བཙན་པོ་རིམ་བྱུང་གི་ལོ་རྒྱུས།/ལེའུ་བཞི་པ།

←ལེའུ་གསུམ་པ།

བཙན་པོ་རིམ་བྱུང་གི་ལོ་རྒྱུས། ལེའུ་བཞི་པ།

ལེའུ་ལྔ་པ།→

173 ༇ །བཙན་པོ་སློན་མཚན་དང་། སློན་ཀོལ་མཆེད་གཉྀས་ཀྱིས། མྱང་ཙེ་སྐུ་་དང་། དབའས་དབྱྀ་ཚབ་དང་། དབའས་མྱེས།

174 སྣང་དང་། དབའས་པུ་ཚབ་དང། མནོན་འདྲོན་པོ་དང་། ཚེས་པོང་ནག་སེང་དྲུག། །བྲོ་སྩལ་པ་འྀ་ཚིག་ནྀ། །དེང་ཕན་ཆད། ཟིང་

175 པོ་རྗེ་རྒྱབ་དུ་མྱྀ་དོར་རེ། སྤུ་རྒྱལ་པང་དུ་མྱྀ་ལེན་རེ། །བཙན་པོ་སྤུ་རྒྱལ་ལ་གློ་བ་འདྲྀང་རེ། །མཐང་གྲང་རེ། མན་ངག་ཐུབ་པར་མྱི་

176 འཚལ་རེ། པྱྀ་མ་ནང་འཚལ་རེ། སོམ་ཉི་བགྱྀད་རེ། །བརྟུལ་ཕོད་པར་མྱྀ་འཚལ་རེ། །སྲོག་སྤོངས་(མྱི)འཚལ་རེ། །བཙན་པོ་

177 སློན་བཙན་གྱིས། །བཀའ་ཇྀ་སྩལད་པ་བཞྀན་མྱི་ཉན་རེ། གཞན་སུས་བསླུས་ཀྱང་ཉན་རེ་བར་བྲོ་སྩོལ་ཏོ། །མྱང་

178 ཙེང་ཅུང་དང་། མྱང་མུ་གསེང་དང་། ཚེས་པོང་ན་གུ་དང་། དབའས་མྱེས་སྣང་། དབའས་པུ་ཚབ་རྣམས་བྲོ་ལ་གཐོགསོ། །

179 དེ་ནས་དགུང་ཐུས་བགོས་སྟེ། སླར་མཆིས་སོ། །གཅུང་སློན་ཀོལ་དང་། ཡུམ་སྟོང་ཙུན་གཉྀས་ནྀ་། སླད་ན་ཡུལ་འཚོའ། །

180 ཞྀང་བཞུབས་སོ། །བཙན་པོ་ཁྲི་སློན་བཙན་གྱིས། ཞབས་ཀྱྀས་བཙུགསཏེ། དམག་ཁྲི་དང་ཆསྟེ་དྲངས་སོ། །མྱང་ཙེང་སྐུ། །

181 དང། མནོན་འདྲོན་པོ་གཉིས་ནྀ། །སྟག་པ་ཤརུ་ལ་ཚུན་ཆད་།བྱ་གཆོད་ཆིང་ཉན་རྣར་བཀྱེའོ་།། དབའས་དབྱྀ་ཚབ་དང་། །

182 ཚེས་པོང་ནག་སེང་གཉིས་ནྀ། བཙན་པོ་འི་སྤྱན་འདྲེན་ནོ། །ཆུ་བོ་ནི་རབ་དུ་བཏོད་དོ་། དྲ་ལ་ནྀ་དབྱེ་རུ་བཏྀང་ངོ། མཁར་ཡུ་

183 སྣ་ནྀ་ཕབ་བོ། །དགུ་གྲྀ་ཟིང་པོ་རྗེ་ནྀ་བརླག་གོ། །མང་པོ་རྗེ་སུམ་བུ་ནྀ་དྲུ་གུ་ཡུལ་དུ་བྲོས་སོ་། ཕགྀ་ཡུང་བ་སྣ་མན་ཆད། །

184 རྐོང་བྲེ་སྣར་ཡན་ཆད་། བཙན་པོ་པྱག་དུ་བོན་ཏོ། །བཙན་པོ་ཁྲི་སློན་བཙན་གྱྀས། བཀའ་སྩལ་ཏེ། ཡུལ་ངས་པོ་ལས། །

185 འཕན་ཡུལ་དུ་མྱྀང་སྤོས་སོ། །མྱང་དབའས་ཀྱྀས། །མཆྀད་བླངས་པ། །གཟུས་ནྀ་ལྷ་བོན་ཏོ། སློན་མཚན་སློན་ཀོལ།

