نے مُہرہ باقی، نے مُہرہ بازی
نے مُہرہ باقی، نے مُہرہ بازی
جیتا ہے رومیؔ، ہارا ہے رازیؔ
روشن ہے جامِ جمشید اب تک
شاہی نہیں ہے بے شیشہ بازی
دل ہے مسلماں میرا نہ تیرا
تُو بھی نمازی، میں بھی نمازی!
میں جانتا ہوں انجام اُس کا
جس معرکے میں مُلّا ہوں غازی
تُرکی بھی شیریں، تازی بھی شیریں
حرفِ محبّت تُرکی نہ تازی
آزر کا پیشہ خارا تراشی
کارِ خلیلاں خارا گدازی
تُو زندگی ہے، پائندگی ہے
باقی ہے جو کچھ، سب خاکبازی
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator.
Public domainPublic domainfalsefalse