Якстере теште/1924/37/Чопудасо
| ←Итальянской тюрьмасто серма | Якстере теште, № 37, 9 декабря 1924 г. редактор Глухов, Пётр Семёнович Чопудасо сёрмадызе Куторкин, Андрей Дмитриевич |
Эрзянь кельсэ кинигань сермадумань кувалт конкурс→ |
| Якстере теште. Еженедельный орган Мордовской секции при Ц. К. Р. К. П. (б.). — № 37, 9 декабря 1924 г. — с. 2—3 |
| Чопудасо. |
| (Евтнема эрзянь эрямсто). |
I.
Телень-чи кармась чополгадмо. Ульцясо якшамо, ерьва кудопрясто вицтэ кепети качамо — неяви уштыть потопкат. Лов пороша ащи чувто ланга... Ульця ютксо налксить эйкакшт — кажноень чамазо якстере якшамдо. Сынь бороцить, сеерить, пеедить, тылкаиить вейкест вейкест лов поц. Копорест лововт — чукамс как тенст а знярдо. Налксима шкастост лиссь Лелянь Маркань кецтэ ортава Галань Митяй и тусь киява кудов... Ловсь Митяень пильгендэ ало чикорды.
— Ванька, ранкстась Митяй эйкакшнеэнь вакска ютамстэ, адя кудов. Еряват!
Эйкакштнэнь ваксто явсь пакшине кемнилее иесэ и тусь кудов тетянзо мельга. Вот и кудост Маркадо кавто кудонь трокс. Совасть кудов... Кудость масторксозо рудазов, киякс кунчкасо ащиль озадо ветешка иень тейтерне и налксиль пенге песэ, езем ланксо ащильть прялка эйкшнэ и щердить колмо ават. Кавтотне однэть, Митяень урьванзо, а колмоцесь козиказо. Сыре уж, да и сонсь Митияйсь аволь од сон лови эстензэ ведьгемень ветешка ие.
— Ну, Ната, пувак тол пурнак ярцамкс, — ялгатне курок туить...
— Извойстэ? — кевстизе толонь пувамсто Ната баба.
— Нуда, а ков ещо курок кильдеме. Ванька азе тон ветеленьть тикшеде эцик, да плотнасто.
— Паньда тетей, и Ванька моразь тусь кардайс.
— Митяй атя озась стольэкшс, конань ланксо уж ульнесть кемгавтовошка чувтонь пеньчт, вакан, пель кше и чаккш ям марто... Озасть весе ярцамо. Ванька як совась. Чать менезь ярцавсть и Митяй стясь столекшстэ ознось ды мери:
А косо Андрейсь? Ванька тон аздасак?
— Сон тетей учильняв тусь мейсь бути!
— Ваткавлея бу киськезэ... Шайтят содыть мезе теи, кодамо бути „чайкас“ сермаць... Книгат ловны салавинька... Уж знярдо як понги кедь алон.
Истя мурнезь Митяй атя оршась шуба ланкс чапат:
— Ну мон туян... Штобо самозон севнумат иляст уль мерсь Митяй урьванзо туртов. Лиссь ушов. Ванька тусь ильтемензо. Лисьмедензэ мейле щердеме есть педя кардайстэ туемазонзо, а то путь а ули. Вана ортась чикордозь панжовсь. Митяй криштизе гнедоенть и тусь. Ванька совась кудос.
II.
Кармасть кудосо щердеме. Ванька куйсь полокланкс и маць. Аволь кувать ащесть кустимбева ки бути чуказь кармась совамо. Од аватне лоткасть щердеме кулцонозевсть; совась сэрей пак
ша кемкавксовошка иесэ, кармась кайсеме. Ната баба мери:
— Я Андрей те тон? Ярцат?
— Ярцан! мери Андрей
— Тетят севнось эйснэнть — мекс кувать, а сат?
— Андрей, а Андрей! Кулцонумак церынем — нардавтык прят „чай кастоньт“, Мери Ната баба. Ведь берякс ломатне кортыть эйстэдесть! Мерить пазнэ а ознат... Ведь берян ули тенть... Виськс, виськс аватнэде. Ведь одирваяк а муят. Ков сестэ молят? Праватне як иляст велявт неке... мере Ната баба Андрейне.
— Авай мезде як иля мелявт, праватнень кияк а полавтцынзе, ячейкась монстень еряви — монь тосо анцяк оймсима таркам...
— Те истя Андрей, да тетят как кежиявтни мери Арте марта а кортнешкни, ды ощо мери газетас сермадык ведь берянь те тевесь?
— Да кода мон карман маронзо кортлеме? Ведь сон кулак, кулак, авай, бедноинь обидиця. Розори сон беднойть теи ейсэст ведь нищойкс. Ну, нет, тон а чаркудят.
— Да тоненьть паро кортамс, а тетяте сон ярмак заем езьмакст тонть кис..,
— Сонзэ ярмакне курок, а кармить ерявмо... Вара макст (срок) шка.
И лоткасть. Андрей ярцась и маць тожо, а кода сон маць, пувизь толонть и мацть весе.
III.
