منہ پہ کھاتا ہے یہ اس طرح سے تلوار کہ بس

by انعام اللہ خاں یقین

منہ پہ کھاتا ہے یہ اس طرح سے تلوار کہ بس by انعام اللہ خاں یقین

منہ پہ کھاتا ہے یہ اس طرح سے تلوار کہ بس
دل مرا عشق میں ایسا ہے جگر دار کہ بس

نزع میں دیکھ مجھے یار جھجک کر بولا
کیا بری طرح سے مرتا ہے یہ بیمار کہ بس

آپ کو بیچ کے یوسف نے زلیخا کو لیا
کیا خریدار نے پایا ہے خریدار کہ بس

اس جھڑی سیتی کہیں گر نہ پڑے بام فلک
اس طرح روتے ہیں تجھ بن در و دیوار کہ بس

عشق کے دار شفا میں مجھے لے چل تو یقیںؔ
کہ طبیبوں نے دیا اس قدر آزار کہ بس