186 གཟུས་ནྀ་ལྷ་བོན་ཏོ། །སྲིན་བྱ་རྒོད་ཀྱིས་བཏགསྟེ། །ཚེས་པོང་ནག་སེང་གིས་བཏགས་སོ། རྗེ་བདེན་གྱྀས་ནྀ་བཀོལ་ཏོ།

187 སྒ་བདེན་གྱྀས་ནི་བསྟད་དོ། །མྱྀ་སྨོན་རུམ་དུ་སྤུ་ངོ། །མཚེ་གཟུགས་རུམ་དུ་འཁྲུངས་སོ།། དེ་ནས་ཡུལ་ངས་པོ་འི་།

188 འབངས་། དབའས་དབྱྀ་ཚབ་ལསྩོགས་པས། །བཙན་པོ་འི་མཚན་གསོལ་པ། །ཆབ་སྲིད་གནམ་བས་མཐོ། །

189 དབུ་རྨུག་རི་བས་བརྩན་ཏེ། །གནམ་རྀ་སློན་མཚན་དུ་བཏགསོ། །མྱང་དབའས་མནོན་དང་གསུམ་གྱིས། །

190 ཟྀང་པོ་རྗེ་འྀ་སྲིད། བཙན་པོ་སྤུ་རྒྱལ་གྱི་པྱག་དུ་དངར་ཏོ། །དེ་ནས་གནམ་རི་སློན་མཚན་གྱྀས་པྱག་ལྕག་གིས། །

191 དྲས་ཏེ། །མྱང་ཙེང་སྐུ་འྀ་བྱ་དགའར། །མཉན་འཛྀ་ཟུང་གི་མཁར་སྔུར་བ་དང་། བྲན་ཁྱྀམ་སྟོང་ལྔ་བརྒྱའ་སྩལཏོ།

192 དབའས་དབྱི་ཚབ་ཀྱྀ་བྱ་དགའར། །ཟ་གད་གཤེན་ཀྱི་ཡུལ་ས་དང། མལ་ཏྲོ་པྱོགས་ནས་བྲན་ཁྱིམ་སྟོང་ལྔ་བརྒྱའ་སྩལ་ཏོ། །མནོན་འདྲོན

193 པོ་འི་བྱ་དགའར། ཁོ་ན་འྀ་པུ་ནུ་པོ་མནོན་ལ་སྩོགས་པ་བྲན་ཁྱིམ་སྟོང་ལྔ་བརྒྱའ་སྩལ་ཏོ། །ཚེས་པོང་ནག་སེང་གྀ་བྱ་དགྰར།

194 འོན་ཀྱྀ་སྨོན་མཁར་ནས་། །བྲན་ཁྱིམ་སུམ་བརྒྱའ་སྩལ་ཏོ། །མྱང་ཙེང་ཅུང་དང། ཕ་སྤུན་པོ་མུ་གསེང་གཉྀས་ནྀ་དཀུ་ལ

195 གཐོགས་སྟེ། དཀུ་རྒྱལ་པ་འི་ནང་དུ་ཡང་གཐོགས་སོ། །དབའས་དབྱྀ་ཚབ་ཀྱི་ཚ་བོ་། །སྟག་པོ་རྗེ་མྱེས་སྣང་དང། མང་པོ

196 རྗེ་པུ་ཚབ་གཉྀས་དཀུའ་རྒྱལ་ལ་གཐོགས་སོ། །ཚེས་པོང་ནག་སེང་གྀ་ནུ་བོ་ན་གུ་དཀུའ་རྒྱལ་ལ་གཐོགས་སོའ། །

197 འུང་ལྟ་སྟེ། མྱང་དབའས་མཐོན་དང་གསུམ། ཚེས་པོང་སྲིན་དང་བཞིས། །གློ་བ་ཉེ་ནས། བྲན་ཁྱྀམ་མང་པོ་དང། །

198 ཡུལ་ཆེད་པོ་སྩལ་ཏོ། །བཙན་པོ་འི་བློན་པོར་བཅུག་གོ། །རྒྱལ་པོ་འདྀ་འི་རིང་ལ། །ཁྱུང་པོ་སྤུང་སད་ཀྱིས།

199 རྩང་བོད་ཀྱི་རྗེ་བོ་མར་མུན་མགོ་བཆད་དེ། །རྩང་བོད་ཁྱིམ་ཉི་གྲི་། །བཙན་པོ་འི་པྱག་དུ་པུལ་ཏེ། ཟུ་ཙེ་གློ་བ་ཉེ་འོ། །

