سارے عالم میں نور ہے تیرا
Jump to navigation
Jump to search
سارے عالم میں نور ہے تیرا
ہر جگہ پر ظہور ہے تیرا
شرق سے غرب قاف سے تا قاف
تذکرہ دور دور ہے تیرا
دل عاشق کو کیوں جلاتا ہے
یہ بھی کیا کوہ طور ہے تیرا
میں کہاں اور تیرا نام کہاں
سب کرم کا وفور ہے تیرا
شب فرقت کو کیوں دراز کیا
کیا یہ روز نشور ہے تیرا
اس ستم گر کا کیا کریں شکوہ
او رے دل سب قصور ہے تیرا
رحم کر آسماں پہ اے باری
بندۂ پر قصور ہے تیرا
اس کو کہتے ہیں انجمؔ عاصی
نام رب غفور ہے تیرا
|
This work is in the public domain in the United States but it may not be in other jurisdictions. See Copyright.
|