བཙན་པོ་རིམ་བྱུང་གི་ལོ་རྒྱུས།/ལེའུ་གསུམ་པ།

←ལེའུ་གཉིས་པ།

བཙན་པོ་རིམ་བྱུང་གི་ལོ་རྒྱུས། ལེའུ་གསུམ་པ།

ལེའུ་བཞི་པ།→

118 ༇ མཁར་པྱྀང་བ་སྟག་རྩེ་ན་ནྀ་རྒྱལ་སྟག་བུ་སྙ་གཇྀགས་བཞུགས། །ཉེན་ཀར་རྙིང་པ་ནྀ་ཟིང་པོ་རྗེ་སྟག་སྐྱ་བོ་མཆིས། །

119 སྔུ་ར་བ་འྀ་ཡུ་སྣ་ན་ནི། །ཟྀང་པོ་རྗེ་ཁྲི་པངས་སུམ་མཆིས། །འུང་ནས་ཟྀང་པོ་རྗེ་སྟག་སྐྱ་བོ་ལྟ་ཞིག། ཇྀ་ལ་ཡང་

120 ལོག་པ་གཤྀན་པྱོགས་ཤེ་དག་བྱེད་དེ། །ཉེས་པ་ནྀ་ལེགས་པར་བཅུག། ལེགས་པ་ནི་ཉེས་པར་བཅུག་གོ། འཛངྶ་

121 པ་སྙྀང་ཉེ་བ། །ལེགས་པ་འི་སྲིད་བྱས་བློ་བརྟན་པ་ནྀ་མྱི་ཉན་། །མྱི་གཅམ་བུ་གསགྀ་ངོ་ཟ་རི་བྱེད་པ་འྀ་ཚྀག་ནི། །

122 ཆེད་དུ་ཡང་ཉན་ཏོ། །མྱྀ་འདི་ལྟེ་བུའི་ཡུས་བྱུང་ངོ། །མྱི་འཛངས་པ་དྲང་མཁྲང་བྱེད་པ་དང་དཔའ་བོ་ཆུ་གང་བྱེད་པ།

123 ལ་སྡང་སྟེ། རྀ་མོ་བསྐྱུངས། །མ་འོས་པ་འྀ་ཆད་པ་ནྀ་ནན་ཆེ་འོ། །མྱི་མཁོའ་བ་འྀ་ལས་ཀྱི་སྣ་གྲངས་ནྀ་མངས་སོ། །

124 འུང་ལྟར་ཟྀང་པོ་རྗེ་སྟག་སྐྱ་བོ་། །ཆོས་ལོག་ཆིང་སྲྀད་གྱུར་པས། །རྗོ་བོ་ཉེས་དགུའ་བྱེད་པའ། མྱྀ་ཆིག་གིས

125 མཐོང་ཡང་། །ཉེས་པ་འྀ་བློ་གདབ་དུ་མ་འོས་པ་འྀ་ཆད་པ་ནན་ཆེས། ཚིག་དྲག་གྀས། །ཇྀ་ག་སུས་བློ་གདབ།

126 མ་ཕོད་དོ། །རྗོ་བོ་ནི་བླ་ན་གཐུམ་མོ། །ཁོལ་པོ་ནྀ་འོག་ན་སྐྲག་གོ། །རྗོ་བོ་ནི་བླ་ན་སྨྱོ་། །ཁོལ་པོ་ནི་འོག། །

127 ན་གྲམ་མོ། །གཆྀག་ལ་གཆིག་སྙིང་མྱྀ་བརྟན་ཏེ། །ཐ་དད་དུ་སེམས་སོ། །ཇོ་བོ་ཟིང་པོ་རྗེ་ངན་ཞན་ཏེ། །

128 ཇྀ་ལ་ཡང་ལོག་པ་གཤྀན་པྱོགས་ཉེས་དགུར་བྱེད་པས། །ཡུལ་གྱི་སྲིད་ཀྱང་དམའས་སོ། །མྱྀ་ཡོངས་ཀྱང་རྗོ་བོ།

129 ལ་འཁང་ངོ། འུང་ནས་ཟྀང་པོ་རྗེ་སྟག་སྐྱ་བོ་འི་བློན་པོ། །མཉན་འཛྀ་ཟུང་ནག་པོས། །རྗོ་བོ་ལ་གསོལ་པྰ། །

