Якстере теште/1924/30/Советень Масторга
| ←Эрзянь аватне тевс кундасть | Якстере теште, № 30, 8 октября 1924 г. редактор Глухов, Пётр Семёнович Советень Масторга |
Лия масторга→ |
| Якстере теште. Еженедельный орган Мордовской секции при Ц. К. Р. К. П. (б.). — № 30, 8 октября 1924 г. — с. 3—4 |
| СОВЕТЕНЬ МАСТОРГА. |
| Эрзянь-мокшонь тонафтыцянь экскурсият. |
Наркомпросось нолдась ярмакт экскурсиянь теемс. Не экскурсиятнень тейсызь велень тонафтыцятнень. Эрьзянь-мокшонь Центрань Бюрось получась те экскурсиясоньть 25 тарка и явиньзе сынст истя:
| 1) | Пензань губерняв | . . . | 8 |
| 2) | Саратовонь „ | . . . | 7 |
| 3) | Самаронь „ | . . . | 5 |
| 4) | Нижегородск „ | . . . | 3 |
| 5) | Татреспубликав | . . . | 2 |
Весе не эрьзянь-мокшонь учительтне сакшность Московов и тесе кемень чить сынь эрясть. Те шкастоньть нефнезь тенст Московонь музейтнень ды не школатнень, косо пекь парьстэ моли тонафтума тевесь.
[ 4 ]| Видьмень анокстамо. |
Сы иестоньть Сельсоюзось арси анокстамс 1 миллион 700 тысьцят понт сюро видьметь.
| Кормовой тикше видьмень анокстамо. |
Сельсоюзось получась кредит кормовой тикшень видьмннь анокстамо. Те шкамс Сельсоюзось уш анокстась 12 вагот викань видьметь ды тейсь договор сельско-хозяйственной кооперациянь союзтнэнь марто, конань кувалт сынь анокстыть 40 тысьця понт клевер шикше видьметь дэ 3 тысьця 200 пондо тимофеевкань видьметь.
| Сюронь ачачома губерняв скотинатнень ускомань чис саеть алка тариф. |
Наркомпуть уставась алка тариф (кшнинь киява ускома питне) вачо губерняв скотинань ускомо. Те тарифсоньть эрьва целковойстоньть каить 35 копийкат. Эстямо питнесе кармить ускомо сы иень маень 1-ой числас.
| Од таркасо эрицятненень пособлить. |
Наркомземось нолдась 80 тысьця целковой ярмакт. Не ярмакнень эйсэ кармить пособлямо сетнень, конат шачома таркастост тусть эрямо од таркас кудонь кардозонь строямо.
Теде башка нолдасьть 54 тысьца целковойть, конатнень лангс рамить алашат ды явсызь сынст сюронь ашачома таркатнень эзга сокицятненень.
| Наркомземось аноксты эрьва мезень лугань тикше видьметь. |
Сы иенти Наркомземось арси рамамо лия мастарсо 1.100 пондо эрьва мезень лугань тикше видьметь ды эсинек масторсо 25 тысьця понд.
| Китаень масторсо рамить алашат. |
Сельсоюзось тейсь договор Китаень купецьнень марто, конань кувалт сынь анокстыть 4.700 алаша не алашатнень явшисызь сюронь ачачома таркава.