قیس وہ ناتوان صحرا ہے
Jump to navigation
Jump to search
قیس وہ ناتوان صحرا ہے
کالبد نیستان صحرا ہے
آتش عشق سے ہے سینہ گرم
جلوۂ برق جان صحرا ہے
تیرے دیوانہ کے لیے زنجیر
موج رنگ روان صحرا ہے
غم میں کس شعلہ رو کے دود آہ
آتش دودمان صحرا ہے
ہے جو فرہاد دعوتیٔ کوہ
قیس بھی میہمان صحرا ہے
حیف پیک اپنا رہ غلط کردہ
تازہ چشم روان صحرا ہے
ہے ہر اک حرف چشم غول وقارؔ
اس غزل میں بیان صحرا ہے
|
This work is in the public domain in the United States but it may not be in other jurisdictions. See Copyright.
|