བཙན་པོ་རིམ་བྱུང་གི་ལོ་རྒྱུས།/ལེའུ་གཉིས་པ།

←ལེའུ་དང་པོ།

བཙན་པོ་རིམ་བྱུང་གི་ལོ་རྒྱུས། ལེའུ་གཉིས་པ།

ལེའུ་གསུམ་པ།→

63 ༇ བཙན་པོ་ལྡེ་པྲུ་བོ་གནམ་གཞུང་རྩན་གྱྀ་རིང་སླན་ཆད། །བློན་ཆེ་བགྱིས་པ་འྀ་རབས་ལ། གནའ་ཐོག་

64 མ་འདའར་ཀྱྀ་བུ་སྟོང་དང་རྗེས་བྱས་ཏེ།:།འཛངས་ལ་དཔའ་འོ། །གློ་བ་ཡང་ཉེ་འོ། །དེ་འྀ་འོག་ཏུ་རྔེགས། །

65 དུད་ཀྱྀ་རྗེས་བྱས་ཏེ། །དཔའ་ལ་འཛངསོ། །དེ་འྀ་འོག་དུ་ཁུ་ལྷ་བོ་མགོ་གར་གྱིས་བྱས་ཏེ། དགྲ་ལ་དཔྰ་

66 ཞིང་སྙིང་ཤེས། མྱིག་རྣོ། །དེ་འྀ་འོག་དུ་ལྷོ་ཐང་འབྲིང་ཡ་སྟེངས་ཀྱིས་བྱས་ཏེ། །པྱི་འི་དགྲ་ཐུབ། །

67 ནང་གྀ་ཁབ་བསོ་མཐོའ། །དེ་འི་འོག་དུ་རྔེགས་ཐ་ང་ཡོང་ཐང་རྗེས་བྱསྟེ། །དཔའ་ཞིང་འཛངས་སོ། །

68 དེ་འི་འོག་དུ་གནུབས་སྨོན་ཏོ་རེ་སྦུང་བརྩན་གྱིས་བྱས་ཏེ། །སྙྀང་ཤེས་མྱིག་རྣོ། །དེ་འྀ་འོག་དུ་མཐོན་མྱི་འབྲིང་

69 པོ་རྒྱལ་བཙན་ནུས་བྱས་ཏེ། །དཀུའ་ཆེད་པོ་བྱས་ནས། །ཁོ་ན་འི་སྲིང་མོ་མཐོན་མྱྀ་ཟ་ཡར་སྟེང་། དུག་བསྐུར

70 ཏེ་བཏང་བ་ལས། །མོ་ན་དུག་འཐུངས་ནས། །བཙན་ནུ་བཀུམ་བ་ལགསོ། དེ་འྀ་འོག་དུ་སྣ་ནམ། །

71 འབྲིང་ཏོག་རྗེས་བྱས། །དེ་འི་འོག་དུ་གནུབས་ཁྲི་དོ་རེ་མཐོང་པོས་བྱས། །དེ་འྀ་འོག་དུ་གནུབས།

72 ཁྲི་དོག་རྗེ་གཙུག་བློན་གྱིས་བྱས། །དེ་འྀ་འོག་དུ་གནུབས་མཉེན་ཏོ་རེ་ངན་སྣང་གིས་བྱས། དེ་འི་འོག

73 དུ་ཤུད་པུ་རྒྱལ་ཏོ་རེ་ང་མྱིས་བྱས་ཏེ། །འདྀ་ཡན་ཆད་གྱི་བློན་པོ་འཕྲུལ་དང་ལྡནཏེ། ལྟག་བརྟན་དང་འདོམ

74 སྟེ། །འཛངས་ཀྱང་ཚད་མྱེད་དོ། །མྱྀ་དེ་ལྟེ་བུ་མ་སྐྱེས་པ་ཙམ་གྱི་ཚོདདོ། དེ་འི་འོག་དུ་མོང་།