130 རྗོ་བོ་ཇི་ལ་ཡང་ལོག་པ་གཤྀན་པྱོགས་མཛད་པས། །སྐོལ་ཀྱི་སྲིད་ནྀ་སྲིད་དུ་མ་རུང་། ཆོས་ནྀ་ཆོས་སུ་

131 མ་རུང་སྟེ། ཡུལ་གྱྀ་མྱི་དབུལ། ཉམས་ཀྱྀ་སྲིད་དམའ་སྟེ། ན་མོ་བརླག་ཟིན་ན་ཇྀ་ནོངས་ཤེས་གསོལ་ནས།

132 འུང་ནས། ཟྀང་པོ་རྗེ་སྟག་སྐྱ་བོ་ཉན་དུ་མ་རུང་སྟེ། །འདྀ་སྐད་ཟེར་བ་ཉེས་སོ་ཞེས། །འཛྀ་ཟུང་བློན་པོ་ལས་

133 པྱུང་ངོ། འུང་ནས་འཛྀ་ཟུང་མ་རངས་སྟེ། །ཟྀང་པོ་རྗེ་ཁྲི་པང་སུམ་ལ་ལྟས་ནས། །ནག་པོ་འཁུས་ཏེ

134 སྐྱ་བོ་བསད། དྲེ་འུ་རྒལ་ཏེ་བསེའ་སྒ་བཆག་གོ། །སྟག་སྐྱ་བོ་འི་ཡུལ། ཡུལ་ཡེལ་རབ་སྡེ་བཞི་དྔ། །

135 ཀླུམ་ཡ་གསུམ་། །ཟྀང་པོ་རྗེ་ཁྲི་པང་སུམ་གྱྀས། འདུས་སོའ། །དེ་འྀ་དཀུའ་འགེལ་དུ་མཁར་

136 སྔུར་བས་བཆད་དེ། ཀླུམ་ཡ་སུམ་གྱི་སྨད་། །མཉན་འཛྀ་ཟུང་གི་བྲན་དུ་དངར་ཏོ། །བྲན་གྱི་ས་

137 རྀས་ཀྱི་ནང་དུ། །མྱང་ནམ་ཏོ་རེ་ཁྲུ་གྲུ་དང་། སྨོན་ཏོ་རེ་ཙེང་སྐུ་སྤད་ཀྱང་། འཛི་ཟུང་གྀ་བྲན་དུ་བཆད་དོ། །

138 འུང་ནས་། །འཛྀ་ཟུང་གི་ཆུང་མ་པ་ཚབ་ཟས། །མྱང་བྲན་བྱེད་པ་ལ། །དྲེགས་བཀུར་ཏེ། །སྡྀག་བསྣོལ། སྟུ་བསྟན

139 ནས། མྱང་ཙེང་སྐུ་མ་རངས་ཏེ། །ཟྀང་པོ་རྗེ་ཁྲི་པང་སུམ་ལ་། །མཉན་གྱྀ་བྲན་བྱེད་མྱི་ཕོད་ཆེས་འཁངས།

140 སྟེ་གསོལཏོ། །ཟྀང་པོ་རྗེ་ན་རེ། མཉན་འཛྀ་ཟུང་ལས་ང་ལ་སྙིང་ཉེ་མྱེད་པ་འྀ་བྲན་དུ། །ཁྱོན་(ཁྱོད)འདའ་མ

141 རན་པ་མྱེད་དོ། །རྗོ་མོས་སྡིག་བསྣོལ་སྟུ་བསྟན་བ་བས། །ཁར་གླན་ཡང་རྗོ་མོ་དབང་གིས། །ཉེས་པ

142 མྱེད་དོ་ཞེས་བསྒོསྟེ་། གསོལ་བ་མ་གནང་ངོ། །འུང་གྀ་ཚིག་དེས་ཙེང་སྐུ་ཤིན་དུ་མ་རངས་སྟེ་ཡི་ཆད་དོའ། །

143 འུང་གྀ་རྗེ་ལ། ཟྀང་པོ་རྗེ་འི་མངན་དབའས་བཤོས་ཏོ་རེ་ཁྲུ་གུ་དང་། །གཤེན་ཁྲི་བཞེར་འདྲོན་ཀོང་གཉིས། །

