تری اے شاہ خوباں ہو بلا چٹ
Jump to navigation
Jump to search
تری اے شاہ خوباں ہو بلا چٹ
وہ بوسہ دے کہ ہو جس کی صدا چٹ
منڈا کر خط رخ اس مہ لقا نے
کیا ہے آئنے کا گھر صفا چٹ
مجھی کو گالیاں دیتے رہے وہ
مگر لیتا رہا بوسے چٹا چٹ
تمہاری زلف کا باندھا نہ چھوٹا
ڈسا کالے نے جس کو وہ موا چٹ
مسلم مرغ دل ہے میہمان غم
کرے جلد اے خدا وہ یہ غذا چٹ
وقارؔ اس گل کو غنچہ نے جو دیکھا
تو اوصاف دہن میں بول اٹھا چٹ
|
This work is in the public domain in the United States but it may not be in other jurisdictions. See Copyright.
|