သိမ်မျိုးစုံမဟာဋီကာ/နန်းတော်ပေါ် ဝိသုံဂါမပေးပုံ ပြခန်း
| ←၂၁။ တေရသကဏ်ဋီကာ၌ပါဌသေသကြွင်းပုံကို ပြဆိုခန်း | သိမ်မျိုးစုံမဟာဋီကာကျမ်း by ၂၂။ နန်းတော်ပေါ် ဝိသုံဂါမပေးပုံ ပြခန်း |
၂၃။ သတ္တဗ္ဘန္တရသိမ် သာဓကစုံယူပုံပြခန်း→ |
သက္ကရာဇ်(၁၂၄၆) ခုနှစ် ဝါတွင်း ရွှေနန်းတော်အတွင်း ရဟန်းတော်ပြုရာ ဝိသုံဂါမပေးပုံ။
ယခုနှစ်ဝါတွင်း ရဟန်းတော်ပြုရာ ဝိသုံဂါမပေးရန် ဝိသုံဂါမ ပေးပုံကား -
ယမ္ပိ ဧကသ္မိံယေဝ ဂါမခေတ္တေ ဧကံ ပဒေသံ "အယံ ဝိသုံ ဂါမော ဟောတူ’’တိ ပရိစ္ဆိန္ဒိတွာ ရာဇာ ကဿစိ ဒေတိ သောပိ ဝိသုံဂါမသီမာ ဟောတိယေဝ။ (ဝိနည်းမဟာဝါ၊ ဋ္ဌ၊ ၃၃၃။)
ဧကသ္မိံယေဝ ဂါမခေတ္တ၊ တစ်ခုတည်းသော ဂါမခေတ် ဂါမနယ် ဂါမသိမ်၌သာလျှင်။ ယမ္ပိ ဧကံ ပဒေသံ၊ အကြင်တစ်ခုသောအရပ်ကိုလည်း။ အယံ၊ ဤရေသေဌ်နင်း ပြည့်ရှင်မင်း အလိုရှိအပ်သော အရပ်ဌာန ပဒေသသည်။ ဝိသုံဂါမော၊ ဝိသုံဂါမသည်။ ဝါ၊ ရွာသီးရွာခြားသည်။ ဟောတု၊ ဖြစ်လော။ ဝါ၊ ဖြစ်စေ။ ဣတိ၊ ဤသို့။ ပရိစ္ဆိန္ဒိတွာ၊ အမိန့်တော်စကားတော်ဖြင့် ပိုင်းခြား၍။ ရာဇာ၊ ရေမြေသေဌ်နင်း ပြည့်ရှင်မင်းသည်။ ကဿစိ၊ တစ်စုံတစ်ယောက်သောသူအား။ ဒေတိ၊ ပေးတော်မူလေအံ့။ သောပိ ပဒေသာ၊ ထိုရေမြေသေဌ်နင်း ပြည့်ရှင်မင်း အလိုရှိအပ်သောအရပ်ဌာန ပဒေသသည်လည်း။ ဝိသုံ၊ အသီးအခြား။ ဂါမသီမာ၊ ဂါမသိမ်သည်။ ဝါ၊ ဂါမခေတ်သည်။ ဝါ၊ ဂါမနယ်သည်။ ဟောတိယေဝ၊ သုံးလူထွတ်ထား မြတ်စွာဘုရား အမိန့်တော် ကမ္မဝါစာနှင့် မရောယှက်ပဲ ရေမြေသေဌ်နင်း ပြည့်ရှင်မင်းတို့ အမိန့်တော်စကားဖြင့်သာလျှင် ဖြစ်သည်သာလျှင်တည်း။
ဤသို့ ကင်္ခါဋီကာသစ် ဝိနည်းမဟာဝါ ဥပေါသထက္ခန္ဓက အဋ္ဌကထာလာသည့်အတိုင်း ရေမြေသေဌ်နင်း ပြည့်ရှင်မင်းသည် ငါအလိုတော်ရှိအပ်သော ဤမျှအတိုင်းအရှည်ရှိသော အရပ်ကို မှူးတော်မတ်တော် မည်သည့်သူအား အသီးအခြားဂါမအဖြစ်ဖြင့် ပေးသနားတော်မူသည်။ ဝိသုံဂါမမြေစား သနားတော်မြတ်ခံစေ။ ဤသို့ အလိုတော်ရှိရာ တစ်စုံတစ်ယောက်သော မိန်းမယောက်ျားအား ပေးသနားတော်မူလျှင်ပင် ဝိသုံဂါမပေးခြင်းကိစ္စ ပြည့်စုံ၏။ ရဟန်းခံခြင်းကိစ္စ ပြည့်စုံပြီးသည့်အခါ ဝိသုံဂါမမြေစား သနားတော်မြတ် ခံရသောသူက ထိုဝိသုံဂါမမြေအရပ်ကို ရေမြေသေဌ်နင်း ပြည့်ရှင်မင်းအား တဖန်ပြန်၍ ဆက်ပြန်လျှင် ဝိသုံဂါမကိစ္စ ငြိမ်းပြန်၏။ ဝိသုံဂါမမြေစား သနားတော်မြတ် ခံရသောသူက တဖန်မဆက်သော်လည်း ရေမြေသေဌ်နင်း ပြည့်ရှင်မင်းက သိမ်းယူလျှင်ပင် ဝိသုံဂါမကိစ္စ ငြိမ်းပြန်၏၊ ရဟန်းသံဃာတော်တို့ ကံကြီးကံငယ် ဆောင်ရွက်ခြင်းငှာ မထိုက်ပြီ၊ ပကတိအတိုင်း ဖြစ်လေပြန်၏။
ရာဇူနံ ဣစ္ဆာဝသေန ပဝတ္တာ ဝိသုံဂါမသီမာ စ ဗဒ္ဓသီမာ ဝိယ သဗ္ဗကမ္မာရဟာ။ (ဝိနယာလင်္ကာရဋီကာ၊ ပ၊ ၃၄၉)
သုဒဿနဓဇ အတုလာဓိပတိသိရီပဝရ မဟာဓမ္မရာဇာဓိရာဇာဂရုတိ လဒ္ဓလဉ္ဇေန စံကျောင်းအာစရိယာသဘေန သယမေဝ တဒါ ရစိတော ဝိသုံဂါမဝိနိစ္ဆယော သမတ္တော။
အနာဂတဒါနဋီကာ သမတ္တာ။
ဝိသုံဂါမဋီကာ သမတ္တာ။