144 འཕྲེན་བ་འྀ་རྫིང་ཀར་འཐབས་ནས། གཤེན་ཀྱིས་དབའས་བསད་དོ། །དབའས་ཀྱྀ་ཕོ་བོ་ཕངས་ཏོ་རེ་དབྱི་ཚབ་ཀྱིས།

145 ཟྀང་པོ་རྗེ་ལ། ནུ་བོ་གཤེན་ཀྱིས་བསད་པ་འྀ་སྟོང་ཇི་གནང་ཞེས་གསོལ་ནས། ཇྀང་པོ་རྗེས། གཤེན་ཁྲི་བཞེར།

146 ཁོལ་ཚབ་ནང་བློན་བྱེད་པ་འྀ་ངོ་མ་ཆོད་དེ། །དགེ་བས་མྱི་དགེ་བ་བསད་ན། བསད་དུ་ཟད་དོ་ཞེས་བསྒོ་འོ། །

147 འུང་གྀ་ཚིག་དེས། དབྱྀ་ཚབ་ཤིན་ཏུ་མ་རངས་སྟེ་ཡི་ཆད་དོ། །འུང་ནས་མྱང་དབའས་གཉི་ཀྰ་ཡི་ཆད་དེ། །འགྲོགྶ།

148 སྟེ་དོང་ངོ། །དབྱྀ་ཚབ་ནི་སྔ། ཙེང་སྐུ་ནྀ་འཔྱི་སྟེ། །ཁྱིམ་དུ་དོང་ངོ། །ཙེང་སྐུ་གཆིག་པུ་པྱི་ན་ཚུར་སྨྲ་སྟེ། ཆབ་ཆབ

149 ནྀ་ཕ་རོལ་ན་། །ཡར་ཆབ་ནྀ་ཕ་རོལ་ན། །མྱྀ་འི་ནི་མྱྀ་བུ་སྟེ། ལྷ་འྀ་ནི་སྲས་པོ་བཞུགས། །རྗེ་བདེན་ནི་བཀོལ།

150 དུ་དགའ། སྒ་བདེན་གྱིས་ནྀ་བསྟད་དུ་དགའ་ཞེས་སྙིང་ལ་སེམས་པ་ཁར་ཏོར་ཆེས་བྱུང་ནས། དབྱི་ཚབ་སྔུན་

151 ན་འགྲོ་བ་འྀ་རྣ་བར་ལྷངས་ཤེས་ཐོས་སྟེ། །དབྱི་ཚབ་ཀྱིས་ཚྀག་དེ་ཏོག་ཅེས་བླངས་ནས། ཙེང་སྐུ་ཀྱོད་(ཁྱོད)

152 ཟེར་བ་ལས་བདེན་བ་མྱེད་དོ། །ཁོ་བོ་ཡང་འདྀ་ལས་མ་རངས་པ་མྱེད་ཀྱིས། །ཁྱོད་སེམས་པ་དང་མྱི་འདྲའ

153 རེ་ཞེས་མནའ་བོར་རོ། །འུང་ནས། མྱང་དབའས་གཉྀས་ཟིང་པོ་རྗེ་ལས་འཁུས་ཏེ། །བཙན་པོ་སྤུ་རྒྱལ་

154 ལ་གློ་བ་ཉེ་བར་བྱས་ནས། མནའ་མཐོའ་ཡང་ཆེར་བཆད་དོ། །འུང་གྀ་འོག་དུ་དབའས་དབྱི་ཚབ་ཀྱིས། །ཞང

155 པོ་མནོན་བཟང་ཏོ་རེ་སྲོན། །བློ་ལ་བཏགས་ཏེ། །མནའ་མཐོ་བཆད་པ་ལས། །བཟང་ཏོ་རེ་ཤི་ནས། །བུ་པང་

156 སུམ་འདྲོན་པོ་། ཟྀང་པོ་རྗེ་འི་ནང་ཀོར་བྱེད་པ་བློ་ལ་བཏགསྟེ་མནའ་མཐོའ་བཆད་དོ། །མྱང་སྨོན་ཏོ་རེས

157 ཚེས་པོང་ནག་སེང་བློ་ལ་བཏགས་ཏེ། །མནའ་མཐོ་བཆད་དོ། །འུང་ནས་མྱང་དབའས་མནོན་དང་གསཾུ་གྱིས།