200 འུང་ནས། བཙན་པོ་སློནབཙན་གྱྀས། རྩང་བོད་ཁྱིམ་ཉི་གྲྀ་། །ཟུ་ཙེ་གློ་བ་ཉེ་བ་འི་བྱ་དགའར་སྩལ་ཏོ། །འུང་གྀ་འོག་དུ།

201 བཙན་པོ་མཆེད་གཉིས་ལ། །མོང་སྔོན་པོ་གློ་བ་རྀངས་པ། ཟུ་ཙེ་གློ་བ་ཉེ་བས་དཀུའ་བེལ་ནས། །བཙན་པོ་མཆེད

202 གཉྀས་ཀྱི་སྐུ་ལ་མ་དར་པར། །མོང་སྔོན་པོ་བཀཾུ་སྟེ། །ཟུ་ཙེ་གློ་བ་ཉེ་འོ། །ཟིང་པོ་རྗེ་སྲིད་བརླག་པ་འྀ་བློ་ལའ།

203 གཐོགས་ཏེ། །ཟུ་ཙེ་གློ་བ་ཉེ་འོ། །འུང་གྀ་རྗེས་ལ་དགས་པོ་འབངས་སུ་མངའ་བ་ལས་ལོག་གོ། །འུང་ནས་རྗེ་

204 བློན་ཡོངས་སུ་འདུས་ཏེ། །དགས་པོ་ལྷ་དེ་དགུག་པ་འྀ་བཀའ་གྲོས་མཛད་ནས། དམག་པོན་སུས་བྱ་ཞེས་བློད་(གླེང་་)ན།

205 སེང་གོ་མྱི་ཆེན་གྱྀས། །ཁོ་བོས་རྔོ་ཐོག་ཆེས་ཁས་བླངས་སོ། །འུང་ནས་ཁྱུང་པོ་སྤུང་སད་ན་རེ། །ཁྱོ་འདའས།

206 དམག་པོན་འོང་ངམ། །མྱྀ་འཛངས་པ་གོ་། །སྒྱེ་འུ་ནང་དུ་སྨྱུང་བུ་བཅུག་པ་དང་མཚུངས་ཤེས་བྱ་ན། །ཁྱོ་འདའ།

207 བཙན་པོ་འི་སྣམ་པྱྀ་པར་བཀའ་སྩལ་ནས། །ལོ་དུ་མ་ཞིག་ལོན་ན། འཛངས་རྔོ་ཐོག་གོ་ཞེས། །མྱྀ་ཆིག་གྀས།

208 བསྟོད་པ་ཁོ་བོས་མ་ཐོས་ན། །ཁྱོ་འདའས་མྱྀ་འོང་བ་ལ་བསྒྲེ་བསྒྲེ་སྟེ། །འབངས་ཆབ་འཚལ་བར་མཆི་འོ། །

209 ཞེས་བྱས་སོ། །མྱྀ་ཆེན་ན་རེ། །མྱི་ཡོངས་ཀྱིས་ཁོ་བོ་ལ་སྙན་དུ་མྱི་བརྗོད་པ་ཡང་བདེན་ནོ། །ཁོ་བོ་སྔོན

210 སྒྱེ་འུ་ནང་དུ་གུགས་ཀྱང་མ་ཞུགས། རྩེ་མོ་པྱིར་མ་བྱུང་བ་ཡང་བདེན་ནོ། །ཁོ་བོ་སྔོན་སྒྱེ་འུ་ནང་དུ་ཞུགས་

211 སུ་ཟིན་ན། །རྩེ་མོ་བས་ཡུ་བ་ཕན་ཆད་པྱུང་སྟེ་སོང་ཟིན་ནོ། །འུང་གྀས་དེང་ཁོ་བོས་གསོལ་བ་ཡང་། །

212 སྔོན་ཇི་འི་ནང་དུ་ཡང་མ་ཞུགས་པས། གདོད་འཇུག་པར་གསོལ་བ་ཡྀན་ནོ་ཞེས་བྱས་སོ། །འུང་ནས། །

213 བཙན་པོས་ཀྱང་། །མྱི་ཆེན་གསོལ་བ་བཞིན་གནང་ནས། །དགས་པོ་འབངསུ་དགུག་པ་འྀ་དམག་པོན་དུ་བཀའ་

214 སྩལ་ཏོ། །འུང་ནས་མྱི་ཆེན་གྱིས། །དགས་པོ་ལྷ་དེ་ལ་བརྒལ་ཏེ་། །དགས་པོ་ཡོངས་སུ་བཀུག་སྟེ། མྱི་ཆེན