75 ཁྲི་དོ་རེ་སྣང་ཚབ་ཀྱིས་བྱསྟེ། །འཛངས་ཀྱི་ཚད་ནྀ་། །རྩང་བོད་ཀྱི་ཇོ་བོ་མར་མུན་བརླགས་ཏེ།

76 དཀུའ་ཆེད་པོ་བློད་པ་འྀ་ཚེ། །དེང་ཕོ་ཉ་ཞྀག་རིངས་པར་འོང་བསྙམ་གིས། །ཕོ་ཉ་འི་ལན་མྱར་དུ།

77 བགྱི་འཚལ་ཞེས་མཆི་ནས། །པོ་ཉ་འྀ་ལན་ཇི་ལ་མ་རག་པར་བྱས་པ་ལས། འུང་གྀ་རྗེས་ལའ། །

78 ཕོ་ཉ་མཆིས་ནས། །སོད་བྱ་མྱི་དགོས་པར་། །སྔར་སུག་ལས་བགྱིས་ལགསྟེ། འུང་ཙམ་མོ་། །

79 དེ་འི་འོག་དུ་། །མགར་ཁྲི་སྒྲ་འཛྀ་རྨུན་གྱིས་བྱསྟེ། །འཛངས་རྒྱ་དང་ལྟག་བརྟན་ནྀ། །འདྲོན་པོ་མྱི།

80 གསུམ་འགྲོགས་ཏེ་འགྲོ་ན་། །འདྲོན་པོ་ཐོག་མ་འི་སྙིང་ལ་འདྀ་སེམས། །བར་མ་འི་སྙིང་ལ་འདྀ། །

81 སེམས། ཐ་མ་འྀ་སྙིང་ལ་འདྀ་སེམས་ཤེས། །གྲོགས་པོ་ལ་གཏམ་བྱས་པ་དང། །བདེན་ནམ་བརྫུན།

82 འདྲོན་པོ་གསུམ་ཁ་བཀལ་ཏེ་རྨས་ན། ཁྲི་སྒྲ་འཛྀ་རྨུན་མཆི་བ་བཞིན་མད་དེ། །འཛངས་ཀྱང་། །

83 ནྀ་དེ་ཙམ་མོ། །དེ་འྀ་འོག་དུ་མྱང་མང་པོ་རྗེ་ཞང་སྣང་གིས་བྱས་སོ། །བཙན་པོ་ཡབ་ཁྲི་སློན་བཙན། །

84 དགུང་དུ་གཤེགས། །སྲས་ཁྲི་སྲོང་བརྩན་གྱི་རིང་ལ། །མྱང་མང་པོ་རྗེ་ཞང་སྣང་གྀས། །སུམ་ཁམས

85 ཐམས་ཤད་འབངས་སུ་དགུག་པར་བཀའ་སྩལ་ཏོ། །མྱང་མང་པོ་རྗེ་ཞང་སྣང་གྀས། །འཛངས་ཀྱི

86 བློ་སྒྱུ་གཉྀས་ཀྱིས། །མྱྀ་རྟ་གཉིས་ཚེགས་མ་བྱུང་བར། །དཔྱའ་ཕབ་ལུག་རྟུག་གི་སྒྱུ། །ལྕེ་ཐོར་ཏོ་

87 ལ་བརྗོད་དེ་། འབངས་གཉུག་མ་བཞིན་དུ་བཀུག་ལྟེ་འུང་ཙམ་མོ། །དེ་འི་འོག་དུ་མགར་མང་

88 ཞམ་སུམ་སྣང་གྀས་བྱས་སོ། །མང་ཞམ་སུམ་སྣང་དང་། ཁུ་ཁྲི་སྙ་དགྲུའ་ཟུང་གཉིས་། རལ་གྱི་དང་བརྡའ

