一具志川の門口／あらはゑす／鳴響み 聞ゝやれ居れ／又親国の門口／又吾が弟者 住まら／又良樽ど 住まら
一くしかわのちやうくち／あらはゑす／とよみ きゝやれよれ／又おやくにのちやうくち／又あかおとちや すまら／又よしたると すまら
おとゝきみまさりが節[edit]
16-1156(30)
一精有る国清らが／具志川に 歩み／宣 しよわちへ／又げらへ国清らが
一せいあるくにきよらか／くしかわに あよみ／ぬら しよわちへ／又けらへくにきよらか
おとゝきみまさりが節[edit]
16-1157(31)
一太郎思いや とくらしや／歓へ居ら 誇り居ら／又吾が鼓 大黒鷲／又誰が 取り居ら 誰が 打ち居ら／百度踏み揚がりが あす
一たらもいや とくらしや／あまへよら ほこりよら／又あかつゝみ ちやくるわし／又たか とりよら たか うちよら／もゝとふみあかりか あす
ふさよらやが節[edit]
16-1158(32)
一聞ゑあらはゑや／鳴響むあらはゑや／余る命／しちやちやに みおやせ／又月じよ 余りよわれ／月じよ 残りよわれ
一きこゑあらはゑや／とよむあらはゑや／あまるのち／しちやちやに みおやせ／又月しよ あまりよわれ／月しよ のこりよわれ
いべのいのりが節[edit]
16-1159(33)
一聞ゑ具志川に／しけちなは 真清水／島世の果報清水泉／又鳴響む具志川に
一きこゑくしかわに／しけちなは まさうす／しまよのかほうさうすいちへみ／又とよむくしかわに
うらおそい節[edit]
16-1160(34)
一江洲の杜ぐすく／八つ股が寄り立ち／上下 見物する 寄り立ち／又江洲頂ぐすく／又あてき潟原に
一ゑすのもりくすく／やつまたかよりたち／かみ下 み物する よりたち／又ゑすつちくすく／又あてきかたはるに
うらおそい節[edit]
16 -1161(35)
一江洲の杜ぐすく／江洲の頂ぐすく／江洲は 果報国／又江洲のろの親のろ／今日の良かる日に／しけち杜に 参て
一ゑすのもりくすく／ゑすのつちくすく／ゑすは かほうくに／又ゑすのろのおやのろ／けおのよかるひに／しけちもりに まへて
うらおそい節[edit]
16-1162(36)
一江洲のろの／宣りきよ金のろの／足 ねぶさ やぐめさ／首里杜 金 積で みおやせ／又今日の良かる日に／宣りきよ金のろの
一ゑすのろの／せりきよかねのろの／あし ねふさ やくめさ／しよりもり こかね つて みおやせ／又けおのよかるひに／せりきよかねのろの
月てだのてゞかゞちよわれが節[edit]
16-1163(37)
一江洲のたう島／江洲の親国／肝高杜／弟 見ちやる／又此れる 勝連／又此れる 肝高
一ゑすのたうしま／ゑすのおやくに／きもたかもり／おとゝ みちやる／又これる かつれん／又これる きむたか
うらおそい節[edit]
16-1164(38)
一天願のろの／国手持ちみ御家に／勝連す 国手持ちぐすく／又笑い人のろの／又按司添いぎや おより／勝連に 降れて
一てくらんのろの／くにてもちみおちへに／かつれんす くにてもちくすく／又わらいきよのろの／又あんしおそいきや おより／かつれんに おれて
やまきたらすざべが節[edit]
16-1165(39)
一天願のたう子／太郎ちちやめかしや／見つめてだ／あくぢよ 歓い／又天願の庭に／東方の庭に／又若てだよ 使い／世の主よ 使い
一てくらんのたうし／たらちちやめかしや／みつめてた／あくちよ あまい／又てくらんのみやに／あかるいのみやに／又わかてたよ つかい／世のぬしよ つかい
こへしのが節[edit]
16-1166(40)
一具志川の若親国／清らや／此のいけら鷲や／又まちらすの神にしや／金御殿／銀御殿 清ら
一くしかわのわかおやくに／きよらや／このいけらわしや／又まちらすのかみにしや／こかねおとん／なむちやおとん きよら
こへしのが節[edit]
16-1167(41)
一平良勝り人が／あかはんた 上て／太田原 見遣れば／白種の／寄り靡く 清らや／又鳴響む勝り人が
一たいらまさりきよか／あかはんた のほて／おほたはる みやれは／しらちやねの／よりなひく きよらや／又とよむまさりきよか
こゑしのが節[edit]
16-1168(42)
一安慶名の杜に／島鎮め鳴る子／島鎮め按司添い みおやせ／又安慶名の杜に／国鎮め鳴る子
一あけなはのもりに／しまたるめなるし／しまたるめあんしおそい みおやせ／又あけなわのもりに／くにたるめなるし
こゑしのが節[edit]
16-1169(43)
一宇堅のしら殿／しら殿の娘／あおうはひ やうかふはひ／又同じく 珈玻羅玉 おうはめ／又同じく 真玉玉 〔お〕うはめ
一おきんのしらとん／しらとんのむすめ／あおうはひ やうかふはひ／又おなしく かはらたむ おうはめ／又おなしく またまたむ 〔お〕うはめ
こゑしのが節[edit]
16-1170(44)
一具志川に おわる／天徳ちやらの添いや／ちやら頂／又親国 おわる
一くしかわに おわる／あめとくちやらのおそいや／ちやらつ(ゝ)／又おやくに おわる
こゑしのが節[edit]
16-1171(45)
一精有る国清らが／成さがげらへ神 掛けて／成さい人 鳴響ませ／又げらへ国清らが／又吾が成さが おより／又群り合い子が おより
一せいやるくにきよらか／なさかけらへかみ かけて／なさいきよ とよませ／又けらへくにきよらか／又あかなさか おより／又もりやいこか おより
こゑしのが節[edit]
16-1172(46)
一上江洲鳴響み国／御酒や 泉ど し居る／又上江洲聞ゝやれ国／真神酒や 泉ど し居る
一おゑすとよみくに／御さけや いちへみと しよる／又おゑすきゝやれくに／まみきや いちへみと しよる
こゑしのが節[edit]
16-1173(47)
一具志川の親御船 浮けら／棚 鳴響で 浮けた事／大国鳴響み御船／又親国の御船
一くしかわのおやおうね うけら／たな とよて うけた事／ちやくにとよみおうね／又おやくにのおうね
うらおそい節[edit]
16-1174(48)
一天願ののろの／たしちたしちしやめかしや 見ちへ／良かるおらに／又東方の庭に／たらしちやめかしや
一てくらんののろの／たしちたしちしやめかしや みちへ／よかるおらに／又あかるいのみやに／たらしちやめかしや