215 གྱི་བྱ་དགའར། །གསེར་ཁུང་རེ་འུ་རྒལ་གྱི་མྱི་དང་འབྲོག་དུ་བཆས་ཏེ་སྩལ་ཏོ། །འབྲོང་ཆེ་པོ་རྔུལ་གྱི་རྭ་མྱི་།

216 ཡོངས་ཀྱི་ཁ་ན་བརྗོད་ན། །སོང་འགོ་མྱི་ཆེན་གྱྀས། །དགས་ཀྱི་བསེན་མཁར་ལ། །མདུང་མོ་ཐབས

217 གཆིག་གྀས་། འབྲོག་མོ་ཐང་གང་ཐོབ། །པྱོགས་རྔེག་སུམ་བརྩན་སྐྱ་བོ་རེང་གིས། དཔའ་བ་འྀ་པུལ་

218 པྱིན་ན་ཉྀན་ཆིག་ལ་དགས་པོ་མྱི་བརྒྱའ་བསད་ཆེས་འུང་སྐད་དོ། །འུང་གྀ་རྗེ་ལ། མྱང་སྨན་ཏོ་

219 རེ་གློ་བ་ཉེ་བ་འྀ་བུ། །ཞང་སྣང་བཙན་པོ་འི་ཞ་འབྲྀང་སྣང་མ་པ་འཚལ་ཞྀང་མཆིས་སོ། །འུང་གྀ་རྗེས་ལའ། །

220 བཙན་པོ་རྗེས་འབངས་དགྱེས་སྐྱེམས་སྟོན་མོ་གསོལ་ལོ། འུང་གྀ་ཚེ་ཁྱུང་པོ་སྤུང་སད་ཀྱིས་ཀླུ་བླངས་པ་འི་

221 ཚིག་ལ། །མོན་ཀ་འྀ་སྟག་ཆིག་པ། སྟག་བཀུམ་ནྀ་ཟུ་ཙེས་བཀུམ། གུང་བཀྲོས་ནྀ་པྱག་དུ་པུལ་། སླ་ལྭོ་ནི།

222 ལྷེ་(ལྷོ)རྔེགས་སྩལད། །རྩང་བྲང་ནྀ་ཡ་སྟོད་ཀྱི། ཐང་པྲོམ་ནྀ་རྒོད་ལྡིང་བའ། །རྒོད་བཀཾུ་ནྀ་གཟུ་ཙེས་བཀུམ། །རྒོད་

223 གཤོག་ནྀ་པྱག་དུ་པུལ། གསབ་གསོབ་ནྀ་ལྷོ་རྔེགས་སྩལད། །ན་ནྀང་ནི་གཞེ་ནྀང་སྔ། །ཏྀ་སེ་ནི་གངས་དྲུང་

224 ནས། །ཤ་དང་ནྀ་རྐྱང་བྱེར་བའ། །ཤམ་པོ་ནྀ་སྩ་ལ་བྱེར། །དྀ་རིང་ནྀ་སང་ལྟ་ན། ཤམ་པོ་ནི་གཉན་གྱྀ་རྩ། །ཤ་རྐྱང་།

225 ནྀ་ཚས་མ་ངན། ཤ་རྐྱང་ནྀ་ཚས་ངན་ན། ཏི་སེ་ནྀ་གངས་ཀྱིས་བྲུན་། །ན་ནིང་ནྀ་གཞེ་ནིང་སྔོན། མ་པང་ནྀ་མཚོ་

226 འགྲམ་ནས། ངང་དང་ནྀ་ངུར་བྱེར་བ་། །དང་ཀོ་ནི་མཚོ་ལ་བྱེར། །དྀ་རིང་ནྀ་སང་ལྟ་ན། དང་ཀོ་ནི་ལྷ་འྀ་མཚོའ། །

227 ང་ངུར་ནི་ཚས་མ་ངན། ང་ངུར་ནྀ་ཚས་ངན་ན། །མ་པང་ནྀ་མཚོ་འིས་བྲུན། །ལྷོ་རྔེགས་ནྀ་འཕན་གྱི་སྣོན།

228 སེ་ཁྱུང་ནྀ་འཕན་གྱིས་བཏབ། །སྔ་ན་ནྀ་འཕན་བ་ལ། ད་ཙམ་ནྀ་སྤྱན་ཡང་ཡས། དབུ་པྱིང་ནྀ་གྲོ་བོ་ལ།

229 ཐ་མ་ནི་གཡགྀས་བསྐོརད། ཟུ་ཙེ་ནི་སྩལ་ལགས་ཀྲང། ཀླུ་དེ་ཞེས་བླངསོ། འུང་ནས་བཙན་པོ་འི་