89 པྲད་ཆེས་བགྱིཏེ། གནའ་བཙན་པོ་འབྲོ་མཉེན་གྱི་རིང་ལ། །མཐོན་མྱི་འབྲིང་པོ་རྒྱལ་བཙན་

90 ནུས་བློན་ཆེ་བགྱིས་པ་ན་ཡང་། །གློ་བ་རྀངས་པར་། །མགར་མང་ཞམ་སུམ་སྣང་རལ་གྱྀ་དང་།

91 བརྡའ་ཕྲད་ཏེ་ཚོར་བ་སྐད་དུ་བགྱིས་ནས། །བཟུང་སྟེ་བཀྱོན་ཕབ་པ་ན་ཡང་། །གཤེད་མ་མང་ཞམ་སུཾ། །

92 སྣང་གིས་བགྱྀས་ཏེ། །བཀཾུ་ནས། །མགོ་བཆད་པ་ཐོག་ཆེས་བླངས་ཏེ། །སྣམ་པྲག་དུ་བཅུག་ནས། །

93 གོམ་པ་ལྡ་དྲུག་ཙམ་བོར་ར་དང་འགྱེལ་བ་སྐད་བྱ་འོ། །དེ་འི་འོག་དུ་ཁྱུང་པོ་སྤུང་སད་ཟུ་ཙེས།

94 བྱས་པ་ལས། །འོ་མལྡེ་ལོད་བཙན་དང་རེགས་མ་མཇལ་ནས། །མཁར་ཁྲི་བོམས་སུ་མཆྀས་ཏེ། །ཁྲི་བོམས་

95 དཀུའ་གང་པུབ་ནས། པཙན་པོ་སྲོང་བརྩན་སྟོན་མོ་གསོལ་བར་བྱས་ཏེ། །གློ་བ་རིངས་པ་། མགར་ཡུལ་ཟུང་

96 གྀས་ཚོར་ནས། རང་གྀ་མགོ་བཆད་དེ་གུམ་མོ་། །སྤུང་སད་ཟུ་འཛངས་ཀྱད་ཀྱི་ཚད་ནི། །རྩྀས་གྲ་གསུམ

97 ཞལ་ཅེ་གྲ་བཞྀ་ཡང་རྣ་བས་ཉན་ཞིང་གཆོད། མྱིག་མངས་གྲ་ཆིག་ཀྱང་ཟླ་ལ་རྩེ་ན། རྒྱལ། བྱ་པུག་རོན་

98 ཁྱུ་གཆིག་ནམ་ཀ་ལ་འཕྲུར(འཕུར) བ་ཡང་། གཆིག་གཉྀས་གསུམ་བཞི་ལྔ་དྲུག་ཆེས་བགྲགས་། བྱ་པྱིར་འཕུར་

99 བ་ཡང་བགྲངས་པ་ལས་། །བྱ་ཆིག་མ་ཚང་ན་། །ཁྲས་བསད་པ་འདྲའས་ལྟོས་ཤེས་མཆི་ནས། །མྱི་

100 ཡོངས་ཀྱིས་བལྟས་པ་ལས། །བྱ་ཆིག་ཁྲས་བཀུམ་སྟེ། །སྤུང་སད་ཟུ་ཙེ་ལྟེ་བུ་། ཚོར་སྐྱེན་ལ་དཀུའ་ཆེ། །

101 སྙིང་འཛངས། །མྱྀ་ཆིག་ལ་ཚོགས་དགུ་ཚོགས་ན། །ཟུ་ཙེ་ལྟེ་བུ་སུ་ག་ལ་ཡང་མྱེད་དོ། །དེ་འི་འོག་དུ་

102 མགར་སྟོང་རྩན་ཡུལ་ཟུང་གྀས་བྱས་སོ། །ཡུལ་ཟུང་རྒས་ནས་། །འོ་མ་ལྡེ་ལོད་བཙན་བཅུག་གོའ། །

103 རྀང་པོ་མ་རག་པར་གློ་བ་རིངས་ནས་བཀཾུ་མོ། འུང་ནས་བློན་སྟོང་རྩན་སླར་བཅུག་སྟེ། ལོ་དྲུག་བགྱིས།

