مثال چرخ رہا آسماںؔ سر گرداں
Jump to navigation
Jump to search
مثال چرخ رہا آسماںؔ سر گرداں
پر آج تک نہ کھلا یہ کہ جستجو کیا ہے
یہاں تو کام تمنا ہی میں تمام ہوا
مگر انہوں نے نہ پوچھا کہ آرزو کیا ہے
یہ بحث کثرت و وحدت کی ہم سے کیوں واعظ
ہماری آنکھوں سے تو دیکھ چار سو کیا ہے
کوئی تو چاہئے رخنہ امیدواری کو
برائے چاک جگر حاجت رفو کیا ہے
مثل جہاں میں ہے "مشتے نمونہ از خروار"
جو ہٹ دھرم نہیں تم ہو تو ہٹ کی خو کیا ہے
گواہ ہیں یہ تری بہکی بہکی باتوں کے
یہ جام کیا ہے یہ مے کیا ہے یہ سبو کیا ہے
تمہارے دانت نہیں ہیرے کی ہیں یہ کنیاں
تمہارے سامنے موتی کی آبرو کیا ہے
|
This work is in the public domain in the United States but it may not be in other jurisdictions. See Copyright.
|