230 ཐུགས་ལ་དགོངས་པ། །བློན་པོ་ལྷོ་རྔེགས་གཆིག་གྀས་ལན་བླན་བར་ཐུགས་རེ་བ་ལས། སུས་ཀྱང་མ་

231 བླན་ཏོ། །འུང་ནས་ཞང་སྣང་པེ་འུ་ཟུར་འབྲིང་པོ་བཆས་པ་ཙམ་ཞིག་། །སྣང་མ་ལྟོམ་ཞིང་མཆིས་པ་ལ། །

232 ཁྱོད་ཕ་སྙིང་ཉེ་བ་འྀ་བུ་ན་། །ཀླུ་ཤེས་སམ་ཞེས་རྨས་པ་དང་། ཞང་སྣང་གིས་མཆིད་འཚལ་ཞེས་གསློ་ཏོ། །

233 ཞང་སྣང་གིས་ཀླུ་བླངས་པ། །ཀྱེ་ན་ནིང་ནྀ་གཞི་ནིང་སྔ་། །ཆབ་ཆབ་ནྀ་ཕ་རོལ་ན་། །ཡར་ཆབ་ནྀ་ཕ་རོལ་ན།

234 དགུ་གྲི་ནི་ཟིང་པོ་རྗེ། །ཉ་ལས་ནྀ་ཁམ་དུ་བཀོང། ཁམ་ལས་ནྀ་རྨེག་དུ་བཏའ་། །སྐྱི་ནས་ནྀ་ཉ་འདོན་པ།

235 དབྱི་ཚབ་ནྀ་པངས་ཏོ་རེ། །ཀླུམ་ན་ནྀ་ཆབ་གཆོད་པ་། ཙེང་སྐུ་ནྀ་སྨོན་ཏོ་རེ་། ཁུར་ར་ནྀ་རགས་ཐོགས་ཤིང

236 དོག་གྀ་ནི་ས་སྐྱེད་པ་། །པང་སུམ་ནྀ་འདྲོན་པོ་ཞིག། །ཐང་ལ་ནྀ་རྩེ་བཆད་ཆིང། ཤམ་པོ་ནི་རྨེད་དུའ།

237 བསྣན། །ཡུ་སྣ་འྀ་ནི་མཁར་པབ་ཆྀང་པྱིང་བ་འྀ་ནྀ་སྣོན་དུ་བགྱིས། སྔ་ན་ནི་མཐོ་བ་ལ། ད་ཙམ་ནི་

238 དགུང་ལ་རེག། །ངས་པོ་ནི་སྒང་དྲས་ཤྀང་། ཡར་མོ་ནྀ་ཁོལ་དུ་སྩལ་སྔ་ན་ནི་ཆེ་བ་ལ། ད་ཙམ་ནི་

239 མཐའ་ཡང་ཡས། །སྷོ་རྔེགས་ནི་འཕན་གྱི་སྣོན། ལྡོང་ཏོང་ནི་འཕན་གྱིས་བཏབ། སྔ་ན་ནི་འཕན་པ་

240 ལ། ད་ཙམ་ནི་སྤྱན་ཡང་ཡས། ན་ནྀང་ནི་གཞེ་ནིང་སྔ། །ཕོ་མ་འྀ་ནི་འབྲོང་བཀཾུ་བ། ལྷོ་ཤིང་ནི་

241 སྨྱུག་མོ་རྒྱལ། །ལྩགས་ཀྱྀས་ནྀ་མ་དྲལ་ན། །སྨྱུག་གྀས་ནི་རེ་མྱི་པུགས། །རྐོད་ཀྱིས་ནི་

242 མ་བསྒྲོན་ན། འབྲོང་ལ་ནྀ་རེ་མྱི་འི་འཇེན། །ངས་པོ་ནི་ར་ཡུལ་གྱི། ཀོམ་རྩེ་ནི་གཟིག་མོ་

243 རྒྱལ། །ཁབ་ཀྱིས་ནྀ་མ་པུག་ན། རྒྱུས་ཀྱིས་ནྀ་རེ་མྱི་སུགས(ཟུག)། རྒྱུས་ཀྱིས་ནི་མ་

244 དྲངས་ན། ཀོམ་ཙེ་ནྀ་ཉིད་མྱི་འཇོ་ཞེས་གླུ་བླངས་ནས། །ཚིག་དེས། བཙན་པོ་

245 ཐུགས་བཉེསྟེ། །མྱང་ཞང་སྣང་བློན་པོར་བཅུག་ནས། བློན་པོ་འི་མཚན་མར་

246 ཡང་རྔུལ་གྱི་སུག་བུ་ཆུང་སྩལཏོ། །