158 ཚེས་པོང་ནས་སེང་ལས་པྲིན་ཀྱྀས། སྤུ་རྒྱལ་སྟག་བུ་འྀ་སྙད་དུ་བོན་ནས། །བཙན་པོ་འྀ་ཞལ་ནས། །ང་འི་སྲིང་

159 མོ་ཞིག་ཀྱང། ཟྀང་པོ་རྗེ་འི་ག་ན་འདུག་མོད་ཀྱི། །ཁྱེད་ཟེར་བ་བཞིན་བྱ་འོ་ཞེས་བཀའ་སྩལ་ནས། །མྱང་

160 དབའས་མནོན་དང་གསུམ། །བྲོ་ལེན་ཆིང་མཁར་པྱིང་བར་མཆྀས་ནས། །ཉིན་ཞིང་ནྀ་ཕག་ཚལ་གྱི་ཤིང་

161 ཁུང་ན་སྐུགསོ། །མཚན་ཞིང་ནྀ་པྱིང་བར་མཆི་སྟེ། །དབུ་སྙུང་བྲོ་མནའ་གཅོད་པ་འི་ཚེ། །ཡར་མྱྀ་འབངས་

162 ཀྱིས་དཔྱད་པའ། །མྱྀ་བཟངས་ནྀ་རྟ་བཟངས་ཤིག། །ཉྀན་ཞིང་ནྀ་ཕག་ཚལ་ན་། མཚན་ཞིང་ནྀ་པྱིང་

163 བར་མཆྀའ། དགྲའ་འམ་ནྀ་ཟིན་ཅི་འུ་ཞེས་དཔྱད་དོ། །འུང་གྀ་རྗེས་ལ་། ཟྀང་པོ་རྗེ་ལ་དྲ་མ་མ་དྲངས་པྼ།

164 རྒྱལ་སྟག་བུ་དགུང་དུ་གཤེགསོ། གདོད་མ་རྒྱལ་སྟག་བུ་འི་སྙན་དུ་ནྀ་། པྲིན་ཚེས་བོང་ནག་སེང་གིས།

165 བགྱིས་སོ། །དེ་ཚུན་ཆད་ནྀ་ཚེས་པོང་ནག་སེང་གི་བྲན་། །སྤུག་གྱིམ་ཏང་རྨང་བུས་བགྱིས་སོ། །སྤུང་གྱིམ་

166 ཏང་རྨང་བུ་བློ་ལ་བཏགས་ན། གཉྀད་ལོག་པ་ན་བརྡོལ་གྱིས་དོགས་ནས། །ཁྱོ་མོ་དང་མྱྀ་ཉལ་བར་རི་ལ་

167 ཉལ་ཞིང་། ནུབ་རེ་མལ་རེ་འཕོའ་འོ། །ཁྱོ་མོ་ལ་ཡང་ང་ལ་མཚར་གྱི་ཡྀ་དགས་ཤིག་བབ་གྱིས། །གསང་

168 ཐུབ་པར་གྱི་ཤིག་ཆེས་བཏམསོ། །འུང་ནས་ཇྀ་ཞིག་བྱེད་བྱེད་ནས། །ཁྱོ་མོ་དང་གཉྀས་ཀ་འཐབསོ། །འུང་ནས་

169 ཁྱོ་མོ་ན་རེ། །ཁྱོད་ལྟོ་བོ་ཆེ་ལ། ཡྀ་དགས་མ་བབ་ཀྱི། །ལྟོ་སྦྱོར་དུ་ངེས་སོ་ཞེས་བྱས་སོ། འུང་ནས་དེ་འི

170 ནུབ་མོ་ནས་མོད་ལ་ངོ་བྱས་སྟེ། མཛའ་ནས། ནུབ་གཉིས་སུམ་ལྷན་ཆིག་ཉལ་བ་ལྟར་བྱས་སྟེ། །

171 ཁྱོ་མོ་འི་ལྕེ་སོས་བཏབ་སྟེ། །དམུར་དམུར་ཏེ་བཆད་ནས། །ཁྱོ་མོ་ཡང་ཤི་འོ། །འུང་གི་འོག་དུ

172 ཟིང་པོ་རྗེ་ལ་མ་དྲངས་པར། །གྱིམ་ཏང་རྨང་བུ་ནད་གྱིས་བཏབ་སྟེ་རབས་ཆད་དེ་ཤི་འོ། །