دل میں اس بانیٔ بیداد کے گھر ہونے دو
Jump to navigation
Jump to search
دل میں اس بانیٔ بیداد کے گھر ہونے دو
رفتہ رفتہ مری آہوں کا اثر ہونے دو
اب تو وہ فرط محبت سے یہ فرماتے ہیں
گھر نہ جائیں گے جو ہوتی ہے سحر ہونے دو
شوق سے ہاتھوں میں مہندی ملو تم تو اپنے
خون ہوتا ہے اگر میرا جگر ہونے دو
زلف سرکاؤ ذرا عارض تاباں سے کبھی
چاندنی رات کو اے رشک قمر ہونے دو
سرد مہری سے نہ اک آن بھی باز آؤ تم
روح میری ہے اگر گرم سفر ہونے دو
مہر و الفت ہی میں اس طرح کے ہوتے ہیں کلام
روز ہوتا ہے اگر وصل میں شر ہونے دو
تیغ ابرو کے ابھی وار عبث کرتے ہو
تم مجھے بھی تو ذرا سینہ سپر ہونے دو
مدتوں سے وہ یوں ہی ٹالتے ہیں وعدۂ وصل
شام ہوتی ہے تو کہتے ہیں سحر ہونے دو
نہ کوئی فکر کسی طرح کرو تم وہبیؔ
عمر جس طرح سے ہوتی ہے بسر ہونے دو
|
This work is in the public domain in the United States but it may not be in other jurisdictions. See Copyright.
|