Омбоце чись ютась истяжо кода весе ютыть велесэ читне, да теле чись аволь кувака як — курок юты. Истя, тей тов-чись чопотець. Чокшнестэ Андрей ков гак езь мольть, ащесь кудосо и ловнось газетат. Дрррррр! шуми прялказо Онта нинзе, Чик, Чик, Чик, Чик! Чикорды Федя нинзе пакаресь, Ната баба столь бесе сусты Ваньканень панар и моры:
Сто-о-о-оль поц вачты |
— Эй, лиседе карчозон! Ранкстась ульцясто Митяень вальгей. Андрей путызе лавця пес газетанть, орчась и лись сречамо. Покш кенкш кавсть чикордась и кувать яла кардаснэ Митяй и Андрей лишменьть нолдамсто сеересть: тпру гнедой, тпру!
Совась кудос Митяй, чапансо лов поцо кельмесь, щердемеде лоткасть чапатнень ускизь ланкстонзо и Митяй кармась тарксеме лов сосулькат сакалстонзо. Прядынзе озась столь экщс:
— Ну и шка... кармась кортамо, козо бути кемгавтово шайтят те шкане кулость.
Совась Андрей стакасто канць мешок и путызе езем лангс.
— Ну кода ней ярцы лишмесь (алашась) али истяко?
— Яла истяк тетей...
— Мезеяк алашасте теевсь штоли? Кевстизе Митяень бабазо.
— Да мейсь бути моцезэ арась... Яла веселой ульнесь, яла веселой, а Алатырце уж, кода нурдость маро кузинь станциясть трокска, мекс бути потазевсь, а мееле таго тусь. А тев самсто уж панемс савсь.
— А кияк апаро сельмсэ лангозонзо езь вано станциясонть?
— Да кода есть ван кодамо пандова бойкасто усксь нурдтнэнь.
— Вый некак молян терса Тате кумань?
— Ков молят? давай ярцамс, да и позда уж ней...
Мезе эсть тейть как алаша маро се вестэсть? И уж светой вецэ пурксизь и санов кшеде андызь Митяй, Ната баба маро, но вальцке енов алашась кулось. Остатка енов Митяй скамонзо ульнесь вакснэнзэ кода ланганзо тусь пар, прась пильгенде сорновтынзе и кулось. Тусть сельведензэ Митяй атянь и совась кудов. Кармась ашулгадомо, чись ульнесь недлячи. Велесэ шабранзо марясть весе и састь горювамо Митяень кавто сватунзо, а Ната бабань кумазо сась прячерсэнзэ разии:
— Вай, да мейсь тень сердешнойть езде евта? А! Ведь кода ведь прине пувавлень уголиясто ведь лучи улевель, а ней ведь разорявиде. Вай грешнойть!
— Нет уж сонзэ сельмекстызь, лайшимань пачка мери Ната баба и весе авардить.
— Ну мезе ней, сват, тееме кармат? Кевстизе Яков Митяень.
— Мезе ней тейме, мийса скалонть ды раман каняшке, мон уж лишмевтеме аеряван.
— Вай моне бу евтамксо-о-оль, сеери Тате баба.
— Да мезе тон ведь брясость теевлеть? Мери тензэ Андрей.
— Читьменть! Сеери лангозонзо Митяй атя. Весе наверна тоньдеть не тевтнеяк. Лоткеть ознома, стуфтык вере пазоньть.
— Верна як, — Мери Сеянь Арте сюпав шабразо.
— Горювазь да авардезь тевсте мезяк атеят. Адядо усксенек теланть ямас, месть сонзэ тесэ кирьдемсь.
Тусть весе телань пурнамо, а Ната баба пракшны лишмень теласть ланак, да лайши:
— Совавтынк кудов, мери аватнене Андрей. Саизь кавал алдо Ната бабань и ветизь кудос.
Алашаньть путызь нурдос и ливтизь кардайстэ и ускезь ямас калмамо.
Миизе скалзо Митяй атя и рамась каняшке, кода сась кизэ чи, тейсь помочь и моданзо сокавтынзе. Кизечистэнть жо сась красной армиясто Федя церазо, а сексь енов Онта як сась, кармасть робутамо рамасть подтелка. Андрей сексестэсть тусь тонавтнеме рабочеень факультец Московов. Тосто кучьсь продналогто льгота, а Онта кода красноармеец максь заявления и остаказо налогонь простизь. Митяй атя кежеявтнемде лоткась, а кода Ванька совась ячейкас од ломанень, то даже мерсь тензэ:
— Паро церам. Тон, Ванька, весе ляляксонт (братоксонь) туить... Евтнек тень мезе тосо тейтядо мон монсь как чаркудинь ней мезе тевесь...
— Ну кода тетяй, Андреень ведьбрясь лучи Тате бабань седесьть? Кевстезе тетянзо Ванька.
— Да церынем ней спокойсте ерян. Но улит Ванька нейдяк ощо ламо чопудасо ерицят. Тонавтнеде и тееде тенст валдо шка!
Куторкин.
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1991 году, и был участником Великой Отечественной войны, соответственно эта работа выйдет в России в общественное достояние в 2066 году.
The author died in 1991, so this work is also in the public domain in countries and areas (outside Russia) where the copyright term is the author's life plus 30 years or less. |