သိမ်မျိုးစုံမဟာဋီကာ/ရေနိမိတ်၌ နာနာဝါဒ ဝိစာရဏဋီကာ
| ←၁၃၄။ သင်္ကရဒေါသ နာနာဝါဒ ဝိစာရဏဋီကာ | သိမ်မျိုးစုံမဟာဋီကာကျမ်း by ၁၃၅။ ရေနိမိတ်၌ နာနာဝါဒ ဝိစာရဏဋီကာ |
၁၃၆။ သစ်ပင်နိမိတ်၌ နာနာဝါဒ ဝိစာရဏဋီကာ→ |
မစီးပဲတောင့်၍ တည်ရာအရပ်တိုင်အောင် နဒီသိမ်ပျက်သည်။ တောင့်၍တည်သော အရပ်တိုင်အောင် ဇာတဿရသိမ် ပျက်သည်။ စီးသွားသောအရပ်သာ နဒီသိမ်မြောက်သည်။ တောင့်၍ တည်ရာမဟုတ်သော အရပ်သာ ဇာတသာရသိမ်မြောက်သည်။ ဤ၌ နဒီသိမ် ဇာတဿရသိမ် ဆိုခဲ့ရာ၌ ဥဒကုက္ခေပ၏တည်ရာ လက္ခဏာနှင့် ပြည့်စုံသော မြစ် ထုံးအိုင် တို့ကိုယူ၊ သိမ်အသီး ရှိသည်ဟု မိစ္ဆာဝါဒ မဖြစ်စေလင့်။
ရေနိမိတ် ပြုခြင်းငှာ တွင်းတူးရာ၌ တူးပေါက်ကို ပိတ်သော်လည်း တစ်ဘက်ဆည်ကန်၌ ရေကဲ့သို့ ၎င်းတွင်း၌ ရေကို နိမိတ်ပြုခြင်းငှာ အပ်၏ဟု အချို့ဆရာတို့ ယူတော်မူကြ၏။ တစ်ဘက်ဆည်ကန် ဆည်းသောအခါကဲ့သို့ ရရာမြေဖြင့် တူးပေါက်ပိတ်၍ ရေတည်လျှင် အပြစ်မရှိရာ။ သို့မဟုတ် စေး သောရွှံ့ညွှန်ဖြင့် ပိတ်ဆို့လိမ်းကျံက စင်စစ် အိုးနှင့်အလားတူရကား အပ်မည်မဟုတ်။
ထို့ ကြောင့် ၎င်းအဋ္ဌကထာ၊ (၃၂၂) ၌ -
နိရုဒကေ ဌာနေ နာဝါယ ဝါ စာဋိအာဒီသု ဝါ ဥဒကံ ပူရေတွာ ဥဒကနိမိတ္တံ ကိတ္တေတုံ န ဝဋ္ဋတိ, ဘူမိဂတမေဝ ဝဋ္ဋတိ -ဟု မိန်တော်မူသတည်း။
နိမိတ်ကြားပြီးနောက် ရေထပ်၍မလောင်းကောင်း။ (မိုင်းခိုင်း) ယခုကာလ ရေနိမိတ်လောင်းဖို့ တွင်းတူးရာ မပြုမပြင် ဖြည်းညှင်းသာယာစွာ တူးကြရ၏။ မပြုမပြင်ရဟု အရေးယူကြ၏။
သို့သော်လည်း ဘာဇနဂတံ ဝါ-လာသော ကင်္ခါ အဋ္ဌကထာစကားနှင့် ဌိတံ ပန-စသော မဟာဝါအဋ္ဌကထာ၊ ကင်္ခါဋီကာသစ်တို့စကားကို ထောက်သော် နိမိတ်တွင် ရေကြာရှည်တည်အောင် ပြုပြင်လိမ်းကျံ ပါသော်လည်း အပြစ်မတင်ဟု ငါတို့ကျေးဇူးရှင် မိုင်းခိုင်းဆရာတော် မိန့်ဖူး၏။ သို့သော် ဆိုအပ်ပြီးသောနည်းဖြင့် ငါတို့ ရှေးကရေးသား ခဲ့သည့်အတိုင်း အလွန်အလေးပြုသင့်သော နိမိတ္တသမ္ပတ္တိအရာကြီး ဖြစ်သည်နှင့် ဂရု ဖြစ်နိုင်သည်သာ အကောင်းဆုံးတည်းဟု သဘောရသတည်း။ စံကျောင်းဆရာတော်ဘုရားကြီးကား ရေတည်အောင် မြေလိမ်းကျံလျှင် မအပ်ဟု မိန့်တော်မူ၏။