عەقیدەی مەرزیە/مبحث افعال الله و حکمتهِ
Jump to navigation
Jump to search
| ←مبحث الاسماء والّصفات | عەقیدەی مەرزیە (1860) by مبحث افعال الله و حکمتهِ |
مبحث الحسن و القبح→ |
| هەرچی ئەفعالی «ربّ العزة»ن | گشتی بێ غەرەز، «بلا علة»ن |
| ئەمما پڕ حیکمەت، پڕ مەنفەعەتن | لە عەبەس خاڵی پڕ مەسڵەحەتن |
| تەئویلی دەکەین، وەک خۆش کەلامان | هەر عیللەتێ وەهم ببرێ لە لامان |
| «في الآية ٲو في الحديث افهمِ» | «بالمصالحِ و بالحكمِ» |
| هەر چی وجوودی پێ دریاوێ | لە هەر چی و هەر تەرز دانریاوێ |
| «من حيثُ» کە عیلم حەق موتقینییە | ئیرادەی ئەوی موخەسسیسییە |
| قودرەتی ئەوە کە موبریزییە | ئەم سیفاتیچە نوقسانی نییە |
| هەروەها دەوێ و مەوقیعی خۆیە | لەوە بەدیعتر نییە کە هەیە |
| «مالك الملك»ی بە حەقی بێ ڕەیب | حەکیم و عەلیم «بلانقص» و عەیب |
| قودرەتی کە دەس دەرێرێ لە جەیب | تەسەڕڕوف کا موڵک شەهادەت و غەیب |
| بە قەبز ئەر بە بەست، زەحمەت یا ڕەحمەت | ئەر لوتف و نیعمەت، ئەر عونف و نەقمەت |
| هەمووی حیکمەتە و فەزڵە و عەدالەت | مونەززەهـ لە زوڵم، قوبح و جەهالەت |
| زوڵم و ستەم و مالیکی عالەم؟! | هەی قسەی شەتەت کە دەردێ لە دەم! |
| قەبیح و «ذو الفعل» مەحموود و مەلیح؟! | ئەی وەهمی غەلەت، ئەی لەفزی قەبیح! |
| غەیرە ئەبدەع و حەزرەتی حەکیم؟! | «بالله عذنا من كيد الرجيم» |
| وەزعی بێ جێگە و جەنابی عەلیم؟! | «نستغفر الله ربّنا العظيم» |
| «فعلاً و حكماً» دوورە لە «فەحشا» | موڵکیچ موڵکی خۆی «يفعل ما يشا» |