104 ནས་། །རྒས་ཏེ་ཀཾུ་མོ། །སྐྱིན་བར་ཞང་ལོན་པྲ་མོ་དང་འབངས་ཀྱིས་དཔྱའད་པ་ནྀ། །དབའས་སུམ་སྣང།

105 བཅུག་ཀྲང་ཞེས་དཔྱད་དོ། །རྗེ་བློན་གསངས་སྟེ་བཀའ་འཏགས་པ་ནྀ་། །མགར་བཙན་སྙ་ལྡོམ་བུ་རྟ་དྔ།

106 མཚུངས་རྀགས་ཀྱིས་བློན་ཆེར་བཅུག་གོ། །བློན་ཆེ་འྀ་ལུགས་སློབ་པ་འི་འོག་པོན། དབའས་སུམ་

107 སྣང་གིས་བྱས་ཏེ། སུམ་སྣང་གུམ་ནས། །བློན་བཙན་སྙ་ལྡོམ་བུས་བྱས་སྰོ། །དེ་འྀ་འོག་དུ་ཁུ་མང་པོ་

108 རྗེ་ལྷ་ཟུང་གྀས་བྱས་སོ། །ལྷ་ཟུང་བཀྱོན་ཕབ་ནས། །དབའས་ཁྲྀ་གཟིགས་ཞང་ཉེན་གྱིས་བྱས་སོའ། །

109 དེ་ནས་མགར་ཁྲྀ་འབྲིང་བཙན་བྲོད་ཀྱིས་བྱས་སོ། །དེ་འི་འོག་དུ་དབའས་ཁྲི་སུམ་རྗེ་རྩང་བཞེར་གྱིས

110 བྱས་སོའ། །དེ་འི་འོག་དུ་རྔེགས་མང་ཞམ་སྟག་ཚབ་གྱིས་བྱས་སོ། །དེ་འི་འོག་དུ་དབའས་སྟག

111 སྒྲ་ཁོང་ལོད་ཀྱིས་བྱས་ཏེ། །བཀྱོན་ཕབ་ནས། །འབྲོ་ཅུང་བཟང་འོར་མང་གིས་བྱས་སོ། །དེ་འི་འོག

112 དུ་འབལ་སྐྱེ་ཟང་ལྡོང་ཚབ་ཀྱིས་བྱས་སོ། །སྐྱེ་ཟང་ལྡོང་ཚབ་བཀྱོན་ཕབ་ནས། །དབའས་སྣང་བཞེར་

113 ཟུ་བརྩན་གྱིས་བྱསོ། །དེ་འི་འོག་དུ་མགོས་ཁྲི་བཟང་ཡབ་ལག་གྀས་བྱས་སོ། །དེ་འི་འོག་དུ།

114 མཆིམས་ཞང་རྒྱལ་ཟྀགས་ཤུ་ཏེང་གྀས་བྱས་སོ། །དེ་ནས་ངན་ལམ་སྟག་སྒྲ་ཀླུ་གོང་གིས་བྱོས། །

115 དེ་འི་འོག་དུ་སྣ་ནམ་ཞང་རྒྱལ་ཚན་ལྷ་སྣང་གིས་བྱས་སོ། །དེ་འི་འོག་དུ་འབྲོ་ཁྲི་གཟུ་རམ་ཤགྶ

116 ཀྱིས་བྱསོ། །དེ་འི་འོག་དུ་དབའ་མང་རྗེ་ལྷ་ལོད་ཀྱིས་བྱས་སོ། །དེ་འི་འོག་དུ་འབྲོ་ཁྲི་སུམ་རྗེ་སྟག

117 སྣང་གྀས་བྱས་སོ། །དེ་འི་འོག་དུ་དབའས་རྒྱལ་ཏོ་རེ་སྟག་སྙས་བྱས་སོ་། །